प्रकाशित वाक्य 21:8 - लाहौली बाइबिल

⁸ पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 21:8 Iomraidhean Croise

मत्ती 10:28

अच़ि फुको घात लाह्तोर, पर आत्मो नुकसान लेह मरच़ि, दोतंङ साते थाबेंई पर परमेश्वरारंङ साते बेंईन अच्च़ी फुके आत्मा झुल्ला नरकंङ खत्म लेह तरच़ा।

मत्ती 25:25

झांह लेह गेह बेवा इलिग कि अगर गेह कांह ढबाह योंहई च़रपोग ता केई गिह्बी सज़ा रमोंन। दिऊ थल्जी कांह ज़ङों सिक्का धरती रिंङ पथेके च़रतिगा रेड्रु अंऊ कांह तोह दुह दि तोह।

मत्ती 8:26

यीशुज़ि दोतिंङ जुबाब रेंई “हे विशवास मेह मीहरे, छिले बेवातंई?” दंङ दोहपल ए यीशु खड़े शुहचे भमबुट ए छ्वालि बि हुकुम रेह दंङ भत्ते शांत शुहचे इलि।

मरकुसो 9:44

अंऊर मीहबी ओमड्रा लेहपि अंऊ अपेहल ला माह सि, दंङ दोरकी मेह अपेहल ला माह सी।

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

2 थिस्सलुनीकियों 2:9

दुह मदम मीह शेतानो शाक्ति रंङ साते अपा। दोई भत्ते पाहठी ऊ हप्सी चमत्कार, चिन्ह ए अद्धभुत कम लोहतो अतंङ मीहरे दि सोचेकपोर कि दि कम परमेश्वर लहज़ी लेहकी तोह।

1 तीमुथियुस 4:2

दोरे हप्सी शिक्षा रंड्रा धोखेबाज़ शुहबी दोरे दि गप्पा माह ञेंहच़ातोर कि दोरे सही लहज़ातोर या गलत, ठीक ध्वांए अंऊ दुह शाह रिंङ छल्ले महसूस माह शुहबी, अंऊ अच़िया ट्रोट्रे निह्लाम रंङ साते रोह्चे केट्री।

तीतुस 1:16

दोरे हप्सी शिक्षा रंड्रा कुट्रातोरे कि हेनर परमेश्वरा बि ञेंच़ातंई, पर दोतु कम दिबी गलत सबित लहच़ी केट्रा। छना कुचे दोरे महस झखंजी (घिनौने) ए हुकुम माह मनेक्च़ा तोतोर, दंङ दोरे अंऊ ला रूठे कम लहज़िमी जोगे माह तोहर।

इब्रानियों 12:24

केरे यीशु कछंङ अंज़े शुई अंऊ परमेश्वर ए मीहतु बिचंङ खरकोई वाईदा ओ बिचवाई लहज़ा, दंङ पुरच़ि शुहई कछंङ अंज़े तोहई, अंऊ हाबिलो शुई ओ ठ्रोह क्रपिमी वहज़ा पाप माफ लहज़िमी गप्पा लहज़ा।

इब्रानियों 13:4

ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।

1 यूहन्ना 2:22

हप्साड़ अरि तोह? दिरे दुह ए शुरे अंऊ दोच़ी इन्कार लहज़ातोर कि यीशु मसीह तोह, दंङ मसीहू विरोधी दुह ए तोह, अंऊ बाह परमेश्वर ए योह इन्कार लहज़ा।

1 यूहन्ना 3:15

अच़िला एनोह विशवासी न्वा रंङ साते बैर तहच़ा, दुह हत्यारा शुह; दंङ केहच़ी ञेंच़ातोंई कि अरिला हत्या लहज़ाड़ो अनंत जीवन माह शुहबी।

1 यूहन्ना 5:10

अंऊ परमेश्वरो योह टोईच़ी विशवास लहज़ा, दोई ञेंहच़ा कि परमेश्वरे छिल्ला लाह कुहषी ततो दुह हेले शुह, अच़ि परमेश्वरो टोईच़ी विशवास माह लहज़ा, दोई परमेश्वर बि हप्सी ठहराएति, छना कुचे दोई दुह गवाही टोहकठे विशवास माह लहरी, अंऊ परमेश्वरे एनोह योह पाहठी रांहषी ततो।

प्रकाशित वाक्य 14:10

दंङ दुह परमेश्वरो रोहषो बट्रडा केहच़ी अंऊ मिलावट रंङ, दोऊ रोहषो कोली रिंङ केहच़ी च़रति, तुंङमोतो दंङ पवित्र स्वर्गदूतो तुईज़ी कुरच़ो तुईज़ी मेह ए गन्धको टेहषीरिंङ पढ़ेक्पोतो।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:2

गेह ञेंहच़ातग कि केई छि लहज़ातन, केई छना मेहनत लहज़ातन दंङ अपेहल ला हार माह मनेक्च़ातंई, दंङ काह मदम मीहतु हप्सी शिक्षा सहन माह लहज़ातन। केई दुह मीहतिंङ परखेकतन अंऊ दोच़ी कुट्रातोर कि दोरे प्रेरित शुरे पर हेलेरिङ तोतोर माह, दंङ केई दोतिंङ हप्साड़ खोकषातन।

प्रकाशित वाक्य 21:27

पर छिल्ला धिर अपवित्र तोहई या दोरे मीहरे अंऊ दोच़ी मदम कम लहज़ातोर या हप्सी कुट्रातोर, दोतिंङ पक्‍का रूपारिंङ देर्तिंङ अपिमी इजाज़त माह तोहई। अंऊ मीहरे देर्तिंङ अपि तरपोर, दोरे, दुह मीहरे शुरे अतु मिन कुरच़ो जीवनो कताबा रिंङ च़ेहसी तोहई।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।

प्रकाशित वाक्य 9:17

दुह रहंङ ए दोतु सवार अंऊ दोतिंङ गेह दर्शन रिंङ खंईगा, दोरे झांह ठ्रोह तंङफातेर: दोतु काह्ओ रखवाली लहज़ा कवच शुहई ओ बराबर षेह्ई, महस तिंङीं ए गन्धको ठ्रोह लेहई तोहई। रंङों पुंज़ा ब्राघो पुंज़ो बराबर षेह्ई तोईरे, दोतु आहच़ि मेह, टूह ए गन्धक हुंच़ा ते।