प्रकाशित वाक्य 21:7 - लाहौली बाइबिल

⁷ अंऊ जय खोकपोरे, दोरे गिऊ दोरच़ी दि भत्ते आशीष खोकपोरे; दंङ गेह दोतु परमेश्वर शोहग, दंङ दुह गिऊ योह शोतो।

प्रकाशित वाक्य 21:7 Iomraidhean Croise

मत्ती 19:29

अच़िला घरबाररे एनोह न्वा, रिंङ याह-बाह तिंङ, कटुरे, या रिह गिऊ मिन्दु थल्जी केह केहषी ततोर दोबि राह गुणा खोकसोतो, दंङ दुह अनंत जीवन ओ हकदार शोतो।

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

मरकुसो 10:17

अपेहल यीशु एनोह चेला तंङ साते अमरिंङज़ि य्वाते, दंङ इच्च़ा मीह ज़रका रें दोऊ कछंङ अति, दंङ पुष्टू भारे बंङज़ा दोबि रुहक्ती, “हे मोह्ड़े गुरु परमेश्वरारंङ साते अनंत जीवन खोकसिमी थल्जी गेह छि कम लोहग?”

रोमियो 8:14

झांह लेह कि अंयों मीहरे परमेश्वरो आत्मारिंङ जोज़ातोर, दोरे ए परमेश्वरो कटु शुरे।

रोमियो 8:19

छना कुचे भत्ते संसार मोह्ड़े उम्मीदा रंङ साते दू टेमाबि रूमज़ा तोह, अपेहल परमेश्वरे एनोह कटुरे प्रगट लोहतो।

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

2 कुरिन्थियों 6:18

“दंङ गेह केहतु बाह षोहग, दंङ केरे गिऊ योह ए मियोरे शोंई; दि सर्वशक्तिमान प्रभु परमेश्वरो वचन तोह”।

इब्रानियों 8:10

यह्च़ा प्रभु ज़ि कुट्रा, कि अंऊ खरकोई वाईदा दू मुक्का अपेहल गेह अपोग दोहपल इस्राएलो मीहतंङ साते लोहग। दू दि तोह कि, गेह दोतिंङ घेंङौ कानूनो पाहठी सोच़ेक्सी लोहग, दंङ दोरे दोबि एनोह सेहम तोहर अतु दोच़ी अराधना लोहर।

1 पतरस 3:9

बुराई बदलारिंङ बुराई था लंहि दंङ माह गाड़ी ऊ बदलारिंङ गाड़ी रांई; पर दिऊ बदलारिंङ आशीष रांई; छना कुचे परमेश्वरे केतिंङ ऊईतिंङ आशीष रंड्रीमी थल्जी बुलाएसी शुई। अगर केहच़ी झांह लहज़ातंई ता परमेश्वर ला केतिंङ आशीष रमतो।

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 21:3

दंङ गेह इच्च़ा सग रेड्रीगा अंऊ परमेश्वरो सिंहासनो दोरच़ी कुट्री, “खंणु! एंतेग परमेश्वर मीहतु बिचंङ वास लोहतो दंङ एंतेग बेहच़ी परमेश्वर दोतंङ साते बंङज़ोतो, दंङ दोरे दोऊ मीहरे शोरे। दुह एनाह, दोतिंङ एनोह मीहतु रूपारिंङ स्वीकार लोहतो दंङ दुह दोतंङ साते बंङज़ोतो, दंङ दोरे ला दोबि एनोह परमेश्वरो रूपा रिंङ स्वीकार लोहर।