प्रकाशित वाक्य 21:4 - लाहौली बाइबिल

⁴ दुह दोतु टिरो दोरच़ी भत्ते मिक्ति भ्रूच़िह च़रपोतो; दंङ अरिला मीह अपेहला दुखी माह शोतो, क्रपोतो माह, टेहषी महसूस माह लोहतो, दंङ माह ए मौत शोतो, छना कुचे पुराना संसारो भत्ते चीज़ योंहंषा शुहचे योतो।”

प्रकाशित वाक्य 21:4 Iomraidhean Croise

मत्ती 24:35

सर्ग ए धरती योह्सा योतो, दंङ गिऊ गप्पारे अपेहल योह्सोतो माह।

1 कुरिन्थियों 15:26

अंऊ बैरी बि भत्ते बे थल मुखंङ नाश लोहतो दुह मौत शुह।

1 कुरिन्थियों 7:31

दंङ दि संसारारंङ छि धिर ञेंहतु कछंङ तोह, ञेंतिंङ दोबि महस खास च़ेहसी माह जूंस, छना कुचे दि संसारारिङ भत्ते धिर योह्सा योतो।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

2 कुरिन्थियों 6:17

झांह लेह प्रभु हेंदंङ साते पवित्र शास्त्रो दोरच़ी दि कुट्रा, दू मीहतंङ साते शत्‌ह शुहचे इलांई अंऊ परमेश्वरो थलेच़ि माह जोज़ातोर। दंङ अपवित्र चीज़ा तु दोरच़ी शत्‌ह बंङज़ुंई, दंङ गेह केतिंङ ग्रहण लोहग

इब्रानियों 12:27

दंङ दि बोल, “इच्च़ा फेरा यह्च़ा,” दि गप्पा बि कंड्रा, कि बणाषी चीज़ारे त्रुलज़े योर दंङ ऐखा लेह केऊर। ताकि अंऊ चीज़ारे त्रुलज़े मरपोरे, दोरे हमेशा बणेंके बंङज़ोर।

2 पतरस 3:10

पर मसीह हेले रिंङ वापिस अपतो। दुह अचानक ए अपतो, छना अरिया चोर अचानक ए अच़ा आपत। दुह मुक्का सर्गंङ गड़गड़ो सग शोतो, दंङ सर्ग ब्याके शुहचे योतो। सर्गा रिंङ भत्ते धिर मतलब ऐके, लचंङ ए कर रोह्षा योर। दुह मुक्का परमेश्वर दुह भत्ते कम प्रगट लेह च़रपोतो अंऊ मीहच़ी लहसी तातोर ताकि दोतु न्याय लेह तरपोतो।

1 यूहन्ना 2:17

संसार ए दोऊ हिटी झुल्ला योह्सा योतो, पर अंऊ परमेश्वरो हिटी टोहकठे ज़ोज़ा दुह हमेशा बणेंके बंङज़ोतो।

प्रकाशित वाक्य 20:14

दुह भत्ते मीहरे अतु मिन जीवनो कताबा रिंङ च़ेहसी माह तोहई, दोतिंङ मेहू झीलारिंङ छङें च़रति। दोऊ थल, हेंतेग मौत माह, हेंतेग सिए दोतु छल्ले ठहरि माह, छना कुचे दुह भत्ते मीहरे अतु मिन जीवनो कताबा रिंङ च़ेहसी माह दोतिंङ मेहू झीलंङ छङें चरच़तो। दिबी अई मौत ला कुट्री, अंऊ कि मेहू झीलो सज़ा शुह।

प्रकाशित वाक्य 21:1

दोहथर गेह खरकोई स्वर्ग ए खरकोई धरती खंईगा, छना कुचे युई सर्ग ए धरती समुंद्रंङ साते योंहंषा इलजी तोहई।

प्रकाशित वाक्य 22:3

दुह शहरा रिंङ झांह ठ्रोह छल्ले माह तोहई अंऊ परमेश्वरो श्रापो अधीन तोह। दोर्तिंङ परमेश्वर ए कुरच़ो सिंहासन शोतो, दंङ परमेश्वरो सेवक दोऊ अराधना लोहर।

प्रकाशित वाक्य 7:17

छना कुचे कुरच़ा अंऊ सिंहासनो बिचंङ तोह, दोतु रखवाली लोहतो, ध्वांए छना इच्च़ा पोहाल ए एनोह त्रैंईतु रखवाली लहज़ा; दुह दोतिंङ ताज़ा ती तुंङमिमी थल्जी रैंज़ा शुहवा लोहतो अंऊ मीहतिंङ जीवन रंड्रा, दंङ परमेश्वर दोतु टिरा ज़ि भत्ते मिक्ति भ्रूच़िह च़रपोतो।”