प्रकाशित वाक्य 21:27 - लाहौली बाइबिल

²⁷ पर छिल्ला धिर अपवित्र तोहई या दोरे मीहरे अंऊ दोच़ी मदम कम लहज़ातोर या हप्सी कुट्रातोर, दोतिंङ पक्‍का रूपारिंङ देर्तिंङ अपिमी इजाज़त माह तोहई। अंऊ मीहरे देर्तिंङ अपि तरपोर, दोरे, दुह मीहरे शुरे अतु मिन कुरच़ो जीवनो कताबा रिंङ च़ेहसी तोहई।

प्रकाशित वाक्य 21:27 Iomraidhean Croise

मत्ती 13:41

गेह मीहू योह घेंङौ स्वर्गदूतारे च़रपोग, दंङ दोई दोऊ राज्यो भत्ते ठोकरो बजह ए कुकम लहज़ार एखा लोहतो।

मरकुसो 7:2

दोच़ी तंङातोर कि यीशु ए दोऊ थोड़े अरे चेलारे गुहड़ च़िह मेह बगत ज़ोवातोर अंऊ यहुदी रिति-रिवाज़ो हिसाबे अशुद्ध तोहई।

लूको 10:20

पर दिरंङ खुश था शुई कि मांजी आत्मारे केहतु हुकुम मनेक्च़ातेर, पर दिरंङ खुश शुई कि केहतु मिन स्वर्गंङ च़ेहसी तोद।”

इफिसियों 5:5

छना कुचे केहच़ी दि रूठे रंङ ञेंच़ातोंई कि अरिला कुकम लहज़ा, मदम कम लहज़ा, या लालची मीह, अंऊ मुर्ति पूजाऊ बराबर तोह, झांह ठ्रोह कम लहज़ा मीहरे अपेहल ला मसीह ए परमेश्वरो राजो हिस्सा माह बणेक्पोर।

फिलिपियों 4:3

हे सच्चे साथी सुनतुखे, गेह करंङ साते बिनती लहज़ातग कि का दुह मेच़िमी तु मदत लोह, कि दोरे ला एनातु बिचंङ ठ्रोहका शुहचे बंङज़ोर, छना कुचे दोच़ी गेरंङ साते रूठे खबर फेलाच़िमी थल्जी, क्लेमेंस ए गिऊ ऊई साथीरंङ साते मेहनत लहरी, अतु मिन जीवनो कताबारिंङ च़ेहसी तोह।

1 तीमुथियुस 1:10

दंङ कुकम लहज़ा ए समलैंगिक, दंङ दुह मीहरे अंऊ मीहतिंङ रैंज़ा दोतिंङ गुलाम बणाके लंङे चरच़ातोर, दंङ हप्सी कुट्रा मीहरे, दंङ हप्सी कसम लहज़ा, दंङ दुह भत्ते तु थल्जी शुह, अंऊ सच्चा शिक्षाओ खिलाप तोतोर।

इब्रानियों 12:14

भत्ते तंङ साते मेल मिलाप तंही, दंङ पवित्र जीवन श्रींङमी हर पाहठी कोशिश लोहवा लंहि। दू मेह अच़िला प्रभु बि अपेहल खंई माह रपोर।

2 पतरस 3:13

पर ञेंहच़ी उम्मीद लहज़ातंई कि परमेश्वर इच्च़ा खरकोई सर्ग ए खरकोई धरती बणाएपोतो छना दोई वाईदा लहसी तते। दोर सिर्फ धर्मी मीहरे ए बंङज़ोर।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 20:12

दंङ गेह सिए मीहतिंङ दुह सिंहासनो तुईज़ी तंङरिगा, मतलब दोतिंङ अंऊ खास ए आम मीहरे तोतोर। दोरे मीहरे अंऊ समुंद्र डुमज़े सिए इलजी तोईरे, दंङ क्रबो भत्ते सिए मीहरे, दंङ दोरे मीहरे अंऊ सिए दोतु ठहरि तोईरे, दोरे भत्ते दुह सिंहासनो तुईज़ी खड़े शुहचे इलिर। दंङ कताबर अलसा इलि, अंऊर जीवनो कताब ला शामिल तोह। दंङ कताबा रिंङ च़ेहसी गप्पो हिसाबे दोतु फेंसला शुहचे इलि, दोऊ हिसाबे अंऊ दोच़ी लहसी तरेर। दुह भत्ते तु दोतु कमो हिसाबे फेंसला शुई।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 3:5

अंऊ मीहरे द्रक्शे यवातोर, दोरे ला दितु ठ्रोह छंङसी खमज़ेर लेह्पोतो। गेह दुह मीहू मिन दुह कताबो दोरच़ी माह ट्रिकपोग अंऊ दोर दुह मीहतु मिन च़ेहसी तोह अतु दोर अनंत जीवन तोह। अपेहल ला गेह घेंङौ बाह ए स्वर्गदूता तु तुईज़ी खड़े शोहग अंऊ दोऊ सेवा लहज़ातोर, दंङ गेह घोषणा लोहग कि गेह दि मीहबी ञेंहगा।