प्रकाशित वाक्य 20:8 - लाहौली बाइबिल

⁸ अपेहल हज़ार साल योह्सा योतो दंङ स्वर्गदूत शेतान बि दोरच़ी अंऊर दुह छ़ुह्च़ी तोहई, आज़ाद लेह च़रपोतो, दंङ दू, दुह देशा तिंङ धोखा रंड्रीमी थल्जी धकतेखा अच़ा अपतो अंऊ भत्ते संसारारिंङ पुरसा तोतोर। दि देशा तिंङ गोग ए मागोग ला कुट्री। शेतान दुह भत्ते तिंङ इच्च़ा ठहरि ठ्रोहका लोहतो। दोरे महसे शोर झांह ठ्रोह कि अरिया दोतिंङ समुंद्रो शिरतु ठ्रोह मिके मरपोर।

प्रकाशित वाक्य 20:8 Iomraidhean Croise

इब्रानियों 11:12

अपेहल अब्राहम महस यांङदे शुहचे इलि दू सिमी तोहई, दोहपल दोऊ सर्गो कर तु बराबर ए समुंद्रो किनारा ओ शिरतु बराबर अनगिनत वंश पैदा शुई।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 16:14

दि मांजी आत्मा तु दोर्तिंङ चमत्कार लहज़िमी शाक्ति तोहई दंङ दोच़ी इलजे दि मीहतिंङ ठ्रोहका लहरिर अंऊ दि संसारो भत्ते देशारिंङ राज लहज़ातेर ताकि दोरे सर्वशक्तिमान प्रभु परमेश्वरो मोह्ड़े ध्याड़ा रिंङ दोऊ खिलाप लड़ाई लड़ेक्पिमी थल्जी इबि तरपोंई।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 7:1

दोऊ थल, गेह पि स्वर्गदूता तिंङ संसारो पिला हासी कुंणी रिंङ खड़े तंङरिगा। दुह स्वर्गदूता तिंङ संसारा बि दुख रंड्रीमी थल्जी परमेश्वरो दोरच़ी अधिकार रांहषी तोहई, चाहे दुह समुंद्रंङ शुह या धरती ऊ टोईच़ी। दोच़ी संसारो पिला कुंणी ऊ दोरच़ी लहन रोक्केच़ा तोईरे, ताकि समुंद्रो अंदरेग शुह या धरतीऊ टोईच़ी दंङ बणारिंङ लन्न अपि माह जूंस। गेह अई इच्च़ा स्वर्गदूता बि पूर्व दिशा रिंङ प्रगट शुहबी तंङरिगा। दोऊ कछंङ श्रींङी परमेश्वरो इच्च़ा मुहर तोहई। दुह स्वर्गदूते मोह्ड़े सग रे दुह पि स्वर्गदूता तिंङ हाऊष रें दंङ कुई,