प्रकाशित वाक्य 20:2 - लाहौली बाइबिल

^2-3 दोई अजगर मतलब ऊई ओमड्रा अपि शेतान ला कुट्री, झपटेगी च़ुमने च़रति। दोई दोबि छ़ुह्च़ी च़रति दंङ महसे डुह्गे गड्डा रिंङ छङें च़रति, दोई पेतंङ बन्द लेह च़रति दंङ दोर्तिंङ मोहर लगाके च़रति ताकि दोबि इच्च़ा हज़ार साल तचेक युप्सी माह जूंस। झांह लेह, दुह मुक्का ओ टेमा रिंङ, शेतान इच्च़ा हज़ार साल तचेक मीहतिंङ धोखा रें मरपोतो। दोऊ थल, दोबि यह्च़ा थोड़े टेमो थल्जी आज़ाद लेह च़रपोतो।

प्रकाशित वाक्य 20:2 Iomraidhean Croise

मत्ती 19:29

अच़िला घरबाररे एनोह न्वा, रिंङ याह-बाह तिंङ, कटुरे, या रिह गिऊ मिन्दु थल्जी केह केहषी ततोर दोबि राह गुणा खोकसोतो, दंङ दुह अनंत जीवन ओ हकदार शोतो।

मत्ती 8:29

दोच़ी हऊष रेह कुह्तोर, “हे परमेश्वरो योह यीशु! केई गेरंङ साते छि जुन्ज़ातन? कांह छि टईमाबे तुहई ञेंतिंङ बरदो रंड्रीमी थल्जी देहर अंज़े शुनाह?”

मरकुसो 4:15

अंऊ बैएजा अमू मुखरिङ दहछा, दोऊ मतलब झांह ठ्रोह तोह कि रेह मीहच़ी परमेश्वरो बचन ता रेड्री, पर एनोह सेमारिङ माह तहच़ि। दोहर अपेहल ला फलेक्पि माह। छना प्याज़ि बैएजा पेहषे चरच़ि दंङ ध्वांए शेताने दोहपले अंज़े दोतु अंद्रेगज़ि बचन लेन्ज़ा शिल्ज़ी।

मरकुसो 5:7

यीशुज़ि दोऊ अंद्रेग अंऊ मांजी आत्मा तोहई दोऊ हखा कुंई, “हे मांजी आत्मा दिह मीहबी केट्रा धह्कते हुंच़ा इली।” मांजी आत्मा ए यीशु हखा हाऊष रेह कुंहई, “हे महान परमेश्वरो योह यीशु! केई गेरंङ साते छि जुन्ज़ातन? गेह करंङ साते परमेश्वरो मिंदंङ बिनती लहज़ातग कि केई गिह्बी दुख थारोंह।”

यहून्नो 12:31

दा दिह टेम शुह अपेहल परमेश्वर संसारो मीहतु न्याय लोहतो, दंङ दा यीशु दिह संसारो मुख्या शेतानो शक्ति बि खत्म लोहतो।

यहून्नो 16:11

दंङ न्याय ओ पाहठी दिऊ थल्जी याकीन दिलाएपोतो, छना कुचे परमेश्वरे तुईए शेतान बि दोषी ठेहराएसी ततो।

रोमियो 16:20

परमेश्वर अंऊ शांति ऊ दाता तोह, दू शेतान बि नाश लेह च़रपोतो दंङ दोबि केहतु अधीन लेह च़रपोतो। हेंदु प्रभु यीशु मसीहू मोह्ड़े दाह केहतु टोहकठे शुहवा लोहतो। हेंदु प्रभु यीशु मसीहू मोह्ड़े दाह केहतु टोईच़ी शुहवा लोहतो।

इब्रानियों 2:14

छना कुचे अपि परमेश्वरे कटुरे कुह्चे बुलाएक्तो, दोतु इच्च़ा मीहू फुक तोहई। यीशु एनाह ए हेंदु ठ्रोह मीहू रूप धारण लहरी ताकि दोऊ मौतो दोरच़ी मौतो टोईच़ी अधिकार तहच़ा शेताना बि नाश लोहतो।

1 पतरस 5:8

हमेशा खबरदार ए दंङ चेहके बंङज़ुंई, छना कुचे शेतान, केहतु विरोधी केहतु टोईच़ी हमला लहज़ी ततो ताकि केरे परमेश्वरो हुकुमो भाषे माह लोहनि। दुह फ्रक्शे ज़ज़ा ब्राघो ठ्रोह तोह, अंऊ तुंखा थलका खंड्रा कि अपि ज़ोओग।

2 पतरस 2:4

केहच़ी ञेंहच़ातंई कि महस टेम तुहई अपेहल रे स्वर्गदूता ज़ि परमेश्वरो हुकुमो भाषे माह लहरिर, दंङ परमेश्वरे दोतिंङ दोतु लहसी कमो सज़ा रांई, दोई दोतिंङ नरकारिंङ छङें च़रति दंङ दोतिंङ हंयार कैदारिंङ दुह ध्याड़ा तचेक तहरि अपेहल कि दोई दोतु फेंसला लोहतो दंङ दोतिंङ सज़ा रमतो।

यहूदा 1:6

हिद लंहि कि प्रभु ज़ि स्वर्गदूता तिंङ छना ठ्रोह सज़ा रांई, अंऊ दोच़ी एनोह ज़िम्मेवारी रूठे रंङ निभाएतिर माह, बल्कि दोच़ी एनोह ठहरि छोड़ेकी केहरी। प्रभु ज़ि दि स्वर्गदूता तिंङ हंयार ठहरि केहषी ततो, झांह ठ्रोह षंङणी रें छ़ुह्च़ी ततो अपि अच़िला थाक्शे मरपोतो, ताकि मोह्ड़े ध्याड़ा रिंङ दोतु अनंत जीवनो न्याय शुहबी तरपोतो।

प्रकाशित वाक्य 12:13

अपेहल अजगर समझेगी इलि, कि गेह धरतीऊ टोईच़ी दह्च़ी इलिगा, दंङ दोई दोऊ थले ज़रका रें च़रति, अंऊ दुह मेच़िमी दुह योह बि जन्म रांहषी तोहई,

प्रकाशित वाक्य 12:15

दंङ, यह्च़ा दुह मेच़िमी बि ढड़ारिंङ बहाएक्च़िमी थल्जी, दुह अजगरे ढड़ो हिसाबे इच्च़ा बेंडी एनोह आहच़ि बहाएगी च़रति।

प्रकाशित वाक्य 12:17

दोहथर अजगर महसे रोषेक्च़ा इलि। झांह लेह दोई मेच़िमी ओ खानदानो थल्जी लड़ाई ओ घोषणा लहरी। मतलब दुह मीहतु खिलाप अंऊ परमेश्वरो हुकुमो भाषे लहज़ातोर दंङ यीशु दोरच़ी सिखाएसी शिक्षारे हिद लहज़िमी थल्जी पक्‍का शुहचे बंङज़ातोर।

प्रकाशित वाक्य 12:3

दंङ अई इच्च़ा चिन्ह सर्गारिंङ तंङफाते, इच्च़ा मोह्ड़े ओमड्रा तोहई, अंऊ शेतान तोहई। दिऊ निह्ज पुन्ज़ा तोहई दंङ हर इच्च़ा पुन्ज़ो टोईच़ी निह्ज राजमुकुट तोईरे दंङ दोऊ सा डे तोईरे।

प्रकाशित वाक्य 12:4

दंङ दोऊ मेकुटू च़ि सर्ग ओ इच्च़ा तिहाई कर षोह्के धरती रिंङ छङें च़रति, दंङ अजगर दुह मेच़िमी ऊ तुईज़ी खड़े शुहचे इलि ताकि दोऊ कटुबि जन्म रंड्रा ए ज़ेई तरपोतो।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 13:2

अंऊ घ्वंण गेह खंईगा, दुह ब्राघो ठ्रोह तोहई; दंङ दोऊ कोंज़ा भालू ठ्रोह दंङ मोह्द ब्राघो ठ्रोह तोहई। दुह अजगरे दि ब्राघा बि एनोह शाक्ति रें च़रति दंङ दोबि धरतीऊ टोईच़ी राज लहज़िमी अधिकार रें च़रति।

प्रकाशित वाक्य 13:4

भत्ते मीहच़ी अजगरो पूजा लहरिर, छना कुचे दोई दुह घ्वंणा बि एनोह अधिकार रें च़रति। दोच़ी दुह घ्वंणो ला पूजा लहरिर। दोच़ी कुईर, “अरिला दुह घ्वंणो बराबर शक्तिशाली माह। अरिला दोऊ टोईच़ी हमला लेह मरच़ा।”

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 20:7

अपेहल हज़ार साल पूरे शुहचे योतो दंङ स्वर्गदूत शेतान बि दोरच़ी अंऊर दुह छ़ुह्च़ी तोह, आज़ाद लेह च़रपोतो,

प्रकाशित वाक्य 9:11

इच्च़ा रज्ज़ा तोहई अंऊ दोतिंङ वशारिंङ लहज़ा। दुह ए दूत शेतानो दूत तोह अच़ि अधोलोको युप्शाते इब्रानी भाषा रिंङ दोऊ मिन अबद्धोन तोह, दंङ युनानी भाषा रिंङ, अपुल्लयोन तोह, अतु मतलब तोह, अंऊ दोई नाश लहज़ा।