प्रकाशित वाक्य 20:14 - लाहौली बाइबिल

^14-15 दुह भत्ते मीहरे अतु मिन जीवनो कताबा रिंङ च़ेहसी माह तोहई, दोतिंङ मेहू झीलारिंङ छङें च़रति। दोऊ थल, हेंतेग मौत माह, हेंतेग सिए दोतु छल्ले ठहरि माह, छना कुचे दुह भत्ते मीहरे अतु मिन जीवनो कताबा रिंङ च़ेहसी माह दोतिंङ मेहू झीलंङ छङें चरच़तो। दिबी अई मौत ला कुट्री, अंऊ कि मेहू झीलो सज़ा शुह।

प्रकाशित वाक्य 20:14 Iomraidhean Croise

1 कुरिन्थियों 15:26

अंऊ बैरी बि भत्ते बे थल मुखंङ नाश लोहतो दुह मौत शुह।

1 कुरिन्थियों 15:53

छना कुचे हेंदु दि फुक अंऊ योह्च़े रंङ साते सिए यवात दंङ सुह्षी यवात, दोबि इच्च़ा झांह ठ्रोह फुकारिंङ बदलेपी ज़रूरी तोह अंऊ अपेहला माह सिओतो दंङ माह ए अपेहला सुह्पोतो।

प्रकाशित वाक्य 1:18

गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।

प्रकाशित वाक्य 14:10

दंङ दुह परमेश्वरो रोहषो बट्रडा केहच़ी अंऊ मिलावट रंङ, दोऊ रोहषो कोली रिंङ केहच़ी च़रति, तुंङमोतो दंङ पवित्र स्वर्गदूतो तुईज़ी कुरच़ो तुईज़ी मेह ए गन्धको टेहषीरिंङ पढ़ेक्पोतो।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 21:4

दुह दोतु टिरो दोरच़ी भत्ते मिक्ति भ्रूच़िह च़रपोतो; दंङ अरिला मीह अपेहला दुखी माह शोतो, क्रपोतो माह, टेहषी महसूस माह लोहतो, दंङ माह ए मौत शोतो, छना कुचे पुराना संसारो भत्ते चीज़ योंहंषा शुहचे योतो।”

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 6:8

दोहपल गेह इच्च़ा लेहई रंगो रहंङ तंङरिगा, दंङ अंऊ दोऊ टोईच़ी सवार तोहई दोऊ मिन मौत तोहई; दंङ अधोलोक दोऊ थलेच़ि, थलेच़ि तोह। दोबि धरतीऊ टोईच़ी बंङज़ा हर इच्च़ा पि मीहतु बिचंङ इच्च़ा बि सच़िमी अधिकार रें च़रति। कि दोतिंङ तलवारे, योंष रें, मदम-मदम बीमारी रें सच़ी च़रतु, दंङ दोच़ी दोतिंङ बंणो घ्वंणर दोरच़ी ला सच़ी च़रतिर।