प्रकाशित वाक्य 20:11 - लाहौली बाइबिल

¹¹ दंङ गेह इच्च़ा छंङी सिंहासन तंङरिगा अतु टोईच़ी परमेश्वर विराजमान तोहई। पर दुह ठहरि अंऊर परमेश्वर विराजमान तोहई, धरती ए स्वर्ग भत्ते योंहंषा शुहचे इलि, दंङ अच़िला दोतिंङ यह्च़ा खंड्री मरतिर।

प्रकाशित वाक्य 20:11 Iomraidhean Croise

मत्ती 11:22

पर गेह केतिंङ कुट्रातग न्याय ध्याड़ारिंङ केहतु हलात दुह सज़ा बे अंऊ परमेश्वरे सोर ए सीदोन शहरो मीहतिंङ रमतो दोबि ला महस शोतो।

मत्ती 24:35

सर्ग ए धरती योह्सा योतो, दंङ गिऊ गप्पारे अपेहल योह्सोतो माह।

मत्ती 25:31

अपेहल गेह मीहू योह यच़ाह अपोग, दंङ गेह घेंङौ महिमारंङ साते अपोग दंङ भत्ते स्वर्गदूतारे घेंङौ साते हपोग। दोहपल गेह भत्ते मीहतु न्याय लहच़िमी थल्जी घेंङौ महिमो सिहासनो टोईच़ी बंङज़ोग।

रोमियो 2:5

पर केरे ज़िद्दी तोतोंई दंङ झांह लेह केरे पश्चाताप लहज़िमी रंङ साते इंकार लहज़ातंई, झांह लेह परमेश्वर केतिंङ महस खरे सज़ा रमतो। छना कुचे दुह ध्याड़ा अपि लेहकी तोह, अपेहल परमेश्वरे एनोह रोहष कमबोतो दंङ एनोह सच्चा न्याय प्रगट लोहतो।

2 पतरस 3:7

छना ठ्रोह परमेश्वरे दिह संसारो भत्ते तिंङ हुकुम रंदे, ध्वांए ठ्रोह दोई हुकुम रांहषी ततो कि तुहई कि संसार दोहपल तचेक बणेंके बंङज़ोतो अपेहल तचेक कि मेह रंङ रोह्चे माह केट्रा। दुह दोतिंङ दुह ध्याड़ा तचेक तहज़ा अपेहल दुह भत्ते मीहतु न्याय लोहतो दंङ अधर्मी मीहतु नाश लेह च़रपोतो।

प्रकाशित वाक्य 12:8

अजगर लड़ाई रिंङ यहरच़ा इलि। अजगर ए दोऊ साथी स्वर्गा रिंङ बंङज़ी मरति।

प्रकाशित वाक्य 16:20

दुह मुक्का, समुंद्रो भत्ते टापू अचानक योंहंषा इलि, दंङ हेंतेग छिल्ला गोह माह तोहई।

प्रकाशित वाक्य 19:11

दंङ गेह स्वर्गा बि अलसी तंङरिगा, दोर्तिंङ गिऊ तुईज़ी छंङसी रहंङ तोह; दंङ दोऊ टोईच़ी इच्च़ा सवार तोह, अंऊ परमेश्वरो विशवासो जोगे ए सच्चा सेवक शुह; दंङ धर्मिक हिसाबे दोई दोऊ बैरीतु फेंसला लहज़ा दंङ दोतु खिलाप लड़ाई लड़ेक्पा।

प्रकाशित वाक्य 20:2

दोई अजगर मतलब ऊई ओमड्रा अपि शेतान ला कुट्री, झपटेगी च़ुमने च़रति। दोई दोबि छ़ुह्च़ी च़रति दंङ महसे डुह्गे गड्डा रिंङ छङें च़रति, दोई पेतंङ बन्द लेह च़रति दंङ दोर्तिंङ मोहर लगाके च़रति ताकि दोबि इच्च़ा हज़ार साल तचेक युप्सी माह जूंस। झांह लेह, दुह मुक्का ओ टेमा रिंङ, शेतान इच्च़ा हज़ार साल तचेक मीहतिंङ धोखा रें मरपोतो। दोऊ थल, दोबि यह्च़ा थोड़े टेमो थल्जी आज़ाद लेह च़रपोतो।

प्रकाशित वाक्य 21:1

दोहथर गेह खरकोई स्वर्ग ए खरकोई धरती खंईगा, छना कुचे युई सर्ग ए धरती समुंद्रंङ साते योंहंषा इलजी तोहई।

प्रकाशित वाक्य 21:5

दंङ अंऊ सिंहासनो टोईच़ी बंङज़ा तोहई, दोई कुई, “गेह भत्तेधिर खरकोई लेह केहऊगा।” दंङ यह्च़ा दोई कुई, “चेहई च़रतु, छना कुचे छि गेह कुट्रातग केई दोऊ टोईच़ी विशवास लेह तरपोन, दि गप्पारे ज़रूर पूरा शोर।”

प्रकाशित वाक्य 4:2

ध्वांए परमेश्वरो आत्माज़ि गिह्बी एनोह वशारिंङ लेह च़रति; दंङ “गेह स्वर्गा रिंङ इच्च़ा सिंहासन ए सिंहासनो टोईच़ी अरिया बंङज़ी तंङरिगा।”

प्रकाशित वाक्य 6:14

सर्ग दुह कागज़ो ठ्रोह ब्याके इलि अतिंङ कपचे चरच़ि दंङ भत्ते गोह ए भत्ते टापू ज़ि एनोह ठहरि लेहकी च़रतिर।