प्रकाशित वाक्य 2:5 - लाहौली बाइबिल

⁵ झांह लेह हिद लोह कि द्हपिमी बे तुहई काह अंऊर तोईन। कनिंङ पाप लेह बंद लहज़ी जूंशी तोह दंङ केनोह जीवन ध्वांए ठ्रोह श्रींङमी जूंशी तोह छना काह गिऊ टोईच़ी विशवास लहज़िमी तुहईबे श्रींङमातेंई। दंङ अगर काह सेहम माह किर्ज़ोंन दंङ गेह कनु कछंङ अपोग दंङ अंऊर कांह दिवट केहषी तोह दोबि दोरच़ी ऐखा लहज़ी ते कनिंङ सज़ा रमोग।

प्रकाशित वाक्य 2:5 Iomraidhean Croise

मत्ती 5:14

केरे भत्ते संसारो थल्जी छंङीऊ ठ्रोह शुई। अंऊ नगर गोह मुखंङ बसेके तोह दुह ब्याके मरच़ि।

मत्ती 5:15

मीहच़ी लम्पा बि जलाके टोकरिऊ पोयंङ माह केहट्री, ठेपू टोईच़ी केहट्री, दंङ दोऊ दोरच़ी घरबारो भत्ते मीहतंङ छंङी शुहबी।

मरकुसो 12:9

दंङ यीशुज़ि दोतु हखा रुहक्ती, “दंङ मालिके छि लोहतो? दंङ दुह दाखो बगीचारिंङ अंज़े ज़िमदारातिंङ सच़ी च़रपोतो, दंङ बगीचारिंङ ऊईतिंङ घाह्‌ड़ीरिंङ रें च़रपोतो।

लूको 1:17

यूहन्ना एलियाह भविष्यवक्ताओ ठ्रोह आत्मिक ए सामर्थरंङ शुहचे दोऊ तुंखा-तुंखा जोतो कि बाहओ सेहम कटुतु हखा किरज़ी लोहतो; दंङ आज्ञा मा मनेक्च़ा दोतु अगुवाई लोहतो ताकि दोरे धर्मी मीहतु समझो अमरिंङ जोओर। दंङ प्रभुऊ थल्जी इच्च़ा लायक प्रजा तेयार लोहतो।”

लूको 20:16

दिहे कि दुह दाखो बगीचारिंङ अंज़े ज़िमदारातिंङ सच़ी च़रपोतो, दंङ बगीचारिंङ ऊईतिंङ घाह्ड़ीरिंङ रें च़रपोतो।” दिह रेड्रीरंङ, मीहच़ी कुहतो “परमेश्वरे झांह लेह माजूंस।”

गलातियों 5:4

केरे ता मूसा ओ कानूनो भाषे लहज़ा दोरच़ी धर्मी साबित शुहबी जुन्ज़ातंई, दंङ केरे मसीहू दोरच़ी केनातु नाता ब्याड़ा लेह चरच़ातंई दंङ परमेश्वरो मोह्ड़े दाह बि योह्च़े चरच़ातंई।

फिलिपियों 2:15

ताकि केरे निर्दोष ए रूठे शुहचे ते डेहरे ए हठीले मीहतु बिचंङ परमेश्वरो निष्कलंक सन्तान बड़ेकी तोंई, अतु बिचंङ केरे जीवनो बचन कुरच़ा सर्गो करज़े तु ठ्रोह चमकेपी जूंस।

इब्रानियों 10:32

पर केहच़ी दू शुरूआतो ध्याड़ो पाहठी सोचेक्तुंई अपेहल केहच़ी पहली बार मसीहू पाहठी ञेंईनि। केहच़ी महस दुखारंङ साते खरे कष्ट लाहतंई, पर केरे विशवासा रिंङ पक्‍का बणेंके तोईनी।

2 पतरस 3:17

झांह लेह हे गिऊ प्यारे साथी विशवासी रे, केहच़ी तुहई बेहच़ी ञेंच़ातंई कि दि गप्पारे शोर। झांह लेह, खबरदार बंङज़ुंई ताकि अंऊ मीहरे नियम माह मनेक्च़ातेर दोरे केतंङ साते हप्सी कुचे केतिंङ भटकागी च़रपोर दंङ केरे हेले गप्पा रिंङ विशवास लेह बन्द लेह च़रपोंई अंऊ दोऊ टोईच़ी केहच़ी इच्च़ा टेम पक्‍का रंङ विशवास लहज़ातंई।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।

प्रकाशित वाक्य 1:20

हेंतेग गेह कमोग कि गिऊ सुचंङ गुहड़रिंङ निह्ज करज़े तु छि मतलब तोह दंङ ज़ङों निह्ज दिवटो छि मतलब शुह। दिऊ मतलब दि तोह: निह्ज कर दुह स्वर्गदूता तु पाहठी कंड्रातोर अंऊ दोच़ी निह्ज कलीसिया ओ रखवाली लहज़ातोर दंङ निह्ज ज़ङों दिवट निह्ज कलीसिया बि कंड्रातोर।

प्रकाशित वाक्य 16:9

मीहरे दि महस ट्रोते रोह्षा इलिर, दंङ दोच़ी परमेश्वरो मिन्दु निन्दा लहरिर, छना कुचे दुह ए तोहई, अतु टोईच़ी दुह सज़ा ओ अधिकार तोहई। दोच़ी हेंतेग ला एनोह पापो दोरच़ी पश्चाताप माह लहरिर, दोच़ी हेंतेग ला परमेश्वरो महानता बि ग्रहण माह लहरिर।

प्रकाशित वाक्य 2:16

झांह लेह सेहम किरज़ु, अगर काह मदम कम लहज़ी बंद माह लोहन ता दंङ गेह युरनाह अपोग दंङ दुह मीहतु खिलाप दुह तलवार रंङ साते तेङसोग, अंऊ गिऊ आहच़ि हुंच़ा।

प्रकाशित वाक्य 2:19

गेह ञेंच़ातग कि केई छि लहज़ातन केहच़ी इदि-अई दिरंङ साते दाह लहज़ातंई दंङ केरे गिऊ टोईच़ी पक्‍का विशवास लहज़ातंई। गेह ञेंहच़ातग कि केहच़ी छना इदि-अई दिऊ मदत लहज़ातंई। दंङ केहतु सहन शीलता ला ञेंहगा कि केरे हेंतेग दि रूठे कम दुह टेम बे महस लहज़ी लेहकी तोतोंई अपेहल केहच़ी गिऊ टोईच़ी मुण्डो विशवास लाहतंई।

प्रकाशित वाक्य 2:2

गेह ञेंहच़ातग कि केई छि लहज़ातन, केई छना मेहनत लहज़ातन दंङ अपेहल ला हार माह मनेक्च़ातंई, दंङ काह मदम मीहतु हप्सी शिक्षा सहन माह लहज़ातन। केई दुह मीहतिंङ परखेकतन अंऊ दोच़ी कुट्रातोर कि दोरे प्रेरित शुरे पर हेलेरिङ तोतोर माह, दंङ केई दोतिंङ हप्साड़ खोकषातन।

प्रकाशित वाक्य 3:19

गेह दुह मीहतिंङ रैहच़तो दंङ दोतिंङ अनुशासित लहज़ातग, अतंङ साते गेह दाह लहज़ातग। झांह लेह सही कम लहज़िमी थल्जी जोशिला शुहचे बंङज़ेंई, दंङ गुनगुना शुहबी रंङ पश्चाताप लंहि।