प्रकाशित वाक्य 2:3 - लाहौली बाइबिल

³ केई धीरज़ रंङ दुख सहन लहज़ातन, छना कुचे काह गिऊ टोईच़ी विशवास लहज़ातन, दंङ केई अपेहल ला सेवा लहज़ी बंद माह लहज़ातन।

प्रकाशित वाक्य 2:3 Iomraidhean Croise

मरकुसो 15:21

अपेहल दोरे शहरो दोहरची धखतेका इपि लेहकी तोईरे ता शमौन मिन्दु इच्च़ा मीह नगरओ दोहरची यरूशलेम शहरो हखा अपि लेहकी तोहई दुह कुरेनी शहरो तोहई दंङ सिकंदर ए रुफुस ओ बाह तोहई। दंङ सेनिकज़ि दोबि ज़बरदस्ती यीशु क्रूस दोऊ दोरच़ी कुरच़े लहरिर दंङ दोहर तचेक लेन्ज़ा शिलिर अंऊर यीशुबि क्रूसो टोईच़ी चढ़ाएसिमी तोहई।

लूको 14:27

अरी गिऊ चेला शुहबिमी बजाए दुख सहन लहज़िमी ए सीमी ला तेयार माह दुह गिऊ चेला बणेक्पिमी जोगे माह।”

लूको 18:1

यीशु ज़ि एनोह चेला तिंङ दिऊ पाहठी इच्च़ा कथारिंङ कुंहई कि, रोज प्रार्थना लोहवा लांही दंङ निराश थाह शुई;

लूको 21:19

“केन्दु ज़कसिमी बजाहज़ि केहच़ी केनातु जहानो बचाके तोहई।”

लूको 5:5

शमौने दोबि जुबाब रेंई, “हे मालिका, ञेंहच़ी पुरे रात मेहनत लहसी शुह दंङ छलेह मा च़ुमरी; छना कुचे केई झांह कुट्रातन दिऊ थल्जी गेह जाल केहोग।”

लूको 8:15

अंऊ बैएजा रुठे ज़मीनारिंङ दचाते, दुह महसे फलेक्ति। दिऊ मतलब दिह शुह कि रेह मीहच़ी परमेश्वरो बचन रुठे रंङ साते रेड्रा दोऊ टोहकठे जोज़ी दंङ विशवासारिंङ बड़ेक्पातोर।

यहून्नो 15:21

पर दिह भत्ते धिर मीहरे, गिऊ चेला शुहबिमी बजह च़ि केतंङ साते लोहर छना कुचे दोरे गिह्बी च़रच़ा परमेश्वर बि माह सेहचातोर।

रोमियो 12:12

हेंदु कछंङ छि उम्मीद तोह दोऊ वहज़ा ज़ि खुशी मनेक्तुंई; मुसीबता रिंङ धीरज़ तंही भत्ते टेमारिंङ प्रार्थना लोहवा लंहि।

रोमियो 16:12

त्रूफैना ए त्रूफोसो रिहंङ अंऊ प्रभुरिंङ महसे मेहनत लहज़ातोर। प्यारे पिरसिस रिहंङ अच़ि प्रभु रिंङ महस मेहनत लहरी, दोबि ला गिऊ नमस्कार।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

रोमियो 8:25

पर हेंदिंङ झांह ठ्रोह खोकसिमी उम्मीद तोह अंऊ हेंदु कछंङ हेंतेग तचेक माह, झांह लेह हेनर धीरज़ रंङ साते दू मुक्का तचेक रुमज़ा बंङज़ोंई अपेहल तचेक कि हेनर दोबि खोक्शे माह केओनि।

1 कुरिन्थियों 13:7

दोरे भत्ते धिर सहन लहज़ातोर, दाह हेंदिंङ भत्ते हालातरिंङ विशवास लहज़िमी जोगे बणाएच़ा, दि हेंदिंङ परमेश्वरो टोईच़ी हेंदु उम्मीद बणाएच़िमी जोगे मदत लहज़ातोर, दि मुसीबत ए टेहषी मुक्का धीरज़ तहच़ि सिखाएच़ा।

1 कुरिन्थियों 16:16

झांह लेह गेह केतंङ साते विनती लहज़ातग, कि झांह ठ्रोह सेंहणातु भाषे लंहि, बल्कि हर इच्च़ा बि अंऊ दोच़ी महस मेहनत लहज़ातोर दंङ अंऊ दोरे झांह ठ्रोह सच्ची भक्ति रंङ साते सेवा लहज़ातोर।

2 कुरिन्थियों 10:15

दंङ ञेंरे सीमा बे धहकते ऊईतु मेहनतो टोईच़ी घमण्ड माह लहज़ातंई; पर ञेंतिंङ उम्मीद तोह कि, छना-छना केहतु विशवास बढ़ेक्पा लोहतो ध्वांए-ध्वांए ञेंरे हेंदु सीमाऊ हिसाबे केहतु बिचंङ महस कम लहज़िमी थल्जी बणेंके योंई।

2 कुरिन्थियों 11:23

छि दोरे ए मसीहू सेवक शुरे आ? (गेह बमजी बराबर कुट्रातग) गेह दोतु बे बढ़कर शुगाह! गेह दोतु बे महस मेहनत लाहतग, दोतु बे महस कैदी बणेंके इलिगा, महस फेरा तेंङसी शुगाह, महस फेरा गिह्बी मौतो सामना लहज़ी लेहती।

2 कुरिन्थियों 4:1

झांह लेह अपेहल हेंदु टोहकठे झांह ठ्रोह दया शुई, कि हेंदिंङ परमेश्वरो रूठे खबर प्रचार लहज़िमी सेवकाई खोकसिरी, दंङ हेंज़ी अपेहल ला हार माह खोकपोंई।

2 कुरिन्थियों 4:16

झांह लेह हेनर याहब माह छोड़ेक्च़ातंई; हेंदु धकते कि इन्सानी रूप कमज़ोर शुहचे यवात पर हेंदु तोंखी अन्तरात्मा हर ध्याड़ा खरकोई शुहचे यवाह।

2 कुरिन्थियों 5:9

झांह लेह हेंदु सेहमो हिटी दि तोह, कि अगर हेनर दोरंङ साते स्वर्गंङ बंङज़ोंई या धरती रिंङ बंङज़ोंई, पर हेनर प्रभु बि खुश लोहवा लोहनि।

2 कुरिन्थियों 6:5

हेंदिंङ कोड़ार बहाएक्तिर, जेलारिंङ केहच़ी च़रतिर, हेंदु टोहकठे महस भीड़े हमला लहरी। ञेंहच़ी महस मेहनत लहरिन, ञेंरे रात-रात पूरे चेहकी ए दंङ योंए बंङज़ी।

गलातियों 6:2

अपेहल हेंदु बिचंङ अरिया मुसीबता रिंङ शोतो ता, दंङ हेंदिंङ इदि-अई दिऊ मदत लेह जूंशी तोह, दंङ झांह लेह हेनर मसीहू कानूनो भाषे लहज़ातंई।

गलातियों 6:9

हेनर रूठे कम लहज़िमी रंङ साते परेशान शुहबी माह जूंस, छना कुचे अगर हेनर परेशान माह शोंई, दंङ परमेश्वरो ठीक टेमारिंङ ईनाम खोकपोंई।

फिलिपियों 2:16

झांह लेह गेह मसीहू यह्च़ा अपिमी ध्याड़ो थल्जी दि गप्पो टोहकठे घमण्ड लेह तरपोग कि गिऊ कोशिश ए मेहनत लहज़ी बेकार माह शुई।

फिलिपियों 4:3

हे सच्चे साथी सुनतुखे, गेह करंङ साते बिनती लहज़ातग कि का दुह मेच़िमी तु मदत लोह, कि दोरे ला एनातु बिचंङ ठ्रोहका शुहचे बंङज़ोर, छना कुचे दोच़ी गेरंङ साते रूठे खबर फेलाच़िमी थल्जी, क्लेमेंस ए गिऊ ऊई साथीरंङ साते मेहनत लहरी, अतु मिन जीवनो कताबारिंङ च़ेहसी तोह।

कुलुस्सियों 1:11

ञेंहच़ी प्रार्थना लहज़ातेंई कि परमेश्वर एनोह महिमा ओ शक्ति ऊ हिसाबे केतिंङ महस बलवन्त लोहतो, ताकि केरे सामर्थ ए खुशी रंङ साते केनातु दुख सहन लेह तरपोंई,

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

1 थिस्सलुनीकियों 2:9

हे गिऊ प्यारे साथी विशवासी रे, केहच़ी ञेंहतु मेहनत ए कष्ट हिद तहच़ातंई, कि ञेंहच़ी झांह लेह रात दिन कम धन्धा लहच़ी ते केहतु बिचंङ परमेश्वरो रूठे खबरो प्रचार लहरिग, ताकि ञेंहतिंङ छि ज़रूरत तोह दोबि पूरा लहच़िमी थल्जी केतिंङ छल्ले रंड्रीमी ज़रूरत माह।

1 थिस्सलुनीकियों 5:12

हे गिऊ प्यारे साथी विशवासी रे, ञेंहच़ी केतंङ साते बिनती लहज़ातंई कि केहच़ी दुह मीहतु आदर लंहि, अंऊ केहतु बिचंङ महस मेहनत लहज़ातोर, दंङ प्रभुरिंङ केहतु अगुवारे तोतोर दंङ केतिंङ सलाह रंड्रातोर।

2 थिस्सलुनीकियों 3:13

हे गिऊ प्यारे साथी विशवासी रे, केरे भलाई लहज़िमी थल्जी हिम्मत था छोडे़क्तेंई।

2 थिस्सलुनीकियों 3:5

ञेंहच़ी प्रार्थना लहज़ातंई कि प्रभु यीशु मसीह केतिंङ दि समझाएक्च़िमी जोगे बणाएपोतो कि परमेश्वर केतंङ साते छिठ्रो घटे दाह लहज़ा, दंङ केरे सताव बि ध्वांए सहन लंहि छना मसीह सहन लहतो।

2 थिस्सलुनीकियों 3:8

केहच़ी अतुआ दोर मुफ्तारिंङ रोटी थाजेंई, पर महस मेहनत लहज़ा रात-दिन कम लहज़ातंई ताकि ञेंरे हेंदु ज़रुरतो थल्जी केहतु टोहकठे केहतु भार शुहबी मेस।

1 तीमुथियुस 4:10

ञेंरे दि जीवन खोकच़िमी थल्जी ञेंहच़ी मेहनत ए कोशिश दिऊ थल्जी लहज़ातंई कि हेंदु उम्मीद दू श्रींङे परमेश्वरो टोहकठे तोह; अंऊ भत्ते मीहतु खासकर विशवासी मीहतु उद्धार लहज़ा शुह।

1 तीमुथियुस 5:17

अंऊ कलीसिया ओ सेंहणार एनोह कम रूठे रंङ लहज़ातोर, दोरे सही आदर ए सही मज़दूरी खोकच़िमी जोगे मनेक्तुंई, खासकर दोरे मीहरे अंऊ परमेश्वरो खबर ए बचनो प्रचार लहज़िमी थल्जी खास मेहनत लहज़ातोर,

इब्रानियों 10:36

झांह ठ्रोह टेमारिंङ केतिंङ विशवास धीरज़ा रंङ सहन लहज़िमी ज़रूरत तोह, ताकि केरे परमेश्वरो हिटी पूरे लेह तरपोंई। दोहपल केतिंङ दू भत्ते खोकसोतो अतु परमेश्वरे वाईदा लहसी ततो।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

इब्रानियों 13:13

झांह लेह अतंई हेंज़ी यहुदी कानून छोड़ेके यीशु टोईच़ी विशवास लोहनि दंङ तम्बू धकतेखा योंई अंऊर मीहरे तोतोर, छना दोच़ी निन्दा सहन लहरिर ध्वांए हेंज़ी ला निन्दा सहन लोहनि।

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।

इब्रानियों 6:15

अब्राहमे धीरज़ा रंङ साते लम्हें टेम तचेक इंतज़ार लहरी। दोहपल दोइ, दू खोकसिरी अतु वाईदा परमेश्वरे दोरंङ साते लाहते।

2 पतरस 1:6

दंङ माह सिर्फ दि ञेंहच़ी जूंशी तोह कि समझदारी रंङ साते छना व्यवहार लेह जूंशी तोह, बल्कि केतिंङ केनातु टोईच़ी काबू ला लहज़ी जूंशी तोह, बल्कि केतिंङ मुसीबता रिंङ ला धीरज़ तहच़ि जूंशी तोह।

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”

प्रकाशित वाक्य 3:10

केई गिऊ खबरो भाषे लहज़ातन ताकि अपेहल केई दुख उठाएपोन दंङ दुह धीरज़ा रंङ साते सहन लेह तरपोन। झांह लेह, गेह मोह्ड़े परीक्षा ओ मुक्का कांह रक्षा लेह तरपोग। परीक्षा ओ दि मुक्का दि संसारो भत्ते मीहतु टोईच़ी अपतो।