प्रकाशित वाक्य 2:26 - लाहौली बाइबिल

²⁶ अंऊ मीहच़ी जीत खोक्शातोर, दंङ अंऊ मीहरे संसारो अंत तचेक गिऊ हुकुमो भाषे लहज़ी जारी तहच़ातेर, गेह दोतिंङ देशो टोईच़ी राज लहज़िमी अधिकार रमोग।

प्रकाशित वाक्य 2:26 Iomraidhean Croise

मत्ती 10:22

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मत्ती 19:28

यीशुज़ि दोतंङ साते कुहतो, “गेह केतंङ हेले कुट्रातग कि खरकोई संसारारंङ अपेहल गेह मीहू योह घेंङौ महिमो सिहासनंङ बंङज़ोग दंङ केरेला अरी गिऊ थले अंज़े तोहतोंई सनी सिहासनो टोईच़ी बंङज़ा सनी गोत्रातु इंसाफ लोहंई।

मत्ती 24:13

पर अंऊ जीवनो अंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

यहून्नो 6:29

यीशु ज़ि दोतिंङ जुबाब रेंई, “परमेश्वरे जुंज़ातो कि केहरे दोऊ टोहकठे विशवास लांही अरी दोई च़रसी शुह।”

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

रोमियो 8:37

पर दि भत्ते गप्पारिंङ हेनर दोऊ दोरच़ी ए जयवंत ला शुहचे य्वातंई, अच़ि हेंदंङ साते दाह लहज़ा।

1 थिस्सलुनीकियों 3:5

झांह लेह अपेहल गेह ऊई ज़हके मरतिगा, दंङ केहतु विशवासो हाल ञेंच़िमी थल्जी तीमुथियुसा बि च़रचातेग, छना कुचे ञेंरे बेवातेंई कि, परीक्षा लहज़ा शेताने केहतु परीक्षा लोहतो, दंङ ञेंहतु मेहनत बेकार शुचे योतो।

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

याकूब 2:20

पर हे निक्कमे मीहरे, केई दि ला माहञेंच़ातन, कि रूठे कम मेह विशवास ध्यांए तोह?

1 यूहन्ना 2:19

दोरे मीहरे अंऊ मसीहू विरोध लहज़ा तेर ञेंहतु ए झुंडो बिचंङ ज़ि हुंच़ा इलोर, छना कुचे दोरे हेंदु माह शुहरे। अगर दोरे हेंदु शुंईयां ता हेंदंङ साते बंङज़ा तोहई, पर दोरे अच़ा इलिर, झांह लेह पता लेहती, दोतु बिचंङ ज़ि अरिला हेंदु माह तोईरे।

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

1 यूहन्ना 5:5

संसारो टोईच़ी जीत खोकसा दुह अरि शुह? सिर्फ दुह अतु विशवास तो कि यीशु ए परमेश्वरो योह शुह।

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।

प्रकाशित वाक्य 21:7

अंऊ जय खोकपोरे, दोरे गिऊ दोरच़ी दि भत्ते आशीष खोकपोरे; दंङ गेह दोतु परमेश्वर शोहग, दंङ दुह गिऊ योह शोतो।

प्रकाशित वाक्य 22:5

दोर्तिंङ यह्च़ा अपेहला रात माह शोतो, अंऊ मीहरे दोर्तिंङ बंङज़ातोर, दोतिंङ एनोह अमरिंङ छंङी ओ थल्जी छंङीऊ ज़रूरत माह शोतो। माह ए दोतिंङ छंङी रंड्रीमी थल्जी ऐकेऊ ज़रूरत तोह। छना कुचे परमेश्वर ए तोह अंऊ मीहतु थल्जी छंङी रंड्रा। दंङ दिरे मीहरे अंऊ दोर्तिंङ बंङज़ातोर दोरे हमेशा ओ थल्जी राज लोहरे।

प्रकाशित वाक्य 3:12

अंऊ दोई जय खोकपोतो दुह मंदिरो थम्मो ठ्रोह शोतो, अतु गेह अराधना लहज़ातग, दंङ दोतिंङ दोबि अपेहल ला छोड़ेक्सी माह पढ़ेक्पोतो। गेह दोऊ फुका रिंङ गिऊ परमेश्वरे ए परमेश्वरो शहरो मिन च़ेओग, दि दुह ए शुह अपि खरकोई यरूशलेम ला कुट्री। दि दुह ए शहर शुह अंऊ स्वर्गंङ ज़ि, मतलब गिऊ परमेश्वरो दोरच़ी योंखा अपतो। गेह दोऊ फुकारिंङ इच्च़ा खरकोई मिन च़ेओग।

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।

प्रकाशित वाक्य 3:5

अंऊ मीहरे द्रक्शे यवातोर, दोरे ला दितु ठ्रोह छंङसी खमज़ेर लेह्पोतो। गेह दुह मीहू मिन दुह कताबो दोरच़ी माह ट्रिकपोग अंऊ दोर दुह मीहतु मिन च़ेहसी तोह अतु दोर अनंत जीवन तोह। अपेहल ला गेह घेंङौ बाह ए स्वर्गदूता तु तुईज़ी खड़े शोहग अंऊ दोऊ सेवा लहज़ातोर, दंङ गेह घोषणा लोहग कि गेह दि मीहबी ञेंहगा।