प्रकाशित वाक्य 2:24 - लाहौली बाइबिल

^24-25 पर थुआतीरा शहरा रिंङ केरे ऊई मीहच़ी दुह हप्सी शिक्षा ओ भाषे माह लोहनि, केहच़ी दोरिंङ हिस्सा माह लेहपच़ातंई अंऊ दोऊ चेला “शेतानो डुह्गे गप्पा कुट्रातोर।” गेह करंङ साते कुट्रातग कि गेह केहतु टोईच़ी ऊई छल्ले खास हुकुम माह रमोग, सिवाय दिऊ कि अपेहल तचेक गेह अपोग माह धोंण तचेक गिऊ टोईच़ी पक्‍का रंङ साते विशवास लहज़ी जारी तंही।

प्रकाशित वाक्य 2:24 Iomraidhean Croise

प्रेरित 15:28

पवित्र आत्मा ए ञेंतिंङ दी ठीक च़ेहसा कि दी ज़रूरी गप्पारे केहच़ी, केहतु टोईच़ी ऊई महस भार मा केट्री;

प्रेरित 16:14

दंङ लुदिया मिंदंङ थुआतीरा नगरो पोरलो खमज़े लंङज़ा अंऊ परमेश्वरो अराधना लहज़ार तोहई, रेड्राते, दंङ प्रभु ज़ि दोऊ सेहम अल्ज़े च़रति, कि दोई पोलुसो गप्पारिंङ ध्यान रमोतो।

1 कुरिन्थियों 2:10

पर परमेश्वरे दि गप्पा हेंदु टोईच़ी मतलब प्रेरिता तु टोईच़ी एनोह पवित्र आत्माऊ दोरच़ी प्रगट लहरी, छना कुचे झांह ठ्रोह छिल्ला माह अंऊ परमेश्वरो आत्माबि पता माह शोतो। देर तचेक कि परमेश्वरो डुह्गे विचार ला दू रूठे रंङ ञेंहच़ा।

2 कुरिन्थियों 11:3

पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

2 कुरिन्थियों 2:11

ताकि शेतान हेंदु हालातो फायदा उठाएच़ी माह जूंस; छना कुचे हेनर दोऊ मदम योजना रूठे रंङ ञेंहच़ातंई।

याकूब 3:15

दि ज्ञान दुह माशुह अंऊ परमेश्वरो दोरच़ी अपि, पर संसारिक, ए शेतानी शुह।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 2:13

गेह दि ञेंहच़ातग कि काह दुह शहरारिंङ बंङज़ातन अंऊर शेताने राज लहज़ा। काह गिऊ थल्जी विशवासो जोगे बणेंके बंङज़िन दंङ गिऊ टोईच़ी विशवास लहज़ी ब्याड़ा माह लहरिन। केई दुह मुक्का ला विशवास लहरिन अपेहल दोच़ी अन्तिपासा बि दोर्तिंङ सच़ी च़रतिर अंऊर शेताने राज लहज़ाते। अन्तिपास मीहच़ी गिऊ पाहठी विशवासा रंङ साते कंङातोर।

प्रकाशित वाक्य 2:18

“थुआतीरो शहरो कलीसिया ओ स्वर्गदूताबि चेऊ” “परमेश्वरो योह अतु टिरा मेहू ठ्रोह तोह, दंङ अतु कोंज़ा रूठे रिओह ठ्रोह चमकदार तोह, दोई दि कुट्रा।”

प्रकाशित वाक्य 2:9

गेह ञेंहच़ातग कि कनिंङ तंगी तोह दंङ काह गरीब तोतोन। पर आत्मिक रूपारिंङ काह महस साहुकार तोतोन। गेह दुह यहुदी मीहतु पाहठी ञेंच़ातग अंऊ दोच़ी दावा लहज़ातोर कि दोरे परमेश्वरो अंङषी मीहरे शुरे, पर तोतोर माह। दोरे कनु पाहठी मदम गप्पा कुट्रातोर, पर हेले रिंङ दोरे दुह झुंडो मीहरे शुरे अंऊ शेतानो तोह।