प्रकाशित वाक्य 2:23 - लाहौली बाइबिल

²³ दंङ गेह दुह मीहतिंङ सच़ी च़रपोग अंऊ दोऊ शिक्षा भाषे लहज़ातोर, दंङ भत्ते कलीसिया ञेंई च़रपोतो कि गेह ए तोतोग अंऊ हर इच्च़ा मीहू विचार ए मकसदो परख लहज़ातग। गेह केहतु बिचंङ हर इच्च़ा बि दोऊ कमो हिसाबे ईनाम रमोग।

प्रकाशित वाक्य 2:23 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

लूको 16:15

यीशुज़ि दोतंङ साते कुहतो, केहच़ी ताह मीहतु तंङषी केनाहतिंङ धर्मी कंड्रातंई, पर परमेश्वरे केहतु सेहम ञेंहच़ा, छना कुचे छि चीज़ मीहतु थल्जी खास तोह, दुह परमेश्वर तुईज़ी अशुद्ध तोह।

यहून्नो 21:17

यीशु ज़ि तीसरा बार दोरंङ साते कुतोह, “हे शमौन, यूहन्ना ओ योह, छि केई गेरंङ साते दाह लहज़ातन आ?” पतरस दुखी शुई कि यीशु ज़ि तीसरा बार झांह कुहतो, “कि छि केई गेरंङ साते दाह लहज़ातन आ?” दंङ दोरंङ कुंई, “हे प्रभु, केई ता भत्ते धिर ञेंहच़ातन: कि गेह करंङ साते दाह लह्ज़ातग।” यीशु ज़ि दोबि कुंई, “गिऊ त्रैंईरे रुआक्तु।

यहून्नो 4:16

यीशु ज़ि दोबि कुंई, “इला, केनोह गगसा बि देहर बुलाके हता।”

प्रेरित 1:24

दोऊ थल दुह भत्ते ज़ि प्रार्थना लहरिरे। दंङ दोतु बिचंङ ज़ि इदि झांह प्रार्थना लहरी, हे प्रभु, कह अच़ि भत्ते तु सेहमो पाहठी ञेंहच़ातन दि कंड्रु कि दिकुतु बिचंङ च़ि केई अंऊसंङ अंङषी तातन

रोमियो 14:12

दंङ यह्च़ा, हेंदु बिचंङ हर इच्च़ा एनोह-एनोह लेखा परमेश्वराबि रंड्री लेह्पोतो।

रोमियो 8:27

दंङ सेहम परखेखच़ा परमेश्वर दि ञेंहच़ा कि पवित्र आत्माओ मकसद छि तोह। छना कुचे पवित्र आत्मा परमेश्वरो हिटी ओ हिसाबे दोऊ मीहतु थल्जी प्रार्थना लहज़ा।

2 कुरिन्थियों 5:10

छना कुचे ज़रूरी तोह कि हेंदु भत्ते तु मसीहू दोरच़ी फेंसला शोतो, कि हर इच्च़ा मीह एनोह-एनोह रूठे ए मदम कमो दोरच़ी अंऊ दोतु फुको दोरच़ी शुहचे तोह, दोऊ बदला खोकपोर।

गलातियों 6:5

छना कुचे भत्ते मीहरे एनोह कमो थल्जी ज़िमेवार तोतोर।

इब्रानियों 4:13

दंङ संसारो अंऊ ला चीज़ परमेश्वरो दोरच़ी ब्याके माह, पर छिल्ला हेंज़ी हेंदु जीवनो दोरच़ी लहसी तातंई, हेंदिंङ दोबि भत्ते कमो हिसाब रंड्री लेह्पोतो। दोऊ तुईज़ी भत्ते चीज़ारे अलसी ए प्रगट तोह।

1 पतरस 1:17

अपेहल केहच़ी प्रार्थना लहज़ातंई ता दंङ केहच़ी परमेश्वरा बि केनातु बाह कुट्रातंई। पर हिद तंही कि दू भत्ते मीहतु फेंसला इच्च़ा ए ठ्रोह लहज़ा मतलब हर इच्च़ा ए छि-छि लहसी शुह। दिऊ थल्जी कि केरे दि धरती रिंङ इच्च़ा परदेशी शुहचे बंङज़ातंई दंङ केतिंङ परमेश्वरो बेह्द चेहके दोऊ महस आदर लहज़ी जूंशी तोह।

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 20:12

दंङ गेह सिए मीहतिंङ दुह सिंहासनो तुईज़ी तंङरिगा, मतलब दोतिंङ अंऊ खास ए आम मीहरे तोतोर। दोरे मीहरे अंऊ समुंद्र डुमज़े सिए इलजी तोईरे, दंङ क्रबो भत्ते सिए मीहरे, दंङ दोरे मीहरे अंऊ सिए दोतु ठहरि तोईरे, दोरे भत्ते दुह सिंहासनो तुईज़ी खड़े शुहचे इलिर। दंङ कताबर अलसा इलि, अंऊर जीवनो कताब ला शामिल तोह। दंङ कताबा रिंङ च़ेहसी गप्पो हिसाबे दोतु फेंसला शुहचे इलि, दोऊ हिसाबे अंऊ दोच़ी लहसी तरेर। दुह भत्ते तु दोतु कमो हिसाबे फेंसला शुई।

प्रकाशित वाक्य 22:12

दोहथल प्रभु यीशु ज़ि कुई: “गेह युरनाह अपिमी तोतोग! दंङ छिल्ला मीहच़ी लहसी ततो, गेह दोतिंङ दोतु कम खंई ईनाम ए सज़ा रमोग।”

प्रकाशित वाक्य 6:8

दोहपल गेह इच्च़ा लेहई रंगो रहंङ तंङरिगा, दंङ अंऊ दोऊ टोईच़ी सवार तोहई दोऊ मिन मौत तोहई; दंङ अधोलोक दोऊ थलेच़ि, थलेच़ि तोह। दोबि धरतीऊ टोईच़ी बंङज़ा हर इच्च़ा पि मीहतु बिचंङ इच्च़ा बि सच़िमी अधिकार रें च़रति। कि दोतिंङ तलवारे, योंष रें, मदम-मदम बीमारी रें सच़ी च़रतु, दंङ दोच़ी दोतिंङ बंणो घ्वंणर दोरच़ी ला सच़ी च़रतिर।