प्रकाशित वाक्य 2:21 - लाहौली बाइबिल

²¹ गेह दोबि दोऊ पापो दोरच़ी पश्चाताप लहज़िमी मौका रेंईगा, पर दोई दुह कुकम ब्याड़ा लहज़िमी रंङ साते इंकार लहज़ा।

प्रकाशित वाक्य 2:21 Iomraidhean Croise

रोमियो 9:22

परमेश्वर बि अधिकार तोह कि अंऊ मीहतिंङ दोई बणाषी ततो दोतंङ साते एनोह हिटी हिसाबे छना जुंज़ा ध्वांए लेह तरपोतो परमेश्वर एनोह रोहष कंड्री ततो दंङ हर इच्च़ा खिलाप एनोह शाक्ति प्रगट लहज़ा अंऊ नष्ट शुहबिमी हकदार तोह। पर दिऊ वहज़ा, दोई धीरज़ारंङ साते दोतु सहन लहरी।

1 पतरस 3:20

दि दू मीहतु आत्मा तोहई अंऊ दोच़ी महस तुहई परमेश्वरो गप्पो उलंघन लहसी ताहरेर। अपेहल नूह एनोह नाव बणाएच़ते, दंङ परमेश्वर धीरज़ा रंङ साते रूमज़ा तोहई कि खमोंई छि दोरे मीहरे पश्चाताप लहज़ातोर। पर सिर्फ रें मीहतिंङ दू भयानक डढो दोरच़ी बचाएक्ते।

2 पतरस 3:15

दि ञेंए च़रतुंई कि हेंदु प्रभु हेंदु थल्जी धीरज़ तहज़ा बंङज़ा, दोऊ वहज़ा दि तोह कि दुह मीहतिंङ पश्चाताप लहज़िमी टेम रंड्रा ताकि दुह दोतिंङ बचाके तरपोतो। अपेहल हेंदु साथी विशवासी पोलुसे, केतिंङ दुह ज्ञानो इस्तेमाल लहज़ी च़ेआतो अंऊ परमेश्वरे दोबि रांहषी ततो, दंङ दोई ला केतिंङ दिए गप्पा कंङातो, अंऊ गेह केतिंङ कंङातग।

2 पतरस 3:9

रें मीहच़ी चेहच़ातोर कि प्रभु एनोह यह्च़ा वापिस अपिमी वाईदा ओ पाहठी ख्राह लहज़ी लेहकी तोह, बल्कि, दुह केतंङ साते धीरज़ तहज़ा तोह। छना कुचे दुह अतिंङ ला नाश लेह माह जुंज़ा। पर प्रभु ज़ि जुंज़ा कि हर इच्च़ा एनोह सेहम किरज़ु दंङ गलत कम लेह बन्द लेह केहतो दंङ दोऊ कछंङ अच़ा अपतो।

प्रकाशित वाक्य 16:11

दंङ एनातु टेहषी ए फोल्हो वहज़ा ज़ि स्वर्गो परमेश्वरो बुराई लहरिर; पर दि हालातरिंङ ला दोच़ी पक्‍का रूपारिंङ पश्चाताप माह लहरिर दंङ माह ए दुह मदम कम ब्याड़ा लहरिर अंऊ दोच़ी लहज़ातेर।

प्रकाशित वाक्य 16:9

मीहरे दि महस ट्रोते रोह्षा इलिर, दंङ दोच़ी परमेश्वरो मिन्दु निन्दा लहरिर, छना कुचे दुह ए तोहई, अतु टोईच़ी दुह सज़ा ओ अधिकार तोहई। दोच़ी हेंतेग ला एनोह पापो दोरच़ी पश्चाताप माह लहरिर, दोच़ी हेंतेग ला परमेश्वरो महानता बि ग्रहण माह लहरिर।