प्रकाशित वाक्य 2:14 - लाहौली बाइबिल

¹⁴ पर गिह्बी कनु पाहठी छा शिकायत तोह: छना कुचे केई दुह मीहतु विरोध माह लहज़ातन अंऊ कांह कलीसिया रिंङ हप्सी शिक्षा रंड्रातोर, छना ठ्रोह भविष्यवक्ता बिलामे तुहई कि टेमा रिंङ रंदे। बिलामे रज्ज़ा बालाका बि सिखाएक्तो कि इस्राएलो मीहतिंङ पाप लहज़िमी थल्जी उकसाएच़िमी थल्जी छि लहज़ी जूंशी तोह। दोई दोतिंङ मुर्ति बि चढ़ाएसी बलि ज़ेई ए बुराई रंङ साते श्रींङमी कंङातो।

प्रकाशित वाक्य 2:14 Iomraidhean Croise

मत्ती 18:7

ठोकरातु थल्जी संसाराबि धिक्कार! ठोकर ज़रुर लेह्फी; पर दुह मीहबी धिक्कार! अतु बजाहज़ि ठोकर लेहपा।

प्रेरित 15:29

कि केरे मूर्तिरिंङ चढ़ाएसी शुई दंङ कुकम ए टटू झुचीऊ शाह थाह ज़ंई दंङ जानवरा तु शुई था ज़ेईनि। दितु दोरच़ी शत्‌ह बंङज़ेंई केहतु थल्जी रूठे शोतो। सिर्फ धोंण ए गप्पा तोहई अंऊ ञेंरे केतंङ साते कुट्री जुंज़ातंई।

प्रेरित 21:25

पर दुह ऊईजाति मीहतु पाहठी अच़ि विशवास लाहतेर, ञेंहच़ी दीह फेंसला लेह च़ेऐ च़रतिन, कि अंऊ यहुदी कानूनो दोतिंङ भाषे लहज़ी ज़रूरी तोह। ञेंहच़ी दि चेई दि फेंसला चरच़ातंई दुह बगत थाह ज़ंई अंऊ मूर्तिरिंङ चढ़ाएसी शुह दंङ टटू झुचीऊ शाहओ दोरच़ी ए कुकमो दोरच़ी शताह बंङज़ुंई।

रोमियो 11:9

दंङ रज्ज़ा दाऊदे कुट्रा, “दोतु बगत दोतु थल्जी जाल ए फंदा, दंङ ठोकर ए सज़ा ओ वहज़ा शुहचे योतो।

रोमियो 14:13

झांह लेह तुंखा हेनर इदि-अईदि ओ टोईच़ी दोष माह लगाएपोंई, पर केहच़ी दि ञेंई च़रतुंई कि अंऊ ला साथी विशवासी हेंदु वहज़ा ज़ि पापो जाला रिंङ फसके इबि माह जूंस।

रोमियो 14:21

रूठे ता दि तोह कि, केई माह ता षाह ज़ोऊ, दंङ माह ए दाखो रस तुंङु, दंङ माह ए छा झांह लोह, अंऊ दिरंङ कांह साथी विशवासी विशवासो दोरच़ी भटकेगी पाप रिंङ पड़ेकी योतो।

रोमियो 9:32

दि छना शुहबी तरपोतो? झांह लेह कि दोरे विशवासा रंङ मशत, पर रूठे कमो थल्जी परमेश्वर रंङ साते धर्मी बणेक्च़िमी कोशिश लहज़ातेर: दोच़ी मसीह बि ठुकराके च़रति अतु दुह रह्घ तु रंङ साते बराबरी लहसी ताहरेर अंऊ मीहतिंङ ठोकर रंड्रा।

1 कुरिन्थियों 1:23

पर हेनर दि प्रचार लहज़ातंई कि मसीह हेंदिंङ हेंदु पापो दोरच़ी छुड़ाएच़िमी थल्जी क्रूसो टोईच़ी सिए इलि। अंऊ यहुदी तु कछंङ ठोकरो वहज़ा, दंङ ऊईजाति तु कछंङ मुर्खता तोह।

1 कुरिन्थियों 7:2

पर गिऊ दि सलाह तोह कि कुकमो दोरच़ी बचेक्च़िमी थल्जी हर इच्च़ा गंङमी ऊ एनोह मेच़ा दंङ हर इच्च़ा मेच़िमी ऊ गगसा शुहबी जूंशी तोह।

इब्रानियों 13:4

ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।

1 पतरस 2:8

दंङ पवित्र शास्त्रे दि ला कुट्रा, “दि रह्घ मीहतु ठोकरो वहज़ा शोतो। दि इच्च़ा चटान शुह अंऊ दोतु दह्पिमी वहज़ा शोतो।” दोरे बचना रिंङ विशवास लहज़ी माह जुंज़ातोर, झांह लेह दोरे ठोकर ज़ोवा दह्च़ी यवातोर। परमेश्वरे दोतंङ साते दिए शुहबिमी योजना बणाएषी ततो।

2 पतरस 2:15

दोच़ी रूठे कम लेह बन्द लहज़ी केहषी तोह, दंङ दोच़ी ध्वांए ठ्रोह कम लहज़ी शुरू लेह केहषी तोह, अंऊ कि बओरो ओ योह बिलामे महसे तुहई लहसी तहरे। दोई गलत कम लहज़ी ढबाह कमाएच़िमी पसन्द लहरी।

यहूदा 1:11

दोतु टोईच़ी हाय! कि दोच़ी आदमो योह कैनो ठ्रोह मदम व्यवहार लहरिर, अच़ि एनोह न्वा सचे च़रति। दोच़ी जल्दबाज़ी रिंङ दुह ए गलती लहरिर अंऊ बिलामे ऊई मीहतिंङ पापो हखा शिल्ज़िमी मुक्का लहरी ताकि ढबाह खोक्शे तरपोतो। छना मूसा ओ खिलाप विरोध लहज़ा कोहर वंशो नाश शुहचे इलि, ध्वांए ठ्रोह दिरे मीहरे ला नाश शुहचे योर छना कुचे दोरे ला प्रभु खिलाप विद्रोह लहज़ातोर।

प्रकाशित वाक्य 2:20

पर गिह्बी कांह हखा दि शिकायत तोह। कि काह दुह मेच़िमी इज़ेबेल बि हप्सी शिक्षा फैलाच़ि रंड्रातन। दोई कुट्रा कि दुह इच्च़ा भविष्यवक्तिन शुह, पर एनोह शिक्षा ओ दोरच़ी दोई गिऊ मीहतिंङ कुकम रिंङ शामिल शुहबिमी थल्जी ए दंङ मुर्ति बि चढ़ाएसी बलि ज़ेइमी थल्जी भरमाएच़ा।

प्रकाशित वाक्य 2:4

पर गिह्बी कनु हखा दि शिकायत तोह: पर काह गेरंङ साते ध्वांए ठ्रोह दाह माह लहज़ातन छना ठ्रोह दाह केई गेरंङ साते दुह मुक्का लहज़ातेन अपेहल केई मुण्डा गिऊ टोईच़ी विशवास लाहतेन।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।