प्रकाशित वाक्य 2:12 - लाहौली बाइबिल

¹² पिरगमुन शहरो कलीसिया ओ स्वर्गदूता तिंङ दि चेहओ: “अतु कछंङ तेज झुह्ट धारी तलवार तोह”, दोई दि कुट्रा:

प्रकाशित वाक्य 2:12 Iomraidhean Croise

इब्रानियों 4:12

छना कुचे परमेश्वरो वचन श्रींङे, असरदार दंङ अंऊ ला झुह्ट धारी तलवार बेहच़ी ला तेज तोह। दोई जहानो ए आत्माओ गांठ-गांठ ए, जोड़-जोड़ शत्‌ह लहच़ी, आर-पार तिरच़ा; दंङ सेहमो भावना ए विचार ओ जांच लहज़ा।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 1:16

दुह एनोह सुचंङ गुह्ट्रे निह्ज कर तहरे, दंङ दोऊ मोह्द ओ तेज झुल्ला हासी धारी तलवार हुंच़ा तोहई; दंङ दोऊ मोह्द निहरो टेमो चमकेक्पा ऐके ओ ठ्रोह चमकेपी लेहकी तोहई।

प्रकाशित वाक्य 19:15

दोऊ आहच़ि इच्च़ा तेज तलवार हुंच़िरी अंऊ दोरच़ी दोई देश यहरच़े च़रपोतो। अरिला दोऊ अधिकारा बि स्वीकार माह लहज़ा दुह दोतिंङ भत्ते रिति रंङ सज़ा रमतो। दुह सर्वशक्तिमान परमेश्वरो भयंकर प्रकोपा बि ध्वांए केहच़ी च़रपोतो, छना इच्च़ा रसकुण्डो दोरच़ी दाखो रस बहाएक्च़ा।

प्रकाशित वाक्य 19:21

दोहथर, छंङसी रहंङों सवारी ज़ि दुह घ्वांण भत्ते सेनिकर सच़ी च़रति, दोई दोतिंङ दुह तलवारे ट्रिके च़रति अंऊ दोऊ आहरिंङ प्रगट शुई। प्यारे सिए इलिर मीहतु षाह ज़ेइमी थल्जी अच़ा अतिर अपेहल तचेक कि दोतु खोकटुंङ पिंङषा मेहलि।

प्रकाशित वाक्य 2:1

दोई गिऊ हखा दि ला कुई, “इफिसुस शहरो कलीसिया ओ स्वर्गदूता बि दि ला खबर चेहई च़रतु: गेह दुह ए शुगाह अंऊ एनोह सुचंङ गुहड़रिंङ निह्ज कर लेहपसी ततो, दंङ अंऊ ज़ङों निह्जो दिवटो बिचंङ ज़ोजा।” गेह केतंङ साते दि कुट्रातग,

प्रकाशित वाक्य 2:16

झांह लेह सेहम किरज़ु, अगर काह मदम कम लहज़ी बंद माह लोहन ता दंङ गेह युरनाह अपोग दंङ दुह मीहतु खिलाप दुह तलवार रंङ साते तेङसोग, अंऊ गिऊ आहच़ि हुंच़ा।