प्रकाशित वाक्य 2:10 - लाहौली बाइबिल

¹⁰ दुह दुखा रंङ साते थाबेईनि अंऊ कनिंङ खोकसोतो। शेतान केहतु बिचंङ रेहतिंङ गिरफ्तार लोहतो दंङ केतिंङ कैदारिंङ केहच़ी च़रपोतो ताकि दोई केहतु परीक्षा लोहतो। केरे साह ध्याड़ा तचेक महस मुसीबतो अनुभव लोहनि। पर गिऊ टोईच़ी विशवास लहज़ी अपेहल ला था छोडे़क्तेंई, चाहे केतिंङ सिए पढ़ेक्पोतो, छना कुचे गेह केतिंङ जीतो थल्जी ईनामो रूपारिंङ अनंत जीवन रमोग।

प्रकाशित वाक्य 2:10 Iomraidhean Croise

मत्ती 10:22

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मत्ती 10:28

अच़ि फुको घात लाह्तोर, पर आत्मो नुकसान लेह मरच़ि, दोतंङ साते थाबेंई पर परमेश्वरारंङ साते बेंईन अच्च़ी फुके आत्मा झुल्ला नरकंङ खत्म लेह तरच़ा।

मत्ती 24:13

पर अंऊ जीवनो अंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मरकुसो 13:13

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मरकुसो 8:35

छना कुचे अच़ि एनोह जहानो दिह धरतीऊ टोईच़ी बचाएपोतो दोई परमेश्वरारंङ साते अनंत जीवन खोकसिमी मोका योह्च़े च़रपोतो। दंङ अंऊ मीह गिऊ टोहकठे विशवास लहच़ी ए दंङ गिऊ रूठे खबर सुनाएच़िमी बज़ाहसि सिओतो दुह मीह परमेश्वरारंङ साते अनंत जीवन खोकपोतो।

लूको 21:12

पर दिह गप्पा बे तुहई दोच़ी गिऊ मिन्दु बजाहच़ि केतिंङ चुमोर, बरदो रमोर ए यहुदी सभा घरबारंङ रेंज़ा शोर, जेलंङ केओर, दंङ रज्ज़ातु ए हाकिमो तुईज़ी शोर।

यहून्नो 12:25

अच़ि एनोह जहानो दिह धरतीऊ टोईच़ी बचाएपोतो दुह दोई ञेंई केओतो दंङ अच़ि दीह संसारारंङ एनोह जहानो परवाह मलोह्तो दोई अनंत जीवनो थल्जी दोऊ रक्षा लोहतो।

यहून्नो 13:2

यीशु ए दोऊ चेलार यग ज़ेह लेहकी तोईरे। शेताने तुहई ए यीशु बि धोखा रंड्रीमी थल्जी शमौन ओ योह यहूदा इस्करियोति ओ सेहमंङ दिह हति, कि यीशु बि च़ुमज़ि लोह।

यहून्नो 13:27

छना ए यहूदा ज़ि रोटी ज़री दंङ ध्वांए शेतान दोऊ अंद्रेग अच्च़ा इलि। दंङ यीशु ज़ि दोबि कुई, छि केई लहज़िमी तातन दुह युरनाह लोहू।

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

प्रेरित 21:13

पर पोलुसे जुबाब रेंई, केहच़ी छि लहज़ातंई, कि क्रप्चे-क्रप्चे गिऊ सेहम दुखी लहज़ातंई? गेह ता प्रभु यीशु मिन्दु थल्जी यरूशलेमंङ माह सिर्फ छुहसिमी थल्जी, पर सिमी ला तेयार तोतोग।

1 कुरिन्थियों 9:25

अंऊ पहलवान कुशती रिंङ हिस्सा लेहपच़ी जुंज़ातोर, दंङ तुहई भ्यास लहज़ातोर, दोरे एनोह टोईच़ी काबू लहज़ातोर। दोरे झांह दिऊ थल्जी लहज़ातोर ताकि द्रक्शे तरपोर दंङ इनाम खोक्शे तरपोर। दोतु आदर लहज़िमी थल्जी लपातु बणेषी हार रंड्रातंई अंऊ महसे ध्याड़ा तचेक माह बंङज़ा। पर हेनर अंऊ यीशु मसीहू टोहकठे विशवास लहज़ातंई, इनाम खोकपोंई, दंङ अंऊ रूठे इनाम दोई हेंदिंङ रमतो दू हमेशा तचेक बंङज़ोतो। झांह लेह हेंदिंङ ला हेंदु टोईच़ी काबू तहच़ि ज़रूरी तोह।

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

याकूब 1:12

धन्य शुह दुह मीह, अंऊ परीक्षारिंङ खड़े बंङज़ा, अपेहल दुह परीक्षा दोरच़ी पार शुहचे यवाह दंङ दोबि इच्च़ा ईनाम खोकसोतो। अंऊ अनंत जीवनो दुह मुकुट तोह अपि रंड्रीमी वाईदा परमेश्वरे एनोह दाह लहज़ा तंङ साते लहसी ततो।

1 पतरस 5:4

अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।

1 पतरस 5:8

हमेशा खबरदार ए दंङ चेहके बंङज़ुंई, छना कुचे शेतान, केहतु विरोधी केहतु टोईच़ी हमला लहज़ी ततो ताकि केरे परमेश्वरो हुकुमो भाषे माह लोहनि। दुह फ्रक्शे ज़ज़ा ब्राघो ठ्रोह तोह, अंऊ तुंखा थलका खंड्रा कि अपि ज़ोओग।

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 13:2

अंऊ घ्वंण गेह खंईगा, दुह ब्राघो ठ्रोह तोहई; दंङ दोऊ कोंज़ा भालू ठ्रोह दंङ मोह्द ब्राघो ठ्रोह तोहई। दुह अजगरे दि ब्राघा बि एनोह शाक्ति रें च़रति दंङ दोबि धरतीऊ टोईच़ी राज लहज़िमी अधिकार रें च़रति।

प्रकाशित वाक्य 13:7

परमेश्वरे दोबि दि अधिकार रें च़रति, कि दुह परमेश्वरो खिलाप लड़ेपोतो, दंङ दोतिंङ यहरच़े च़रपोतो, दंङ दोबि हर इच्च़ा खानदान, मीहरे, भाषा ए जाति टोईच़ी अधिकार रें च़रति।

प्रकाशित वाक्य 17:14

दोरे कुरच़ो खिलाप लड़ेपोर, पर कुरच़ा दोतिंङ यहरच़े च़रपोतो, छना कुचे दुह प्रभु तु प्रभु ए रज्ज़ा तु रज्ज़ा शुह। कुरच़े एनोह बुलासी दोरे, अंङषी दोरे दंङ विशवासो जोगे साथी तंङ दोतु टोईच़ी द्रक्शे योतो।

प्रकाशित वाक्य 2:13

गेह दि ञेंहच़ातग कि काह दुह शहरारिंङ बंङज़ातन अंऊर शेताने राज लहज़ा। काह गिऊ थल्जी विशवासो जोगे बणेंके बंङज़िन दंङ गिऊ टोईच़ी विशवास लहज़ी ब्याड़ा माह लहरिन। केई दुह मुक्का ला विशवास लहरिन अपेहल दोच़ी अन्तिपासा बि दोर्तिंङ सच़ी च़रतिर अंऊर शेताने राज लहज़ाते। अन्तिपास मीहच़ी गिऊ पाहठी विशवासा रंङ साते कंङातोर।

प्रकाशित वाक्य 2:9

गेह ञेंहच़ातग कि कनिंङ तंगी तोह दंङ काह गरीब तोतोन। पर आत्मिक रूपारिंङ काह महस साहुकार तोतोन। गेह दुह यहुदी मीहतु पाहठी ञेंच़ातग अंऊ दोच़ी दावा लहज़ातोर कि दोरे परमेश्वरो अंङषी मीहरे शुरे, पर तोतोर माह। दोरे कनु पाहठी मदम गप्पा कुट्रातोर, पर हेले रिंङ दोरे दुह झुंडो मीहरे शुरे अंऊ शेतानो तोह।