प्रकाशित वाक्य 2:1 - लाहौली बाइबिल

¹ दोई गिऊ हखा दि ला कुई, “इफिसुस शहरो कलीसिया ओ स्वर्गदूता बि दि ला खबर चेहई च़रतु: गेह दुह ए शुगाह अंऊ एनोह सुचंङ गुहड़रिंङ निह्ज कर लेहपसी ततो, दंङ अंऊ ज़ङों निह्जो दिवटो बिचंङ ज़ोजा।” गेह केतंङ साते दि कुट्रातग,

प्रकाशित वाक्य 2:1 Iomraidhean Croise

मत्ती 18:20

छना कुचे अंऊर झुह्ट या षुमु गिऊ मिनज़ि ठ्रोहका शोर, दोर तिंङ गेह दोतु बिचंङ शुहबी।”

मत्ती 28:20

दंङ दोतिंङ भत्ते हुकुम अंऊ गेह केतिंङ रांहषी तातग, मनेक्च़ी कंड्रुंई; दंङ रेड्रुंई, गेह संसारो अनंत तचेक हमेशा केतंङ साते तोतोग।”

यहून्नो 5:35

यूहन्ना इच्च़ा संजुवा ठ्रोह तोहई दंङ केतिंङ थोड़े अरे टैम दोऊ छंङीरिंङ बंङज़ी रुठे अति।

प्रेरित 18:19

अपेहल दोरे इफिसुस शहर रिंङ पिचे इलिर, दोहपल पोलुस यहुदी सभो घरबारंङ इलि दंङ यहुदी मीहतंङ साते बहस लहरी। दोच़ी दोबि दोर्तिंङ ए दोतंङ साते बंङज़िमी थल्जी महस कोशिश लहरिर, पर पोलुसे इन्कार लेह च़रति। दंङ कुई, “अगर परमेश्वरे दिए जुंज़ा, दंङ यह्च़ा अपोग।” दोहपल दोई अक्किला ए प्रिस्किल्ला बि इफिसुस शहर छोड़ेके च़रति, दंङ दोरे तुंखा इबिमी थल्जी इच्च़ा जहाज़ा रिंङ सवार शुचि इलिर।

प्रेरित 19:1

अपेहल अपुल्लोस कुरिन्थुस शहरा रिंङ तोहई, दंङ पोलुस तोरिंङ खी भत्ते प्रदेशंङ च़ि शुहचे इफिसुस नगर रिंङ अति। दंङ दोहर थोड़े अरे चेला तंङ दोहरी,

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

प्रकाशित वाक्य 1:16

दुह एनोह सुचंङ गुह्ट्रे निह्ज कर तहरे, दंङ दोऊ मोह्द ओ तेज झुल्ला हासी धारी तलवार हुंच़ा तोहई; दंङ दोऊ मोह्द निहरो टेमो चमकेक्पा ऐके ओ ठ्रोह चमकेपी लेहकी तोहई।

प्रकाशित वाक्य 1:20

हेंतेग गेह कमोग कि गिऊ सुचंङ गुहड़रिंङ निह्ज करज़े तु छि मतलब तोह दंङ ज़ङों निह्ज दिवटो छि मतलब शुह। दिऊ मतलब दि तोह: निह्ज कर दुह स्वर्गदूता तु पाहठी कंड्रातोर अंऊ दोच़ी निह्ज कलीसिया ओ रखवाली लहज़ातोर दंङ निह्ज ज़ङों दिवट निह्ज कलीसिया बि कंड्रातोर।

प्रकाशित वाक्य 12:1

अपेहल दुह योह्सा इलि, दंङ दोर्तिंङ इच्च़ा अद्धभुत चिन्ह तोह अंऊ सर्गंङ तंङफाते। छना कुचे लचंङ ओ टोईच़ी खड़े मेच़िमी प्रगट शुई अच़ि झांह ठ्रोह खमज़ेर लेहसी तहरे अंऊ ऐके ओ ठ्रोह चमकेक्पाते। दोई एनोह पुंज़ंङ इच्च़ा मुकुट लेहसी तहरे अंऊर सनी कर तोहई;

प्रकाशित वाक्य 2:12

पिरगमुन शहरो कलीसिया ओ स्वर्गदूता तिंङ दि चेहओ: “अतु कछंङ तेज झुह्ट धारी तलवार तोह”, दोई दि कुट्रा:

प्रकाशित वाक्य 2:18

“थुआतीरो शहरो कलीसिया ओ स्वर्गदूताबि चेऊ” “परमेश्वरो योह अतु टिरा मेहू ठ्रोह तोह, दंङ अतु कोंज़ा रूठे रिओह ठ्रोह चमकदार तोह, दोई दि कुट्रा।”

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।

प्रकाशित वाक्य 3:1

“दोई गिऊ हखा दि ला कुई कि” सरदीस शहरो कलीसिया ओ स्वर्गदूता बि दि चेऊ, “कि अतु दोर परमेश्वरो निह्ज़ी आत्मा ए निह्ज़ी कर तोह, दोई कुट्रा, कि गेह कनु कम ञेंच़ातग, कि काह श्रींङे ता तोतोन”, पर सिए इलजी तोतोन।

प्रकाशित वाक्य 3:14

लौदीकिया शहरो कलीसिया ओ स्वर्गदूता बि दि चेऊ: “कि दि खबर दोऊ तरफे तोह अंऊ अमीन तोह। दुह विशवासो जोगे ए परमेश्वरो पाहठी सच्चाई बि प्रगट लहज़ा, दंङ गेह दुह तोतोग अतु दोरच़ी परमेश्वरे भत्ते चीज़ा तु रचना लहरी।”

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,