प्रकाशित वाक्य 19:9 - लाहौली बाइबिल

⁹ स्वर्गदूते गिऊ हखा कुई, “दि चेऊ, कि धन्य तोतोर दोरे, अंऊ कुरच़ो ब्याहू बगतारिंङ बुलासी तोतोर।” दंङ दोई गिऊ हखा कुई, “दि बचन परमेश्वरो तरफे तोह, दि भत्ते पक्‍का रूपारिंङ हेले तोह।”

प्रकाशित वाक्य 19:9 Iomraidhean Croise

लूको 22:16

छना कुचे गेह केतंङ कुट्रातग अपेहल तचेक दिह परमेश्वरो राज्य रिंङ पूरे मशोतो दोहपल तचेक गेह फसह त्याहरो बगत यच़ाह माह ज़ोऊग।”

1 तीमुथियुस 1:15

दि गप्पा हेले ए दंङ भत्ते पाहठी मनेक्च़िमी जोगे तोह, कि मसीह यीशु हेनर पापी तु उद्धार लहज़िमी थल्जी संसारारंङ अंज़े शुह, अंऊ दोतु बिचंङ भत्ते वे मोह्ड़े पापी गेह शुगाह।

1 तीमुथियुस 4:9

दंङ दि गप्पा हेले ए हर पाहठी रंङ मनेकच़िमी जोगे तोह।

2 तीमुथियुस 2:11

दि गप्पा कि अगर ञेंरे मसीह रंङ साते सिए इलजी तोतोंई दंङ दोरंङ साते श्रींङमोंई ला।

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

प्रकाशित वाक्य 1:1

दि कताब दुह गप्पातु पाहठी कंड्रा अंऊ परमेश्वरे यीशु मसीह बि कंङाते। ताकि दुह एनोह परगरा तिंङ दुह गप्पातु पाहठी कंड्री तरपोतो अंऊ युरनाह शोतो। यीशु ज़ि एनोह स्वर्गदूता बि दुह खबर रंङ साते गिऊ कछंङ मतलब एनोह दासबि चेआतो अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 1:19

झांह लेह अंऊ गप्पारे थले शुहबी तोह, दुह भत्ते चे च़रतु।

प्रकाशित वाक्य 10:4

अपेहल निह्ज़ी सग थक्शतो, दंङ गेह चेहच़िमी थल्जी तेयार तोईगा, पर गेह स्वर्गो दोरच़ी दि सग रेड्रीगा, “अंऊ गप्पारे गर्जनो सगे कुहतो दोबि प्याके तोह दंङ था चेऊ।”

प्रकाशित वाक्य 14:13

दोऊ थल गेह यह्च़ा स्वर्गो दोरच़ी अतिंङ कुट्री रेड्रीगा दंङ दोई गिऊ हखा कुई: “दि गप्पारे देर्तिंङ च़ेऊ। हेंतेग बे, दुह मीहरे धन्य तोतोर अंऊ परमेश्वरो टोईच़ी विशवास लहज़ा सिए इलिर।” दोहपल पवित्र आत्मा दिऊ थल्जी सहमत शुहचे इलि, दोई कुई, “दि हेले तोह दोरे धन्य शुरे छना कुचे दोरे एनोह खरे मेहनतो दोरच़ी आराम खोकपोरे दंङ अंऊ कम दोच़ी लहज़ातोर दोऊ थल्जी दोतिंङ ईनाम खोकसोतो।”

प्रकाशित वाक्य 17:1

अंऊ निह्ज स्वर्गदूता तु कछंङ दुह निह्ज कोली तोहई, दोतु बिचंङ इच्चे अंज़े कुई, “देर अता, गेह कनिंङ कमोग कि परमेश्वर छना दुह मोह्ड़े कुकम लहज़ा मेच़िमी बि सज़ा रमतो, अंऊ इच्च़ा झांह ठ्रोह ठाहरीरिंङ बंङज़ा, अंऊर महस बेंडी तोतोर।”

प्रकाशित वाक्य 17:17

“दुह मेच़िमी अपि केई खांहषी तरेर, दुह दि मोह्ड़े शहर शुह अंऊ धरतीऊ टोईच़ी भत्ते रज्ज़ा तु टोईच़ी राज लहज़ा। दि चीज़ारे दोरंङ साते शुई, छना कुचे परमेश्वरे एनोह मकसद पूरा लहज़िमी थल्जी दोतु सेहमो निर्देशन लहरी। दिए वहज़ा तोह कि दोच़ी एनोह अधिकार घ्वंणा बि रें च़रतिर कि दोई राज लोहतो, अपेहल तचेक कि दुह भत्ते पूरा माह शोतो अंऊ परमेश्वरे कुहषी ततो।”

प्रकाशित वाक्य 2:1

दोई गिऊ हखा दि ला कुई, “इफिसुस शहरो कलीसिया ओ स्वर्गदूता बि दि ला खबर चेहई च़रतु: गेह दुह ए शुगाह अंऊ एनोह सुचंङ गुहड़रिंङ निह्ज कर लेहपसी ततो, दंङ अंऊ ज़ङों निह्जो दिवटो बिचंङ ज़ोजा।” गेह केतंङ साते दि कुट्रातग,

प्रकाशित वाक्य 2:12

पिरगमुन शहरो कलीसिया ओ स्वर्गदूता तिंङ दि चेहओ: “अतु कछंङ तेज झुह्ट धारी तलवार तोह”, दोई दि कुट्रा:

प्रकाशित वाक्य 2:18

“थुआतीरो शहरो कलीसिया ओ स्वर्गदूताबि चेऊ” “परमेश्वरो योह अतु टिरा मेहू ठ्रोह तोह, दंङ अतु कोंज़ा रूठे रिओह ठ्रोह चमकदार तोह, दोई दि कुट्रा।”

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।

प्रकाशित वाक्य 21:5

दंङ अंऊ सिंहासनो टोईच़ी बंङज़ा तोहई, दोई कुई, “गेह भत्तेधिर खरकोई लेह केहऊगा।” दंङ यह्च़ा दोई कुई, “चेहई च़रतु, छना कुचे छि गेह कुट्रातग केई दोऊ टोईच़ी विशवास लेह तरपोन, दि गप्पारे ज़रूर पूरा शोर।”

प्रकाशित वाक्य 22:6

दोहथल स्वर्गदूते गिऊ हखा कुई, “दि भत्ते गप्पा अंऊ कनिंङ कांहषी तोह, हेले शुह दंङ भत्ते पाहठी विशवासो जोगे तोह। छना कुचे प्रभु परमेश्वर अच़ि भविष्यवक्ता तु निर्देशनो थल्जी एनोह आत्मा दोतिंङ रें च़रति, दुह ए तोह अच़ि गिह्बी, अंऊ कि दोऊ स्वर्गदूत शुगाह, कनिंङ दि कंड्रिमी थल्जी चरच़तो अंऊ युरनाह पूरे शोतो।”

प्रकाशित वाक्य 3:1

“दोई गिऊ हखा दि ला कुई कि” सरदीस शहरो कलीसिया ओ स्वर्गदूता बि दि चेऊ, “कि अतु दोर परमेश्वरो निह्ज़ी आत्मा ए निह्ज़ी कर तोह, दोई कुट्रा, कि गेह कनु कम ञेंच़ातग, कि काह श्रींङे ता तोतोन”, पर सिए इलजी तोतोन।

प्रकाशित वाक्य 3:14

लौदीकिया शहरो कलीसिया ओ स्वर्गदूता बि दि चेऊ: “कि दि खबर दोऊ तरफे तोह अंऊ अमीन तोह। दुह विशवासो जोगे ए परमेश्वरो पाहठी सच्चाई बि प्रगट लहज़ा, दंङ गेह दुह तोतोग अतु दोरच़ी परमेश्वरे भत्ते चीज़ा तु रचना लहरी।”

प्रकाशित वाक्य 3:20

रेड्रुंई, केहतु सेहमरिंङ अपिमी थल्जी, गेह दुह मीहू ठ्रोह तोतोग अंऊ चुंङो धकते खड़े तोह दंङ पेतंङ ठुकठुक लहच़ी लेहकी तोह दंङ केरे गिऊ सग रेड्रातंई दंङ गिऊ थल्जी केनातु सेहम अलज़ातंई दंङ गेह तोंखा अपोग दंङ हेनर इदि-अई दिरंङ साते संगति लोहनि।

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,