प्रकाशित वाक्य 19:8 - लाहौली बाइबिल

⁸ “परमेश्वरे दोबि साफ चमकदार मलमलो खमज़ेर लेहच़िमी थल्जी रें च़रति। मलमल दुह रूठे कमा बि दर्शाएच़ा अंऊ परमेश्वरो मीहच़ी लहज़ातोर।”

प्रकाशित वाक्य 19:8 Iomraidhean Croise

मत्ती 17:2

दंङ अपेहल दोरे एकांत रिंङ तोईरे दुह षुम चेलाज़ि यीशु रूप लेहक्सी तंङरी, दोऊ मोद एकेऊ ठ्रोह चमकेक्ते दंङ खमज़े छंङीऊ ठ्रोह छंङी शुहचे इलदे।

मत्ती 22:12

दोई दुह रूह्कातो हे मित्रा कांह खमज़ेर लेहके मेह देर छिले अन्दन? दोऊ मोद बन्द शुहचे इलि।

मरकुसो 9:3

दंङ दोऊ खमज़ेर झांह ठ्रोह छंङी शुहबी लेहती, दंङ धोंण तचेक छंङी शुहचे इलि, कि धरतीऊ टोईच़ी अरीला धोबी धोंण रुठे लेह मरपतो।

लूको 24:4

दंङ दोरे दिह गप्पा ज़ि ठट् शुहचे इलिर, दंङ खांई, झुह्ट गंङमीहरे छंङी खमज़े लहज़ा दोतु तुईज़ी अंज़े खड़े शुईरे।

प्रेरित 1:10

छना यीशु खेका-खेका सर्गंङ यवाते दोहथर दोऊ चेलार ध्यान रंङ साते दोबी खंड्रातेर। अचानक झुह्ट गंङ मीहरे दोतु कछंङ अतिर। अंऊ छंङसे खमज़ेर लेहके तोईरे दोतु कछंङ अंज़े खड़े शुहचे इलिरे।

रोमियो 13:14

पर प्रभु मसीह यीशु बि धारण लेह च़रतेंई, दंङ फुको हिटी पूरा लहज़िमी कोशिश थालंही।

रोमियो 3:22

अपेहल हेनर यीशु मसीहू टोहकठे विशवास लहज़ातंई, दंङ हेनर परमेश्वरो दोरच़ी धर्मी शुहचे य्वातंई, अंऊ कि भत्ते विशवास लहज़ा तु थल्जी तोह। परमेश्वर भत्ते तंङ साते इच्च़ा ठ्रोह व्यवहार लहज़ा।

प्रकाशित वाक्य 15:4

“हे प्रभु, भत्ते मीहतु दोरच़ी कनु आदर शवाह, दंङ दोरे भत्तेर कनु मिन्दु आदर लहज़ातोर, छना कुचे सिर्फ काह ए पवित्र परमेश्वर शुनाह। हर इच्च़ा ठहरि ओ भत्ते मीहरे कनु कछंङ अपतोर, दंङ दोरे कनु अराधना लहज़ातोर छना कुचे कनु धर्मो कम भत्ते तिंङ रूठे रंङ हिद तोतोर।”

प्रकाशित वाक्य 15:6

दंङ निह्ज स्वर्गदूत अंऊ दोतिंङ थल मुखो निह्ज मुसीबत शिलज़ी तोहई, दुह मंदिरो धकतेखा हुंच़िर। दोरे चमकदार छंङसे खमज़ेर लहज़ा तोईरे दंङ दोतु काह ओ पिला हासी ज़ङों पट्टी ला तोहई। दंङ पि श्रींङी प्राणी तु बिचंङ इच्चे हर इच्च़ा स्वर्गदूता बि अंऊ परमेश्वरो तरफे हमेशा श्रींङे तोह, भयानक सज़ा ओ दोरच़ी पिंङषा इच्च़ा-इच्च़ा ज़ङों कोली रांई।

प्रकाशित वाक्य 19:14

स्वर्गंङ ज़ि मोह्ड़े सैनिका तु भीड़ दोऊ थलेच़ि जोज़ी लेहती। दिरे सेनिक छंङसी रहंङों टोईच़ी सवार तोईरे दंङ दोच़ी शुद्ध छंङसी खमज़ेर लेहसी तातोर।

प्रकाशित वाक्य 3:18

झांह लेह गेह कनिंङ खबरदार लहज़ातग कि कनिंङ गिऊ दोरच़ी रूठे ज़ंङ च़ुमसी लेह्पोतो ताकि काह हेले रिंङ साहुकार बणेंके तरपोन। कनिंङ गिऊ दोरच़ी लेहच़िमी थल्जी छंङसी खमज़ेर ला च़ुमज़ि जूंशी तोह ताकि कनु फुक कपषा बंङज़तो दंङ काह शर्मिन्दा शुहबी मेस। दंङ कनिंङ केनोह टिरो इलाज लहज़िमी थल्जी गिऊ दोरच़ी अव्षत ला च़ुमज़ि जूंशी तोह ताकि केई खंड्री तरपोन।