प्रकाशित वाक्य 19:15 - लाहौली बाइबिल

¹⁵ दोऊ आहच़ि इच्च़ा तेज तलवार हुंच़िरी अंऊ दोरच़ी दोई देश यहरच़े च़रपोतो। अरिला दोऊ अधिकारा बि स्वीकार माह लहज़ा दुह दोतिंङ भत्ते रिति रंङ सज़ा रमतो। दुह सर्वशक्तिमान परमेश्वरो भयंकर प्रकोपा बि ध्वांए केहच़ी च़रपोतो, छना इच्च़ा रसकुण्डो दोरच़ी दाखो रस बहाएक्च़ा।

प्रकाशित वाक्य 19:15 Iomraidhean Croise

2 थिस्सलुनीकियों 2:8

दिऊ थल दुह मदम मीह प्रगट शोतो, अतिंङ प्रभु यीशु एनोह हुकुम ए एनोह अपिमी महिमा ओ छंङी रंङ साते दुह मदम मीह बि सच़ी च़रपोतो।

प्रकाशित वाक्य 1:16

दुह एनोह सुचंङ गुह्ट्रे निह्ज कर तहरे, दंङ दोऊ मोह्द ओ तेज झुल्ला हासी धारी तलवार हुंच़ा तोहई; दंङ दोऊ मोह्द निहरो टेमो चमकेक्पा ऐके ओ ठ्रोह चमकेपी लेहकी तोहई।

प्रकाशित वाक्य 12:5

दंङ दोहथर दोई इच्च़ा योह बि जन्म रांई पर दोबि अजगर ए ज़ेई मरति छना कुचे दोबि ध्वांए खुल्जे च़रति दंङ परमेश्वर ए दोऊ सिंहासनो कछंङ रैंज़ा हति। दुह गंङकटु इच्च़ा नीह्लामो डंडा रंङ साते मतलब भत्ते अधिकारंङ साते भत्ते जाति मीहतु टोईच़ी राज लोहतो।

प्रकाशित वाक्य 14:10

दंङ दुह परमेश्वरो रोहषो बट्रडा केहच़ी अंऊ मिलावट रंङ, दोऊ रोहषो कोली रिंङ केहच़ी च़रति, तुंङमोतो दंङ पवित्र स्वर्गदूतो तुईज़ी कुरच़ो तुईज़ी मेह ए गन्धको टेहषीरिंङ पढ़ेक्पोतो।

प्रकाशित वाक्य 19:21

दोहथर, छंङसी रहंङों सवारी ज़ि दुह घ्वांण भत्ते सेनिकर सच़ी च़रति, दोई दोतिंङ दुह तलवारे ट्रिके च़रति अंऊ दोऊ आहरिंङ प्रगट शुई। प्यारे सिए इलिर मीहतु षाह ज़ेइमी थल्जी अच़ा अतिर अपेहल तचेक कि दोतु खोकटुंङ पिंङषा मेहलि।

प्रकाशित वाक्य 2:12

पिरगमुन शहरो कलीसिया ओ स्वर्गदूता तिंङ दि चेहओ: “अतु कछंङ तेज झुह्ट धारी तलवार तोह”, दोई दि कुट्रा:

प्रकाशित वाक्य 2:16

झांह लेह सेहम किरज़ु, अगर काह मदम कम लहज़ी बंद माह लोहन ता दंङ गेह युरनाह अपोग दंङ दुह मीहतु खिलाप दुह तलवार रंङ साते तेङसोग, अंऊ गिऊ आहच़ि हुंच़ा।

प्रकाशित वाक्य 2:27

गेह दोतिंङ राज लहज़िमी दुह अधिकार रमोग छना गिऊ बाह च़ि गिह्बी रांहषी ततो। दोतु राज निह्लामो ठ्रोह पक्‍का शोतो अंऊ थक्च़िमी माह, दंङ दोतु बैरीर रेहशी ठ्रोह नन्देतु ठ्रोह शोर।