प्रकाशित वाक्य 19:14 - लाहौली बाइबिल

¹⁴ स्वर्गंङ ज़ि मोह्ड़े सैनिका तु भीड़ दोऊ थलेच़ि जोज़ी लेहती। दिरे सेनिक छंङसी रहंङों टोईच़ी सवार तोईरे दंङ दोच़ी शुद्ध छंङसी खमज़ेर लेहसी तातोर।

प्रकाशित वाक्य 19:14 Iomraidhean Croise

मत्ती 21:5

“खंणु सिय्योंनो मिओ रंङ कुंई, खंणु कांह रज्ज़ा कांह कछंङ अपा; दुह नम्र तोह दंङ करेटु टोईच़ी तोह; करेटु टोईच़ी।”

मत्ती 26:53

छि केह माञेंहना कि घेंङौ बाहऊ दोहरची बिनती लेह तरच़ातग, दंङ दोई स्वर्गदूता तु सनी पलटन हेंतेग खड़े लेह च़रपोतो?

मत्ती 28:3

दोऊ रूप बिजलिऊ ठ्रोह ए दोऊ खमज़े पालो ठ्रोह छंङसे तोहई।

2 थिस्सलुनीकियों 1:7

अंऊ दुख केहच़ी हेंतेग सहन लहज़ी लेहकी तोतोंई, केतिंङ ए अंऊ ञेंतिंङ तस्सली रमतो, दि दुह मुक्का शोतो अपेहल प्रभु एनोह सामर्थी दूतातंङ साते, महस मेहू बिचंङ स्वर्गो दोरच़ी अपतो।

यहूदा 1:14

हनोके ला अंऊ आदम बे निह्ज पीढ़ी रिंङ जेह्की तोहई, दि मीहतु पाहठी भविष्य वाणी लहसी तते, कि “खंई, प्रभु पक्‍का रूपा रिंङ एनोह महसे पवित्र स्वर्गदूता तंङ साते अपतो,

प्रकाशित वाक्य 14:1

दिऊ थल्जी गेह ऊई छा तंङरिगा, गेह सिय्योन गोह टोईच़ी कुरच़ा बि खड़े शुहबी तंङरिगा। दोरंङ साते इच्च़ा लाख निंज़ो पि हज़ार मीहरे तोईरे, दोतु फ्याहरिंङ कुरच़ो मिन ए दोऊ बाह ओ मिन च़ेहसी तोहई।

प्रकाशित वाक्य 14:20

दङ दुह शहरो धकते रसकुण्डो अन्दरेग, अंऊर दाखो रस हुंच़ातेर, दङ रसकुण्डो दोरच़ी शुहई हुंच़ते, दुह इच्च़ा धारी ओ ठ्रोह बहाएति कि रहंङों लगामो कछंङ पिचे इलि, दंङ षुमु राह किलो मीटर तचेक बहाएक्च़ा अच़ा इलि।

प्रकाशित वाक्य 17:14

दोरे कुरच़ो खिलाप लड़ेपोर, पर कुरच़ा दोतिंङ यहरच़े च़रपोतो, छना कुचे दुह प्रभु तु प्रभु ए रज्ज़ा तु रज्ज़ा शुह। कुरच़े एनोह बुलासी दोरे, अंङषी दोरे दंङ विशवासो जोगे साथी तंङ दोतु टोईच़ी द्रक्शे योतो।

प्रकाशित वाक्य 19:11

दंङ गेह स्वर्गा बि अलसी तंङरिगा, दोर्तिंङ गिऊ तुईज़ी छंङसी रहंङ तोह; दंङ दोऊ टोईच़ी इच्च़ा सवार तोह, अंऊ परमेश्वरो विशवासो जोगे ए सच्चा सेवक शुह; दंङ धर्मिक हिसाबे दोई दोऊ बैरीतु फेंसला लहज़ा दंङ दोतु खिलाप लड़ाई लड़ेक्पा।

प्रकाशित वाक्य 19:8

“परमेश्वरे दोबि साफ चमकदार मलमलो खमज़ेर लेहच़िमी थल्जी रें च़रति। मलमल दुह रूठे कमा बि दर्शाएच़ा अंऊ परमेश्वरो मीहच़ी लहज़ातोर।”

प्रकाशित वाक्य 3:4

पर हाँ, सरदीस शहरो केहतु बिचंङ रे मीहरे तोतोर, अंऊ दोच़ी विशवासी तु ठ्रोह रूठे जीवन श्रींङमातोर। दोरे रूठे खमज़ेर लेहकी ते गेरंङ साते ज़ोजातेर छना कुचे दोरे दिऊ जोगे तोतोर।

प्रकाशित वाक्य 4:4

दंङ दुह सिंहासनो पिला हासी निंज़ो पी ऊई सिंहासन तोतोर। दंङ दि सिंहासनो टोहकठे निंज़ो पी छंङी खमज़ेर लहज़ा बंङज़ा तोतोर, दंङ दोतु पुन्ज़ो टोईच़ी ज़ङों मुकुट तोतोर।

प्रकाशित वाक्य 7:9

दोऊ थल गेह खंईगा कि मीहतु इच्च़ा मोह्ड़े भीड़ तोहई कि अरिला दोबि मिक्च़ी मरच़ाते। दुह संसारो हर जाति, गोत्र, राष्ट्र दंङ भाषा ओ दोरच़ी तोईरे। दोरे सिंहासन ए कुरच़ो तुईज़ी खड़े तोईरे। दोच़ी छंङसी खमज़ेर लेहसी ताहरेर दंङ हर इच्च़ा मीह एनोह गुह्ट्र रिंङ खजूरो डाड़ी च़ुमसी तहरे अंऊ दोतु आदरो निशानी तोहई।