प्रकाशित वाक्य 19:11 - लाहौली बाइबिल

¹¹ दंङ गेह स्वर्गा बि अलसी तंङरिगा, दोर्तिंङ गिऊ तुईज़ी छंङसी रहंङ तोह; दंङ दोऊ टोईच़ी इच्च़ा सवार तोह, अंऊ परमेश्वरो विशवासो जोगे ए सच्चा सेवक शुह; दंङ धर्मिक हिसाबे दोई दोऊ बैरीतु फेंसला लहज़ा दंङ दोतु खिलाप लड़ाई लड़ेक्पा।

प्रकाशित वाक्य 19:11 Iomraidhean Croise

यहून्नो 1:51

दंङ दोरंङ साते कुंई, गेह केतंङ साते हेले कुट्रातग कि केहच़ी स्वर्ग बि अल्सा ए परमेश्वरो स्वर्ग दूतातिंङ खेका इबि ए गेह मीहू योहू टोईच़ी तक्सी खमोंई।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 11:19

दंङ परमेश्वरो अंऊ मंदिर स्वर्गारिंङ तोह, दुह अलसा इलि, दंङ दोऊ मंदिरंङ दोऊ वाईदा ओ बक्सा तंङसा इलि, बिजली, सग, गर्जन ए भुयंल शुई, दंङ सर्गंङ ज़ि ओलो मोह्ड़े संदाण शुई।

प्रकाशित वाक्य 19:19

दंङ गेह दुह घ्वंणा बि खंईगा अंऊ समुंद्रो दोरच़ी धकतेखा अति, दंङ धरतीऊ रज्ज़ा तु ए दोतु सेना बि खंईगा। दोरे रहंङों टोईच़ी बंङज़ा दंङ दोऊ सेना ओ खिलाप लड़ाई ओ थल्जी इच्च़ा साते अतिर।

प्रकाशित वाक्य 19:21

दोहथर, छंङसी रहंङों सवारी ज़ि दुह घ्वांण भत्ते सेनिकर सच़ी च़रति, दोई दोतिंङ दुह तलवारे ट्रिके च़रति अंऊ दोऊ आहरिंङ प्रगट शुई। प्यारे सिए इलिर मीहतु षाह ज़ेइमी थल्जी अच़ा अतिर अपेहल तचेक कि दोतु खोकटुंङ पिंङषा मेहलि।

प्रकाशित वाक्य 3:14

लौदीकिया शहरो कलीसिया ओ स्वर्गदूता बि दि चेऊ: “कि दि खबर दोऊ तरफे तोह अंऊ अमीन तोह। दुह विशवासो जोगे ए परमेश्वरो पाहठी सच्चाई बि प्रगट लहज़ा, दंङ गेह दुह तोतोग अतु दोरच़ी परमेश्वरे भत्ते चीज़ा तु रचना लहरी।”

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,

प्रकाशित वाक्य 4:1

दि भत्ते गप्पा खंड्रिमी थल, गेह स्वर्गो इच्च़ा पेतंङ अलसी तंङरिगा। दंङ अरिया गिऊ हखा गप्पा लहज़ी लेहकी तोहई दंङ कुट्रा दुह ए तोहई अतिंङ गेह तुहई ला रेड्रातेग, अतु सग तुरही सगो ठ्रोह तोहई। दंङ दोई गिऊ हखा कुई, “गिऊ कछंङ देर खेका अता: दंङ गेह कनिंङ दुह गप्पा कमोग, अतु दिह गप्पो थल पूरा शुहबी ज़रूरी तोह।”

प्रकाशित वाक्य 6:2

दोहपल गेह इच्च़ा छंङसी रहंङ तंङरिगा। दंङ अंऊ दोऊ टोईच़ी सवार तोहई दोई धनुष कुरच़ा ततो: दुह स्वर्गो धकते धरती ओ टोईच़ी अच़ा इलि, दोऊ ठ्रोह अंऊ तुहई ए द्रक्शे इलजी तोह, दंङ यह्च़ा द्रक्शे योतो।