प्रकाशित वाक्य 18:2 - लाहौली बाइबिल

^2-3 दोई जोरे सग रंङ साते कुई, “बेबीलोनो दुह खास शहर एंतेग यहरच़ा इलज़ा।” छना कुचे दि बाबेल शहरो भत्ते राज्य तु मीहतिंङ दुह सरा तुंङमी रांहषी ततो अंऊ दोऊ मुर्ति ओ पूजा शुह। भत्ते धरतीऊ रज्ज़ा दोरंङ साते दोऊ मदम कमारिंङ शामिल शुहचे इलजी तोतोर। दुह मेच़िमी ओ किमती-किमती चीज़ा तु हिटी ओ वहज़ा ज़ि धरतीऊ व्यापारी साहुकार शुहचे इलजी तोतोर। पर परमेश्वर दि अशुद्ध ए कुकम लहज़ा मेच़िमी बि सच़ी च़रपोतो। तोग भत्ते पाहठी मांजी आत्मा दोर बंङज़िमी थल्जी अच़ा योर दंङ दि मदम ए झखंजी प्यारेतु घोंसला बणाएच़िमी ठहरि बणेंके योतो।

प्रकाशित वाक्य 18:2 Iomraidhean Croise

प्रकाशित वाक्य 1:15

दोऊ कोंज़र रिओह ठ्रोह चमक्केपी लेहकी तोईरे अंऊ भटीरिंङ चाह्पि लहसी तोहई, अपेहल दोई कुट्री लेहती दोऊ सग झांह ठ्रोह तोहई छना इच्च़ा मोह्ड़े बेंडी ऊ शवात।

प्रकाशित वाक्य 10:3

दुह स्वर्गदूते जोरे हाऊष रें कुई दंङ दोऊ सग ब्राघो सगो बराबर तोहई। अपेहल दोई हाऊष रेंई, दंङ निह्ज़ी षुमु सगे दोबि जबाब रेंईर, अंऊ गड़गड़ो सगो ठ्रोह तोहई।

प्रकाशित वाक्य 11:8

दंङ दोतु लाश दुह मोह्ड़े नगरो बिचंङ केहच़ी केहऊरे, अंऊ आत्मिक पाहठी सदोम ए मिस्त्र कहलाच़ा, अंऊर दोतु प्रभु ला क्रूसो टोईच़ी चढ़ाएसी शुह।

प्रकाशित वाक्य 14:15

दोहपल अई इच्च़ा स्वर्गदूत अंऊ कि चौथा स्वर्गदूत तोह परमेश्वरो खबर रैंज़ा स्वर्गो मंदिरो धकतेखा अति। दोई डुह टोईच़ी बंङज़ा मीहू हखा जोर रें कुई, “धरतीऊ फसल मिन्ज़ी इलजी तोह। फसलो ट्रिकट्रिमी टेम पिचे इलजी तोह। झांह लेह केनोह जड़मो चलाएतु दंङ फसल वलदु।”

प्रकाशित वाक्य 14:8

दंङ दिऊ थल अई इच्च़ा स्वर्गदूत दि कुट्रा अति, “हेंतेग दि नाश शुहचे इलि। बेबीलोन शहर बुरी तरह नाश शुहचे इलि। दोई भत्ते मीहतु जाति बि एनोह सरो नशा रिंङ धुत लेह च़रति, अंऊ दि कुट्रीमी थल्जी कि दोऊ महसे मदम व्यवहार दि तोह कि दोई भत्ते मीहतु जाति बि दि सिखाएक्तो छना कुचे दोई दोतिंङ मुर्ति तु पूजा लहज़ी सिखाएक्तो।”

प्रकाशित वाक्य 16:13

दिऊ थल गेह षुमु मांजी आत्माबि तंङरिगा अंऊ दोरे खंड्रिमी मडुको ठ्रोह तोईरे। इच्च़ा अजगरो आहच़ि धकतेखा अति, इच्च़ा मुण्डो घ्वंणो आहच़ि, दंङ अई, अई घ्वंणो आहच़ि धकतेखा अति मतलब दोरे अंऊ दोच़ी हप्सी खबर रांहषी तरेर।

प्रकाशित वाक्य 16:19

बेबीलोनो मोह्ड़े शहरो षुमु खंणी शुहचे इलि, दंङ भत्ते संसारो शहर नष्ट शुहचे इलिर। छना कुचे परमेश्वरे दुह पूरा लहरी अतु दोई बाबेलो मीहतंङ सज़ा ओ वाईदा लहसी तहरे। दिबी परमेश्वरो तरफे कठोर सज़ा रंड्रीमी तहरे। दि झांह ए ठ्रोह शोतो छना दोच़ी ती मेह सरा तुंङसी शोतो, अतिंङ परमेश्वरे एनाबि दुह बट्रडा रिंङ थोरच़ी ततो अंऊ दोऊ रोहष बि कंड्रा।

प्रकाशित वाक्य 17:5

दोऊ फ्याह ओ टोईच़ी इच्च़ा शीर्षक च़ेहसी तोहई अंऊ गुप्त तोहई। दोर्तिंङ दि च़ेहसी तोहई: मोह्ड़े शहर बेबीलोन, कुकम लहज़ाड़ो तु तरफे संसारो भत्ते मदम चीज़ा तु याह शुह।

प्रकाशित वाक्य 18:10

दंङ दोऊ टेहषी ओ बेह्द रंङ साते शुहचे ते ऊईतार खड़े शुहचे कोहर, हे मोह्ड़े नगर, बेबीलोन! हे पक्‍का नगर, केहतु टोईच़ी हाय! हाय! “थोड़े अरे टेमारिंङ परमेश्वरे कनिंङ नाश लेह च़रति।”

प्रकाशित वाक्य 18:21

दंङ इच्च़ा शक्तिशाली स्वर्गदूते मोह्ड़े चक्कीऊ पटोह ठ्रोह इच्च़ा रह्घ उठाईति, दंङ कुह्चे ते समुंद्रा छंङी च़रति, “छना ठ्रोह दि रह्घ समुंद्रंङ छङें चरच़ि, दंङ दुह यह्च़ा माह खोकसा, ध्वांए ठ्रोह मोह्ड़े शहर बेबीलोन ला इच्च़ा ए फेरा नष्ट शुहचे योतो, दि यह्च़ा दोबारा माह बणेषतो।”

प्रकाशित वाक्य 5:2

दंङ गेह इच्च़ा बलवन्त स्वर्गदूता बि तंङरिगा अंऊ जोरे सग लहच़ी दि प्रचार लहज़ी लेहकी तोहई, “दि कताबो मुहर अलज़िमी ए कताब युप्च़िमी जोगे अरि तोह?”