प्रकाशित वाक्य 18:15 - लाहौली बाइबिल

¹⁵ दि चीज़ा तु व्यापारी अंऊ दोऊ दोरच़ी साहुकार शुहचे इलजी तोईरे, दोऊ टेहषी ओ बेह्द ज़ि ऊईतार खड़े शोरे, दंङ क्रापच़ा ए हाऊष रंड्रा कोहर,

प्रकाशित वाक्य 18:15 Iomraidhean Croise

मरकुसो 11:17

दंङ यीशुज़ि शिक्षा रंड्री लेहती कि, “पवित्र शास्त्रा रिंङ दि च़ेहसी तोह, गिऊ घरबार भत्ते जातिऊ थल्जी प्रार्थनाओ घरबार शोतो। दंङ केहच़ी दिह्बी लुटेरातु अड्डा बणाके चरच़ातन।”

प्रेरित 16:19

अपेहल दोऊ मालिक ए दुह खांई, कि ञेंहतु कमाईऊ साधन योह्सा इलि, दंङ पोलुस ए सीलास बि च़ुमने चोको प्राधनो कछंङ षोह्के हतिर।

प्रकाशित वाक्य 18:12

दोतु समान महस पाहठी तोहई। दोरिंङ ज़ंङ, मुल, रत्न ए मुतिक तोहई। दोरिंङ बेहतरीन खमज़ेर तोईरे अंऊ मंङे छुह्द, च़मकेकी षेह्ई ए बेंगनी रंगो खमज़ेर बणाषी तोहई। दोरिंङ रूठे वास ज़डे सिङ बणाषी चीज़ारे, हाथीऊ छवा रें बणाषी चीज़ारे ला तोहई, दंङ ऊई ला समान तोहई अंऊ मंङे सिङ या रिओह या नीलमो, या संगमरमरो बणेषी तोहई,

प्रकाशित वाक्य 18:13

दंङ दालचीनी, मसाले, धूप, लोबान, सरा, तेल, मैदा, छ्वाह, रद्, बंङ, त्रैंई-घ्वंणरे, रहंङरे, रथ, दंङ अंऊ मीहरे समान लंङज़ातोर ए चुमज़ातोर, दोरे हेंतेग मीहतिंङ गुलामो रूपारिंङ लङज़ि मरपोरे।

प्रकाशित वाक्य 18:14

व्यापारी ज़ि दोरंङ साते कोहर, “दुह भत्ते चीज़ारे अंऊ केई जुंज़ातन दुह हेंतेग माह। दुह भत्ते रूठे वासो चीज़ अंऊ कनिंङ रूठे चेहसाते, दुह भत्ते चीज़ अंऊ दोतिंङ केई केनोह फुक सलटे लहज़िमी थल्जी इस्तेमाल लहज़ातेन, दुह भत्ते योंहंषा इलज़ा, दुह हेंतेग माह खोकसा।”

प्रकाशित वाक्य 18:19

दोच़ी एनोह दुख कंड्रिमी थल्जी एनोह पुंज़ारिंङ धुह्‌ड़ केईर। दंङ क्रापच़ा ते दंङ हऊषेक्च़ा ते कोहर, “हाय! हाय! दि मोह्ड़े नगर अतु सम्पति दोरच़ी समुंद्रो भत्ते जहाज़ो दोरे साहुकार शुहचे इलिर, थोड़े अरे टेमारिंङ दोई एनोह भत्ते टंगा-ढबाह योह्च़े च़रति।”