प्रकाशित वाक्य 18:11 - लाहौली बाइबिल

¹¹ दंङ धरतीऊ भत्ते व्यापारी दोऊ थल्जी क्रपोरे शोक लोहर, छना कुचे हेंतेग अरिला माह केहषीरि अंऊ दुह समाना बि चुमतो अंऊ दोच़ी लंङज़ातोर।

प्रकाशित वाक्य 18:11 Iomraidhean Croise

मत्ती 22:5

पर दोरे गांणी माहकेह अच्च़ा इलिरे; रेह एनातु रीहऊ हखा, रेह एनातु बेईपारो हखा।

यहून्नो 2:16

यीशु ज़ि कबूतर लंङजारे दोतिंङ कुहतो, दिहरे देरच़ी लेन्ज़ा शिलांई। गिऊ बाहू घरबार ब्यापारो अड्डा था बणाएतुंई।

2 पतरस 2:3

दि उपदेश रंड्रा दिरे लालची शोर, दंङ दोरे बणाएषी ठ्रोह कथा कुचे केतिंङ धोखा रमोर ताकि केहतु दोरच़ी ढबाह कमाके तरपोर। परमेश्वरे महसे टेम तुहई ए दि फेंसला लेह चरच़ाते कि दुह दोतिंङ सज़ा रमतो दंङ दुह झांह लहज़िमी थल्जी तेयार तोह। दुह हेले रिंङ दोतिंङ नाश लेह च़रपोतो।

प्रकाशित वाक्य 18:15

दि चीज़ा तु व्यापारी अंऊ दोऊ दोरच़ी साहुकार शुहचे इलजी तोईरे, दोऊ टेहषी ओ बेह्द ज़ि ऊईतार खड़े शोरे, दंङ क्रापच़ा ए हाऊष रंड्रा कोहर,

प्रकाशित वाक्य 18:20

“हेंतेग अंऊ केरे स्वर्गारिंङ बंङज़ातंई! परमेश्वरो मीहरे! प्रेरित ए नवी रे! दि पाहठी खुशी मनेक्तुंई, छना कुचे परमेश्वरे दुह शहरो टोईच़ी एनोह न्याय चरच़तो, दुह बुराईयो थल्जी अंऊ दोई केतंङ साते लहसी ततो।”

प्रकाशित वाक्य 18:23

दोऊ रात हंयार शोतो, देर तचेक कि इच्च़ा संजवो छंङी ला माह शोतो। दोर्तिंङ ब्याहू ए ब्याहुत्री खुशी ओ सग माह शोतो। दि झांह शोतो छना कुचे दोऊ व्यापारी ज़ि, अंऊ धरतीऊ टोईच़ी भत्ते बे मोह्ड़े तोईरे, एनोह जादू रें भत्ते देशा बि धोखा रेंईर।

प्रकाशित वाक्य 18:9

“दंङ भत्ते धरतीऊ रज्ज़ा अंऊ दोच़ी दोरंङ साते कुकम लहरिर, अपेहल दोरे शहरो रोहषीरंङ टूह बि खमोर, दंङ दोरे दोऊ थल्जी क्रपोर दंङ शोक लोहर।”