प्रकाशित वाक्य 17:9 - लाहौली बाइबिल

⁹ दि चिन्ह समझेक्सिमी थल्जी ज्ञानो ज़रूरत तोह। घ्वंणो निह्ज पुंज़ा दुह शहरो निह्ज गोह बि कंड्रातोर अंऊर दि मेच़िमी राज लहज़ा। दोच़ी निह्ज रज्ज़ा ला दर्शाएच़ा।

प्रकाशित वाक्य 17:9 Iomraidhean Croise

मत्ती 13:11

दोई जुबाब रेंई, “केतिंङ परमेश्वरो स्वर्गो राजओ पाहठी समझ रांहषी तोह, पर दोतिंङ माहतोर।

मत्ती 24:15

दिऊ थल्जी अपेहल केहच़ी दुह उजाड़के अशुद्ध चीज़ो अतु पाहठी दानियेल भविष्यवक्ताए कुहषी तहरे, पवित्र ठाहरीरिंङ खड़े शुहचे खमोंई (अच़ि पढ़ेकपोंई, दोच़ी समझेक्पोंई।)

प्रकाशित वाक्य 13:1

गेह अई इच्च़ा घ्वंण बि समुंद्रो दोरच़ी हुंज़ी खंईगा, अतु साह डे ए निह्ज पुन्ज़ा तोईरे। दंङ दोऊ हर डे रिंङ परमेश्वरो मिन च़ेहसी तोहई अतु इस्तेमाल लहज़िमी दोबि छल्ले अधिकार माह तोहई।

प्रकाशित वाक्य 13:18

दि चिन्ह समझेक्सिमी थल्जी ज्ञानो ज़रूरत तोह। पर अपि ज्ञान तोह, दंङ दि पता लगाके च़रपोतो कि दि घ्वंणो अक्षरो मतलब छि शुह। छना कुचे दि इच्च़ा मीहू मिन शुह। दि गिनतीऊ मिन त्रुई राह टोहकठे षुमु निज़ो त्रुई तोह।

प्रकाशित वाक्य 17:3

आत्माओ मदते, स्वर्गदूत गिह्बी सुनसान ठहरि रैंज़ा शिली, दंङ गेह दोर्तिंङ इच्च़ा मेच़िमी बि तंङरिगा अंऊ इच्च़ा घ्वंणो टोईच़ी सवार तोहई अंऊ षेह्ई रंगो तोहई। दोऊ निह्ज पुंज़ा ए साह डे तोईरे। दोऊ फुक दुह मिन रें कपषा इलजी तोहई अंऊ दोच़ी परमेश्वरो निन्दा लहज़ातेर।

प्रकाशित वाक्य 17:7

दुह स्वर्गदूते गिऊ हखा कुई, “कनिंङ हेरानी छारिंङ शुई? गेह दि मेच़िमी, दंङ दुह घ्वंण, अंऊ दोऊ टोईच़ी दुह सवार तोह, दंङ अतु निह्ज पुंज़ा ए सा डे तोतोर, कनिंङ भेद कंड्रातग।”