प्रकाशित वाक्य 17:8 - लाहौली बाइबिल

⁸ दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।

प्रकाशित वाक्य 17:8 Iomraidhean Croise

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

लूको 10:20

पर दिरंङ खुश था शुई कि मांजी आत्मारे केहतु हुकुम मनेक्च़ातेर, पर दिरंङ खुश शुई कि केहतु मिन स्वर्गंङ च़ेहसी तोद।”

लूको 8:31

दोच़ी बिनती लहरीर कि, “ञेंतिंङ नरकंङ थाह चर्तु।”

यहून्नो 17:24

हे पिता परमेश्वर, गेह जुंज़ातग कि अरी केई गिह्बी रांहषी तातन, अंऊर गेह तोतोग दोर्तिंङ दोरेला गेरंङ साते शुबी जूंस, कि दोरे गिऊ दुह महिमा खमोर अंऊ केई गिह्बी रांहषी तातन, छना कुचे केई संसारो शुरुवातो तुईबे गेरंङ साते दाह लहरिन।

प्रेरित 15:18

गेह घेंङौ मीहतु मदत लहरिगा कि दोरे महसे तुहई ए दि गप्पा ए ञेंई तरपोर।

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

प्रकाशित वाक्य 11:7

अपेहल झुह्ट गवाह परमेश्वरो खबरो प्रचार लेह केओर, दंङ दुह मदम घ्वंण अंऊ अधोलोकंङ ज़ि हुंचोतो, दू, दुह झुल्ला मीहतंङ साते तेंङपोतो, दोतिंङ याहरषे च़रपोतो दंङ सच़ी च़रपोतो।

प्रकाशित वाक्य 17:11

अंऊ घ्वंणो तुहई तोहई, दंङ एंतेग माह, दुह एनाह ए आठवां रज्ज़ा शुह; पर दुह आठवां रज्ज़ा तुहई कि निह्ज रज्ज़ा तु बिचंङ इच्च़ा तोह। दंङ थल मुखंङ दुह रज्ज़ा बि पक्‍का रूपारिंङ हमेशा ओ थल्जी सज़ा खोकसोतो।

प्रकाशित वाक्य 17:2

“अंऊ दोरंङ साते धरतीऊ रज्ज़ा ज़ि कुकम लहसी तरेर, दंङ धरती रंङ बंङज़ा दोरे दोऊ कुकमो सरो नशा रिंङ धुत शुचि इलजी तोईरे।”

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 20:12

दंङ गेह सिए मीहतिंङ दुह सिंहासनो तुईज़ी तंङरिगा, मतलब दोतिंङ अंऊ खास ए आम मीहरे तोतोर। दोरे मीहरे अंऊ समुंद्र डुमज़े सिए इलजी तोईरे, दंङ क्रबो भत्ते सिए मीहरे, दंङ दोरे मीहरे अंऊ सिए दोतु ठहरि तोईरे, दोरे भत्ते दुह सिंहासनो तुईज़ी खड़े शुहचे इलिर। दंङ कताबर अलसा इलि, अंऊर जीवनो कताब ला शामिल तोह। दंङ कताबा रिंङ च़ेहसी गप्पो हिसाबे दोतु फेंसला शुहचे इलि, दोऊ हिसाबे अंऊ दोच़ी लहसी तरेर। दुह भत्ते तु दोतु कमो हिसाबे फेंसला शुई।

प्रकाशित वाक्य 3:10

केई गिऊ खबरो भाषे लहज़ातन ताकि अपेहल केई दुख उठाएपोन दंङ दुह धीरज़ा रंङ साते सहन लेह तरपोन। झांह लेह, गेह मोह्ड़े परीक्षा ओ मुक्का कांह रक्षा लेह तरपोग। परीक्षा ओ दि मुक्का दि संसारो भत्ते मीहतु टोईच़ी अपतो।

प्रकाशित वाक्य 3:5

अंऊ मीहरे द्रक्शे यवातोर, दोरे ला दितु ठ्रोह छंङसी खमज़ेर लेह्पोतो। गेह दुह मीहू मिन दुह कताबो दोरच़ी माह ट्रिकपोग अंऊ दोर दुह मीहतु मिन च़ेहसी तोह अतु दोर अनंत जीवन तोह। अपेहल ला गेह घेंङौ बाह ए स्वर्गदूता तु तुईज़ी खड़े शोहग अंऊ दोऊ सेवा लहज़ातोर, दंङ गेह घोषणा लोहग कि गेह दि मीहबी ञेंहगा।