प्रकाशित वाक्य 17:3 - लाहौली बाइबिल

³ आत्माओ मदते, स्वर्गदूत गिह्बी सुनसान ठहरि रैंज़ा शिली, दंङ गेह दोर्तिंङ इच्च़ा मेच़िमी बि तंङरिगा अंऊ इच्च़ा घ्वंणो टोईच़ी सवार तोहई अंऊ षेह्ई रंगो तोहई। दोऊ निह्ज पुंज़ा ए साह डे तोईरे। दोऊ फुक दुह मिन रें कपषा इलजी तोहई अंऊ दोच़ी परमेश्वरो निन्दा लहज़ातेर।

प्रकाशित वाक्य 17:3 Iomraidhean Croise

मत्ती 27:28

दंङ दोऊ खमज़े युहप्चे दोबि शेह्ई रंगो बाणा लगाकातोर,

प्रेरित 8:39

अंऊ मुक्का दोरे तीऊ दोरच़ी हुंच़ा अतिर, ता प्रभु ऊ आत्मा फिलिप्पुस बि ध्वांए उठाएच़े रेंज़ा शिली, दंङ हिज़ड़ा ज़ि दुह यच़ाह माह तंङरी, दंङ दुह खुश शुहचे कि परमेश्वरे दुह बचाके च़रति एनोह देशो हखा वापिस अच़ा इलि।

2 थिस्सलुनीकियों 2:4

दुह परमेश्वरो ए दुह भत्ते हप्सी भगवानो ए ऊई ला महस चीज़ा तु विरोध लोहतो अंऊ दोतु मीहच़ी अराधना लहज़ातोर, दंङ दोई एनाबि दुह भत्ते तिंङ बे मोह्ड़े शोतो। देर तचेक कि दुह मदम मीह एनाबि परमेश्वरो मंदिरंङ बंङज़ा एनाबि परमेश्वर शुहबिमी दावा लोहतो।

प्रकाशित वाक्य 1:10

गिह्बी आरामो ध्याड़ारिंङ अईतवारे अंऊ परमेश्वरो ध्याड़ा तोह गेह परमेश्वरो आत्मा च़ि एनोह वशारिंङ लहरी, दंङ गेह घेंङौ थल्जी ऊईतिंङ दि कुट्री रेड्रीगा, अंऊ सुरमेऊ ठ्रोह जोरे संङा सगरंङ साते दि कुट्राते,

प्रकाशित वाक्य 12:14

पर परमेश्वरे दि मेच़िमी बि उकाबो झुह्ट पाख रांई ताकि दुह ठाहरीरिंङ पिचे योतो अंऊ सुनसान ठाहरीरिंङ दोऊ थल्जी तेयार लहसी तोह। दंङ दोर्तिंङ साढ़े षुमु साल तचेक दोऊ देखभाल लहरी ताकि अजगर दोऊ कछंङ तचेक पिपि माह जूंस।

प्रकाशित वाक्य 12:3

दंङ अई इच्च़ा चिन्ह सर्गारिंङ तंङफाते, इच्च़ा मोह्ड़े ओमड्रा तोहई, अंऊ शेतान तोहई। दिऊ निह्ज पुन्ज़ा तोहई दंङ हर इच्च़ा पुन्ज़ो टोईच़ी निह्ज राजमुकुट तोईरे दंङ दोऊ सा डे तोईरे।

प्रकाशित वाक्य 12:6

दंङ दुह मेच़िमी दुह सुनसान ठहरि ओ हखा पोकषे इलि, अंऊर परमेश्वरो तरफे दोऊ थल्जी तेयार लहसी तोहई कि दोर्तिंङ इच्च़ा हज़ार झुह्ट राह षुमु निह्जा ध्याड़ा तचेक टूड्री जूंस।

प्रकाशित वाक्य 17:4

दि मेच़िमी बैंगनी ए शेह्ई खमज़ेर लहज़ा तोहई। दोई एनोह फुक ज़ङों गहना, ए किमती रह्घ ए मुतिका रंङ साते सज़ासी तते। एनोह सुचंङ गुह्ट्र दोई सरा रंङ साते पिंङषी इच्च़ा ज़ङों बट्रडा च़ुमसी तहरे, अंऊ दोऊ नफरत कम ए झखंजी कुकमो पाहठी कंड्राते।

प्रकाशित वाक्य 18:12

दोतु समान महस पाहठी तोहई। दोरिंङ ज़ंङ, मुल, रत्न ए मुतिक तोहई। दोरिंङ बेहतरीन खमज़ेर तोईरे अंऊ मंङे छुह्द, च़मकेकी षेह्ई ए बेंगनी रंगो खमज़ेर बणाषी तोहई। दोरिंङ रूठे वास ज़डे सिङ बणाषी चीज़ारे, हाथीऊ छवा रें बणाषी चीज़ारे ला तोहई, दंङ ऊई ला समान तोहई अंऊ मंङे सिङ या रिओह या नीलमो, या संगमरमरो बणेषी तोहई,

प्रकाशित वाक्य 18:16

“हाय! हाय! दि मोह्ड़े नगर अंऊ मलमल, बेंगनी, षेह्ई रंगो खमज़ेर लहज़ा तोहई, दंङ ज़ंङ, रत्न ए मुतिक रंङ साते सजेगी तोहई”

प्रकाशित वाक्य 21:10

दोहथर परमेश्वरो आत्माज़ि गिह्बी एनोह वशारिंङ लेह च़रति, दंङ स्वर्गदूत गिह्बी इच्च़ा मोह्ड़े ए खेका गोह टोईच़ी रैंज़ा शिली, दंङ पवित्र नगर यरूशलेम बि स्वर्गो दोरच़ी परमेश्वर कछंङ तक्सी कंड्रिरी।

प्रकाशित वाक्य 4:2

ध्वांए परमेश्वरो आत्माज़ि गिह्बी एनोह वशारिंङ लेह च़रति; दंङ “गेह स्वर्गा रिंङ इच्च़ा सिंहासन ए सिंहासनो टोईच़ी अरिया बंङज़ी तंङरिगा।”