प्रकाशित वाक्य 17:17 - लाहौली बाइबिल

^17-18 “दुह मेच़िमी अपि केई खांहषी तरेर, दुह दि मोह्ड़े शहर शुह अंऊ धरतीऊ टोईच़ी भत्ते रज्ज़ा तु टोईच़ी राज लहज़ा। दि चीज़ारे दोरंङ साते शुई, छना कुचे परमेश्वरे एनोह मकसद पूरा लहज़िमी थल्जी दोतु सेहमो निर्देशन लहरी। दिए वहज़ा तोह कि दोच़ी एनोह अधिकार घ्वंणा बि रें च़रतिर कि दोई राज लोहतो, अपेहल तचेक कि दुह भत्ते पूरा माह शोतो अंऊ परमेश्वरे कुहषी ततो।”

प्रकाशित वाक्य 17:17 Iomraidhean Croise

लूको 22:22

गेह मीहू योह सिए योग छना कुचे दि पवित्र शास्त्ररंङ च़ेहसी तोह। दंङ परमेश्वर दुह मीहबी भयानक सज़ा रमतो अच़ि गेह धोखारंङ साते च़ुमज़ि लोहतो।

लूको 22:3

दंङ शेतान यहूदा ओ अंद्रेग अंजा अरी करियोत नगरो तोहई दंङ सनी चेला तु बिचंङज़ि तोहई।

लूको 22:37

छना कुचे गेह केतंङ साते कुट्रातग, कि पवित्रशास्त्रारिंङ गिऊ पाहठी च़ेहसी तोह; दुह अपराधीतंङ साते मिक्सा इलि, “छना कुचे गिऊ टोईच़ी च़ेहसी गप्पारे पूरे शुहबी ज़रूरी तोह”।

यहून्नो 10:35

अगर दोई दोतिंङ सद कुहतो अतु कछंङ परमेश्वरो बचन पिचाते, दंङ पवित्रशास्त्रो गप्पा हप्सी शुहबी मरच़ि। अपेहल गेह कुट्रातग, “गेह परमेश्वरो योह शुगाह” ता केहरे गिह्बी छिला कुट्रातंई कि, “केई बुराई लहज़ातन।” गेह दुहए शुगाह अच़ि पिता परमेश्वरे शत्‌ह लहतो दंङ गिह्बी संसार रिंङ चरच़तो।

यहून्नो 13:18

गेह केहतु भत्तेतु थल्जी माह कुट्रातग: अतिंङ गेह अंङषी चरच़ातग, दोतिंङ गेह सेहका; पर दिह दिऊ थल्जी शुबी लेहकी तोह कि पवित्रशास्त्रा रिंङ च़ेहसी दुह पुरा शोतो। अच़ि गेरंङ साते बगत ज़ोअतो दोई गिह्बी धोखा रेंई।

यहून्नो 13:2

यीशु ए दोऊ चेलार यग ज़ेह लेहकी तोईरे। शेताने तुहई ए यीशु बि धोखा रंड्रीमी थल्जी शमौन ओ योह यहूदा इस्करियोति ओ सेहमंङ दिह हति, कि यीशु बि च़ुमज़ि लोह।

यहून्नो 19:24

झांह लेह सेनिक ज़ि एनातु बिचंङ बिचार लहरिर, “कि ञेंहच़ी दिऊ खन्नी माह लोहनी, पर चिट्ठ केओन कि दिह अतु शोतो।” दिह दिऊ थल्जी शुई कि अंऊ पवित्रशास्त्रा रिंङ च़ेहसी तोह दुह पूरा शुबी जूंस, “दोच़ी गिऊ खमज़ेर फाए केहरिर दंङ गिऊ धह्कतेकी खमो थल्जी चिट्ठ केहरिर।”

यहून्नो 19:28

दिऊ थल यीशु ज़ि दीह ञेंहए कि धह दोई एनोह भत्ते कम पुरा लेह केहतो, दिऊ थल्जी कि पवित्रशास्त्रा रिंङ च़ेहसी भत्ते गप्पा हेले साबित शुबी जूंस, यीशु ज़ि कुंई, “गिह्बी तीस्कर लेहकी तोह।”

2 कुरिन्थियों 8:16

परमेश्वरो धन्यवाद शुहबी जूंस, अच़ि केहतु थल्जी दू ए खुशी तीतुसो सेहमरिंङ केहच़ी केई, अंऊ चिंद गिह्बी केहतु थल्जी तोहई।

प्रकाशित वाक्य 10:7

दुह मुक्का, अपेहल सातवें स्वर्गदूतो सग रंड्रीमी ध्याड़ा रिंङ, अपेहल दुह तुरही रिंङ फुह लहज़िमी शोतो, दंङ परमेश्वरो दुह रूठे खबरो योजना बि पूरा लोहतो अंऊ दोई दुह भविष्यवक्ता तिंङ कंङाते अंऊ दोऊ सेवा लहज़ातेर पर ऊई मीहतिंङ माह कंड्रीर।

प्रकाशित वाक्य 15:1

अपेहल दुह योह्सा इलि, दंङ गेह सर्गारिंङ इच्च़ा अई इच्च़ा मोह्ड़े चिन्ह तंङरिगा अंऊ कि महस अद्धभुत ए बेह्द अपिमी जोगे तोहई। दोर्तिंङ निह्ज स्वर्गदूत तोईरे अंऊ निह्ज शत्‌ह-शत्‌ह ठ्रोह बीमारी कुरच़ा तोईरे दुह मुसीबत थल मुखो तोह छना कुचे अपेहल दुह योह्सा योतो दोहपल परमेश्वरो रोहष योह्सा योतो।

प्रकाशित वाक्य 17:13

दि भत्ते सा रज्ज़ा तु इच्च़ा ए मकसद तोह, ऐनातु-ऐनातु सामर्थ ए अधिकार दुह घ्वंणबि रें च़रपोर।

प्रकाशित वाक्य 19:9

स्वर्गदूते गिऊ हखा कुई, “दि चेऊ, कि धन्य तोतोर दोरे, अंऊ कुरच़ो ब्याहू बगतारिंङ बुलासी तोतोर।” दंङ दोई गिऊ हखा कुई, “दि बचन परमेश्वरो तरफे तोह, दि भत्ते पक्‍का रूपारिंङ हेले तोह।”

प्रकाशित वाक्य 6:11

दोतु बिचंङ हर इच्च़ा बि छंङसी खमज़ेर रेंई। दंङ परमेश्वरे दोतु हखा कुई, “हेंतेग कि थल्जी आराम लंहि, छना कुचे हेंतेग ला केहतु रेह साथी ए केहतु साथी विशवासी तोतोर अतिंङ केहतु ठ्रोह सच़ी च़रपोर। अपेहल सच़ी केट्रिमी दोतु गिनती पूरे शुहचे योतो, दोहपल ए गेह बदला लेहपोग।”