प्रकाशित वाक्य 17:16 - लाहौली बाइबिल

¹⁶ दुह टेम अपतो अपेहल घ्वंण दुह सा रज्ज़ा तंङ साते अंऊ दोरंङ साते तोतोर, दुह कुकम लहज़ा रंङ साते नफरत लोहतो अंऊ दोऊ टोईच़ी बंङज़ा तोह। दोरे दोऊ टोईच़ी हमला लोहर, दोबि नंङटे लोहर, दोरे दोऊ षाह ज़े च़रपोर, दंङ ऊई दोबि रोचिह केहऊरे।

प्रकाशित वाक्य 17:16 Iomraidhean Croise

प्रकाशित वाक्य 12:3

दंङ अई इच्च़ा चिन्ह सर्गारिंङ तंङफाते, इच्च़ा मोह्ड़े ओमड्रा तोहई, अंऊ शेतान तोहई। दिऊ निह्ज पुन्ज़ा तोहई दंङ हर इच्च़ा पुन्ज़ो टोईच़ी निह्ज राजमुकुट तोईरे दंङ दोऊ सा डे तोईरे।

प्रकाशित वाक्य 16:12

छठवें स्वर्गदूते अंऊ दोऊ कोलीरिंङ तोहई दोबि महानदी फरातो टोईच़ी थोरच़ी केहरी। बेंड़ीऊ ती कारची इलि दंङ झांह लेह पूर्व दिशा ओ रज्ज़ा एनोह सेना रैंज़ा दुह बेंडी ओ नुरेच़ि इबि तरिर।

प्रकाशित वाक्य 17:10

दोतु बिचंङ ङा ता तुहई ए सिए इलजी तोतोर। दितु बिचंङ इच्च़ा हेंतेग रज्ज़ा तोह; दंङ थल मुखंङ दुह हेंतेग तचेक अंज़े माह। पर अपेहल दुह अपतो, दंङ दुह सिर्फ थोड़े टेमो थल्जी राज लोहतो।

प्रकाशित वाक्य 18:19

दोच़ी एनोह दुख कंड्रिमी थल्जी एनोह पुंज़ारिंङ धुह्‌ड़ केईर। दंङ क्रापच़ा ते दंङ हऊषेक्च़ा ते कोहर, “हाय! हाय! दि मोह्ड़े नगर अतु सम्पति दोरच़ी समुंद्रो भत्ते जहाज़ो दोरे साहुकार शुहचे इलिर, थोड़े अरे टेमारिंङ दोई एनोह भत्ते टंगा-ढबाह योह्च़े च़रति।”

प्रकाशित वाक्य 18:8

दोऊ घमण्डो वहज़ा ज़ि दोऊ टोईच़ी मुसीबत अच़ा अपतो, मौत, शोक ए अकाल। दुह मेह रिंङ भस्म शुहचे योतो; छना कुचे प्रभु परमेश्वर शक्तिशाली तोह दंङ दोई दोबि दोषी ठहरासी ततो।

प्रकाशित वाक्य 19:18

“अतंई ए रज्ज़ा रे, सैनिका तु अगुवारे, शक्तिशाली सैनिकारे, रहंङ ए दोतु सवारी तु सिए फुको षाह ज़ैंई। केरे भत्ते पाहठी सिए मीहतु षाह ज़ेई तरपोंई, मतलब, दास ए आज़ाद, मोह्ड़े ए कवचि झुल्लो।”