प्रकाशित वाक्य 17:1 - लाहौली बाइबिल

¹ अंऊ निह्ज स्वर्गदूता तु कछंङ दुह निह्ज कोली तोहई, दोतु बिचंङ इच्चे अंज़े कुई, “देर अता, गेह कनिंङ कमोग कि परमेश्वर छना दुह मोह्ड़े कुकम लहज़ा मेच़िमी बि सज़ा रमतो, अंऊ इच्च़ा झांह ठ्रोह ठाहरीरिंङ बंङज़ा, अंऊर महस बेंडी तोतोर।”

प्रकाशित वाक्य 17:1 Iomraidhean Croise

लूको 24:32

दोकुई एनातु बिचंङ कुड़िर, “अपेहल दुह अमरिंङ हेन्दंङ साते गप्पा लाहते पवित्रशास्त्रो मतलब कंड्राते, दंङ छि हेंदु सेहमरिंङ उम्मीद माह शुहतेआ?”

लूको 9:30

दुह मुका दोहर यहुदी मीहतु झुह्ट भविष्यवक्ता प्रगट शुहचे इलिर अतु मिन मूसा ए एलियाह तोहई दोकु झुल्ला यीशुरंङ साते गप्पा लेहच़ी लेहकी तोईरे।

प्रकाशित वाक्य 1:1

दि कताब दुह गप्पातु पाहठी कंड्रा अंऊ परमेश्वरे यीशु मसीह बि कंङाते। ताकि दुह एनोह परगरा तिंङ दुह गप्पातु पाहठी कंड्री तरपोतो अंऊ युरनाह शोतो। यीशु ज़ि एनोह स्वर्गदूता बि दुह खबर रंङ साते गिऊ कछंङ मतलब एनोह दासबि चेआतो अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 15:1

अपेहल दुह योह्सा इलि, दंङ गेह सर्गारिंङ इच्च़ा अई इच्च़ा मोह्ड़े चिन्ह तंङरिगा अंऊ कि महस अद्धभुत ए बेह्द अपिमी जोगे तोहई। दोर्तिंङ निह्ज स्वर्गदूत तोईरे अंऊ निह्ज शत्‌ह-शत्‌ह ठ्रोह बीमारी कुरच़ा तोईरे दुह मुसीबत थल मुखो तोह छना कुचे अपेहल दुह योह्सा योतो दोहपल परमेश्वरो रोहष योह्सा योतो।

प्रकाशित वाक्य 16:19

बेबीलोनो मोह्ड़े शहरो षुमु खंणी शुहचे इलि, दंङ भत्ते संसारो शहर नष्ट शुहचे इलिर। छना कुचे परमेश्वरे दुह पूरा लहरी अतु दोई बाबेलो मीहतंङ सज़ा ओ वाईदा लहसी तहरे। दिबी परमेश्वरो तरफे कठोर सज़ा रंड्रीमी तहरे। दि झांह ए ठ्रोह शोतो छना दोच़ी ती मेह सरा तुंङसी शोतो, अतिंङ परमेश्वरे एनाबि दुह बट्रडा रिंङ थोरच़ी ततो अंऊ दोऊ रोहष बि कंड्रा।

प्रकाशित वाक्य 18:1

दिऊ थल गेह स्वर्गंङ ज़ि इच्च़ा स्वर्गदूता बि योंखा तक्सी तंङरिगा। दोऊ कछंङ मोह्ड़े अधिकार तोहई दंङ दोऊ मोह्ड़े तेज रंङ भत्ते धरती चमेक्की इलि।

प्रकाशित वाक्य 19:2

दोऊ स्तुति लंहि, छना कुचे दोऊ भत्ते फेंसला ठीक ए सच्चा तोह। दोई दुह कुकम लहज़ार मेच़िमी ऊ फेंसला लहरी छना कुचे दोई संसारो मीहतिंङ पाप लहज़िमी थल्जी उकसाएसी तहरे। परमेश्वरे दोऊ भुगतान लहरी परमेश्वरो दास कुकम लहज़ा ओ दोरच़ी सिए इलिर।”

प्रकाशित वाक्य 19:9

स्वर्गदूते गिऊ हखा कुई, “दि चेऊ, कि धन्य तोतोर दोरे, अंऊ कुरच़ो ब्याहू बगतारिंङ बुलासी तोतोर।” दंङ दोई गिऊ हखा कुई, “दि बचन परमेश्वरो तरफे तोह, दि भत्ते पक्‍का रूपारिंङ हेले तोह।”

प्रकाशित वाक्य 21:15

अंऊ स्वर्गदूत गेरंङ साते गप्पा लहज़ी लेहकी तोहई, दोऊ कछंङ नगर ए दोऊ पेतंङ ए दंङ दोऊ मोह्ड़े भिती ओ नाप लहज़िमी थल्जी इच्च़ा ज़ङों गज तोहई।

प्रकाशित वाक्य 21:9

दोहथर दुह निह्ज स्वर्गदूता ज़ि, अंऊ दोच़ी मीहतु जातिऊ बिचंङ निह्ज थल मुक्को मुसीबता रंङ साते पिंङषी निह्ज कोली थोहरच़ते, दोतु बिचंङ ज़ि इदि गिऊ कछंङ अंज़े कुई, गिऊ हखा गप्पा लहरी, दोई कुई, “देर अता, गेह कनिंङ ब्याहुत्री मतलब कुरच़ो मेच़ा कमोग।”

प्रकाशित वाक्य 4:1

दि भत्ते गप्पा खंड्रिमी थल, गेह स्वर्गो इच्च़ा पेतंङ अलसी तंङरिगा। दंङ अरिया गिऊ हखा गप्पा लहज़ी लेहकी तोहई दंङ कुट्रा दुह ए तोहई अतिंङ गेह तुहई ला रेड्रातेग, अतु सग तुरही सगो ठ्रोह तोहई। दंङ दोई गिऊ हखा कुई, “गिऊ कछंङ देर खेका अता: दंङ गेह कनिंङ दुह गप्पा कमोग, अतु दिह गप्पो थल पूरा शुहबी ज़रूरी तोह।”