प्रकाशित वाक्य 16:8 - लाहौली बाइबिल

⁸ चौथा स्वर्गदूते अंऊ दोऊ कोली रिंङ तोहई दोबि ऐके ओ टोईच़ी थोहरच़े च़रति। दंङ ऐके बि ऊई ला महस ट्रोत शुहबिमी हुकुम रेंई झांह लेह मीहरे दोऊ महस ए भयानक ट्रोते रोह्षा इलिर।

प्रकाशित वाक्य 16:8 Iomraidhean Croise

मत्ती 13:6

पर ऐके लेहपिरंङ दोरे रोहष्रा इलिरे, दंङ जड़ मा चुम्ज़ी रंङ साते दुह कर्चे इलि।

लूको 21:25

“एकेरिंङ ए लचंङरिंङ दंङ कर रिंङ निशानी तंङफोर; दंङ धरती रिंङ भत्ते जाति मीहतु टोईच़ी बरदो अपतो। छना कुचे दोरे समुंद्रो छ्वली ए तिऊ चालज़ि बेऐ योर।

प्रेरित 2:20

प्रभु ऊ मोह्ड़े ए महिमामय ध्याड़ा अपिमी बे तुहई ऐके हंयार शुहचे योतो दंङ लचंङ शुहई ऊ ठ्रोह शुहचे योतो।

प्रकाशित वाक्य 14:18

दोहथल अई इच्च़ा स्वर्गदूत अंऊ कि छठवां स्वर्गदूत तोह। दंङ अंऊ वेदी ओ टोईच़ी मेहू दोरच़ी धूप जलाच़िमी ज़िम्मेवारी निभाएच़ा। दोई हाऊष रें दुह स्वर्गदूतो हखा अतु दोर तेज जड़मो तोह, “धरतीऊ टोईच़ी दाखो गुच्छा मिन्ज़े इलजी तोह! दोतिंङ केनोह जड़मो रें ट्रिके च़रतु।”

प्रकाशित वाक्य 6:12

अपेहल कुरच़े छठवीं मुहर युप्ति, दंङ गेह खंईगा कि इच्च़ा मोह्ड़े भुयंल शुई; ऐके ओ रंग तुंगी रोहकी कम्बलो ठ्रोह रोहकी शुहचे इलि दंङ पूरा लचंङ शुहई ओ ठ्रोह षेह्ई शुहचे इलि।

प्रकाशित वाक्य 7:16

“दोरे यह्च़ा योंई ए तिस्करे माह शोर; ऐके दोतिंङ यह्च़ा रोह्षतो माह, दंङ माह ए अंऊ ला च़चे दोतिंङ तंग लोहतो।

प्रकाशित वाक्य 8:12

चौथा स्वर्गदूते तुरहीबि फुह लहरी, दंङ ऐकेऊ इच्च़ा तिहाई हिस्सा, दंङ लच़ंङो इच्च़ा तिहाई, दंङ करज़े तु इच्च़ा तिहाई हिस्सा ओ टोईच़ी मुसीबत अति, दंङ नाश शुहचे इलि, अतु वहज़ा ज़ि निरो इच्च़ा तिहाई हिस्सा हंयार शुहचे इलि दंङ लचंङ ए कर रातो इच्च़ा तिहाई टेम ला चमकेपी माह।

प्रकाशित वाक्य 9:2

दोई दुह अधोलोक (गड्डा) युप्ति, दंङ दुह गड्डा ओ दोरच़ी मोह्ड़े भट्टी ठ्रोह टूह हुंच़िरी, दंङ दुह गड्डा ओ टूह रंङ साते ऐके ए लन्न हंयार शुहचे इलि।