प्रकाशित वाक्य 16:5 - लाहौली बाइबिल

⁵ दंङ गेह दुह स्वर्गदूता बि अतिंङ भत्ते तिऊ टोईच़ी अधिकार तोह, परमेश्वरो हखा दि कुट्री रेड्रीगा, “हे पवित्र परमेश्वर, अंऊ तोह, दंङ अंऊ तोहई, कनिंङ झांह ठ्रोह न्याय लहज़िमी अधिकार तोह।

प्रकाशित वाक्य 16:5 Iomraidhean Croise

यहून्नो 17:25

हे धर्मिक पिता परमेश्वर, संसारो मीहज़ी गेह माह ञेंहरे, पर गेह कांह ञेंहच़ातग दंङ दिह चेलाज़ि ला ञेंह केहतोर कि केईंए गेह च़रसी शुगाह।

रोमियो 2:5

पर केरे ज़िद्दी तोतोंई दंङ झांह लेह केरे पश्चाताप लहज़िमी रंङ साते इंकार लहज़ातंई, झांह लेह परमेश्वर केतिंङ महस खरे सज़ा रमतो। छना कुचे दुह ध्याड़ा अपि लेहकी तोह, अपेहल परमेश्वरे एनोह रोहष कमबोतो दंङ एनोह सच्चा न्याय प्रगट लोहतो।

रोमियो 3:5

झांह लेह अगर हेंदु मदम कम परमेश्वरो धर्मिकता कंड्रा, दंङ ञेंहच़ी छि कुंई? छि दि कि परमेश्वरो रोहष लहज़ी ए, हेंदिंङ सज़ा रंड्री गलत शुह? दिह ता गेह मीहू रीति टोईच़ी कुट्रातग।

प्रकाशित वाक्य 1:4

गेह यूहन्ना, दि डाक केतिंङ निह्ज़ी कलीसिया बि चेहच़ातग अंऊ आसिया प्रदेशारिंङ रिंङ तोह। गेह प्रार्थना लहज़ातग कि परमेश्वर अंऊ तोह, दंङ अंऊ हमेशा बेहच़ी तोहई, दंङ अंऊ अपिमी तोह; दंङ दुह निह्ज़ी आत्माओ तरफे, अंऊ परमेश्वरो सिंहासनो तुईज़ी तोह, केतिंङ मोह्ड़े दाह ए शांति खोकसोतो।

प्रकाशित वाक्य 1:8

प्रभु परमेश्वरे कुट्रा, “गेह अल्फा ए ओमेगा शुगाह, मतलब, शुरूआत ए अंत शुगाह। गेह ए शुगाह अंऊ तोतोग, अंऊ तोईगा, दंङ अंऊ एंतेग अपिमी तोह दंङ सर्वशक्तिमान तोह।”

प्रकाशित वाक्य 11:17

दि कुट्री लेहतिर, “हे सर्वशक्तिमान प्रभु परमेश्वर, अंऊ तोह, दंङ अंऊ तोहई, ञेंहच़ी हेले कनु धन्यवाद लहज़ातंई छना कुचे केई हेंतेग केनोह मोह्ड़े सामर्थ कंड्रातन दंङ हेंतेग केई धरतीऊ टोईच़ी केनोह राज शुरू लेह चरच़ातन।

प्रकाशित वाक्य 16:4

तीसरा स्वर्गदूते अंऊ कोली रिंङ तोहई दोबि बेंडी ए तिऊ सोतो टोईच़ी थोरच़ी केहरी दंङ दोरे शुहई बणेंके इलिर।

प्रकाशित वाक्य 16:7

दंङ गेह यह्च़ा अतिंङ आ वेदी ओ दोरच़ी कुट्री रेड्रीगा, “वोई, हे सर्वशक्तिमान प्रभु परमेश्वर, हेले, मीहू जाति टोईच़ी कांह सज़ा सच्चा ए ठीक तोह।”

प्रकाशित वाक्य 19:2

दोऊ स्तुति लंहि, छना कुचे दोऊ भत्ते फेंसला ठीक ए सच्चा तोह। दोई दुह कुकम लहज़ार मेच़िमी ऊ फेंसला लहरी छना कुचे दोई संसारो मीहतिंङ पाप लहज़िमी थल्जी उकसाएसी तहरे। परमेश्वरे दोऊ भुगतान लहरी परमेश्वरो दास कुकम लहज़ा ओ दोरच़ी सिए इलिर।”

प्रकाशित वाक्य 4:8

दंङ पिला प्राणी तु त्रुई-त्रुई पाखरे तोतोरे, दंङ पाखो पोयंङ टिरा ए टिरा तोतोर; दंङ दोरे रात-दीन नहच़ा मेह दि कुट्रातोर, “पवित्र, पवित्र, पवित्र प्रभु परमेश्वर, सर्वशक्तिमान, अंऊ तोहई, दंङ अंऊ तोह, दंङ अंऊ अपिमी तोह।”

प्रकाशित वाक्य 6:10

दंङ दोच़ी मोह्ड़े सग रंङ हाऊष रें परमेश्वरो हखा कुईरे, “हे पवित्र ए सच्चा प्रभु; काह धरतीऊ टोईच़ी बंङज़ा दुह मदम मीहतिंङ सज़ा रंड्रीमी थल्जी धोंण लम्हें टेम छिल्ले लेहपच़ातन? ञेंहच़ी विनती लहज़ातंई कि केई दुह मीहतु व्यवहारो बदला लेहप्तु अच़ि ञेंरे सच़ी च़रति।”