प्रकाशित वाक्य 16:21 - लाहौली बाइबिल

²¹ दंङ सर्गो दोरच़ी मीहतु टोईच़ी मोह्ड़े-मोह्ड़े ओले दहरिर, अंऊर हर इच्च़ा ओला ओ वजन लगभग निंजो सा (50) किलोग्राम तोहई। दोच़ी परमेश्वरो निन्दा लहरिर छना कुचे दोतिंङ परमेश्वरो दोरच़ी चरच़ि मुसीबतो दोरच़ी महस दुख सहन लहज़ी लेहती।

प्रकाशित वाक्य 16:21 Iomraidhean Croise

प्रकाशित वाक्य 11:19

दंङ परमेश्वरो अंऊ मंदिर स्वर्गारिंङ तोह, दुह अलसा इलि, दंङ दोऊ मंदिरंङ दोऊ वाईदा ओ बक्सा तंङसा इलि, बिजली, सग, गर्जन ए भुयंल शुई, दंङ सर्गंङ ज़ि ओलो मोह्ड़े संदाण शुई।

प्रकाशित वाक्य 16:11

दंङ एनातु टेहषी ए फोल्हो वहज़ा ज़ि स्वर्गो परमेश्वरो बुराई लहरिर; पर दि हालातरिंङ ला दोच़ी पक्‍का रूपारिंङ पश्चाताप माह लहरिर दंङ माह ए दुह मदम कम ब्याड़ा लहरिर अंऊ दोच़ी लहज़ातेर।

प्रकाशित वाक्य 16:9

मीहरे दि महस ट्रोते रोह्षा इलिर, दंङ दोच़ी परमेश्वरो मिन्दु निन्दा लहरिर, छना कुचे दुह ए तोहई, अतु टोईच़ी दुह सज़ा ओ अधिकार तोहई। दोच़ी हेंतेग ला एनोह पापो दोरच़ी पश्चाताप माह लहरिर, दोच़ी हेंतेग ला परमेश्वरो महानता बि ग्रहण माह लहरिर।

प्रकाशित वाक्य 8:7

मुण्डो स्वर्गदूते तुरही फुह लहरी, दंङ ध्वांए शुहई रंङ साते च्वसी मुघ ए मेह धरतीऊ टोईच़ी केहच़ी च़रति। झांह लेह धरतीऊ इच्च़ा तिहाई हिस्सा रोह्षा इलि, दंङ इच्च़ा तिहाई बुटर रोह्षा इलिर, दंङ भत्ते तिंङीं श्रांङ ला रोह्षा इलि।