प्रकाशित वाक्य 16:19 - लाहौली बाइबिल

¹⁹ बेबीलोनो मोह्ड़े शहरो षुमु खंणी शुहचे इलि, दंङ भत्ते संसारो शहर नष्ट शुहचे इलिर। छना कुचे परमेश्वरे दुह पूरा लहरी अतु दोई बाबेलो मीहतंङ सज़ा ओ वाईदा लहसी तहरे। दिबी परमेश्वरो तरफे कठोर सज़ा रंड्रीमी तहरे। दि झांह ए ठ्रोह शोतो छना दोच़ी ती मेह सरा तुंङसी शोतो, अतिंङ परमेश्वरे एनाबि दुह बट्रडा रिंङ थोरच़ी ततो अंऊ दोऊ रोहष बि कंड्रा।

प्रकाशित वाक्य 16:19 Iomraidhean Croise

प्रकाशित वाक्य 11:8

दंङ दोतु लाश दुह मोह्ड़े नगरो बिचंङ केहच़ी केहऊरे, अंऊ आत्मिक पाहठी सदोम ए मिस्त्र कहलाच़ा, अंऊर दोतु प्रभु ला क्रूसो टोईच़ी चढ़ाएसी शुह।

प्रकाशित वाक्य 17:1

अंऊ निह्ज स्वर्गदूता तु कछंङ दुह निह्ज कोली तोहई, दोतु बिचंङ इच्चे अंज़े कुई, “देर अता, गेह कनिंङ कमोग कि परमेश्वर छना दुह मोह्ड़े कुकम लहज़ा मेच़िमी बि सज़ा रमतो, अंऊ इच्च़ा झांह ठ्रोह ठाहरीरिंङ बंङज़ा, अंऊर महस बेंडी तोतोर।”

प्रकाशित वाक्य 17:5

दोऊ फ्याह ओ टोईच़ी इच्च़ा शीर्षक च़ेहसी तोहई अंऊ गुप्त तोहई। दोर्तिंङ दि च़ेहसी तोहई: मोह्ड़े शहर बेबीलोन, कुकम लहज़ाड़ो तु तरफे संसारो भत्ते मदम चीज़ा तु याह शुह।

प्रकाशित वाक्य 18:10

दंङ दोऊ टेहषी ओ बेह्द रंङ साते शुहचे ते ऊईतार खड़े शुहचे कोहर, हे मोह्ड़े नगर, बेबीलोन! हे पक्‍का नगर, केहतु टोईच़ी हाय! हाय! “थोड़े अरे टेमारिंङ परमेश्वरे कनिंङ नाश लेह च़रति।”

प्रकाशित वाक्य 18:2

दोई जोरे सग रंङ साते कुई, “बेबीलोनो दुह खास शहर एंतेग यहरच़ा इलज़ा।” छना कुचे दि बाबेल शहरो भत्ते राज्य तु मीहतिंङ दुह सरा तुंङमी रांहषी ततो अंऊ दोऊ मुर्ति ओ पूजा शुह। भत्ते धरतीऊ रज्ज़ा दोरंङ साते दोऊ मदम कमारिंङ शामिल शुहचे इलजी तोतोर। दुह मेच़िमी ओ किमती-किमती चीज़ा तु हिटी ओ वहज़ा ज़ि धरतीऊ व्यापारी साहुकार शुहचे इलजी तोतोर। पर परमेश्वर दि अशुद्ध ए कुकम लहज़ा मेच़िमी बि सच़ी च़रपोतो। तोग भत्ते पाहठी मांजी आत्मा दोर बंङज़िमी थल्जी अच़ा योर दंङ दि मदम ए झखंजी प्यारेतु घोंसला बणाएच़िमी ठहरि बणेंके योतो।

प्रकाशित वाक्य 18:21

दंङ इच्च़ा शक्तिशाली स्वर्गदूते मोह्ड़े चक्कीऊ पटोह ठ्रोह इच्च़ा रह्घ उठाईति, दंङ कुह्चे ते समुंद्रा छंङी च़रति, “छना ठ्रोह दि रह्घ समुंद्रंङ छङें चरच़ि, दंङ दुह यह्च़ा माह खोकसा, ध्वांए ठ्रोह मोह्ड़े शहर बेबीलोन ला इच्च़ा ए फेरा नष्ट शुहचे योतो, दि यह्च़ा दोबारा माह बणेषतो।”

प्रकाशित वाक्य 18:5

छना कुचे दोतु पाप महस मोह्ड़े तोह, अतु ढेर सर्ग तचेक पिचे तोह। दंङ हेंतेग परमेश्वर दोतु भत्ते पापो थल्जी भुगतानो मांग लोहतो।