प्रकाशित वाक्य 16:15 - लाहौली बाइबिल

^15-16 मांजी आत्माज़ि अधिकारी तिंङ ए दोतु सेना बि दुह ठहरि ठ्रोहका लहरिर अतिंङ इब्रानी भाषारिंङ हर मगिदोन ला कुट्री। दिऊ थल्जी प्रभु यीशु ज़ि कुहषी ततो, “दि गप्पा रेड्रुंई। गिऊ अपि चोर अपिमी ठ्रोह अचानक शोतो। धन्य तोह दुह मीह अंऊ गिऊ अपिमी मुक्का चेहके बंङज़तो, दंङ एनोह खमज़ेर तेयार तोहतो। दोहथर दोरे नंङटे माह शोर दंङ छिल्ला दोतिंङ शर्मिन्दा माह लोहतो चाहे दोरे धकते महस मीहतु बिचंङ ला योर।”

प्रकाशित वाक्य 16:15 Iomraidhean Croise

मत्ती 25:13

दिऊ थल्जी चेहके तोंई, छना कुंई साते ता केहच़ी गिऊ वापिस अपिमी ध्याड़ा माह ञेंहई, माह दुह टेम अपेहल अपतो।

मत्ती 26:41

चेहकी ए प्रार्थना लहज़ा लोहनी कि केहच़ी परीक्षा रिंङ पड़ेक्ची मेहस। कनु सेहम ता तेयार तोत, पर शरीर कमज़ोर तोह।”

मरकुसो 14:38

चेहकी ए प्रार्थना लहज़ा लोहनी कि केहच़ी परीक्षा रिंङ पड़ेक्ची मेहस। कनु सेहम ता तेयार तोत, पर शरीर कमज़ोर तोह।”

लूको 21:36

दिऊ थल्जी चेहके तोहई दंङ हमेशा प्रार्थना लोहवा लांई कि केरे दिह अंजा मुसीबतो दोरच़ी बचेक्पी गेह मीहू योहू तुईज़ी खड़े शुहबिमी जोहगे शुई।”

प्रेरित 20:31

हिद तंही कि निरा ए राता रिंङ षुमु साल तचेक लगातार केतिंङ गेह दुह खबर घड़ी-घड़ी सिखाएकातग, दंङ केतिंङ टिरारिंङ मिक्ति बहाके केतिंङ खबरदार लहरिगा कि ऊई अंऊला खबरो टोईच़ी विशवास थालंही।

2 कुरिन्थियों 5:3

अपेहल हेंदिंङ दू स्वर्गीय फुक खोकसोतो, हेनर दू फुक मेह बंङज़ी मरपोंई।

1 थिस्सलुनीकियों 5:4

पर हे गिऊ प्यारे साथी विशवासी रे, केहरे ता हंञारारंङ माह तोंई, कि प्रभु अपिमी ध्याड़ा केहतु टोहकठे चोरो ठ्रोह अचानक अच़ा अपतो।

1 थिस्सलुनीकियों 5:6

झांह लेह हेनर अविशवासी ठ्रोह इमरिंङ माह बंङज़ी मेस, पर चेहके ए खबरदार बंङज़ुंई।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

2 पतरस 3:10

पर मसीह हेले रिंङ वापिस अपतो। दुह अचानक ए अपतो, छना अरिया चोर अचानक ए अच़ा आपत। दुह मुक्का सर्गंङ गड़गड़ो सग शोतो, दंङ सर्ग ब्याके शुहचे योतो। सर्गा रिंङ भत्ते धिर मतलब ऐके, लचंङ ए कर रोह्षा योर। दुह मुक्का परमेश्वर दुह भत्ते कम प्रगट लेह च़रपोतो अंऊ मीहच़ी लहसी तातोर ताकि दोतु न्याय लेह तरपोतो।

प्रकाशित वाक्य 22:7

“दंङ खंणु, गेह युरनाह अपिमी तोतोग; धन्य तोह दुह, अंऊ दि कताबंङ च़ेहसी भविष्यवाणी ओ गप्पा मनेक्च़ा।”

प्रकाशित वाक्य 3:11

गेह युरनाह अपिमी तोतोग, झांह लेह, कनिंङ गिऊ टोईच़ी पक्‍का विशवास लेह जारी तहच़ि जूंशी तोह, ताकि अरिला कनिंङ कांह जीतो ईनाम अंऊ इच्च़ा मुकुटो ठ्रोह तोह खोकच़िमी रूकावट लेह माह जूंस।

प्रकाशित वाक्य 3:18

झांह लेह गेह कनिंङ खबरदार लहज़ातग कि कनिंङ गिऊ दोरच़ी रूठे ज़ंङ च़ुमसी लेह्पोतो ताकि काह हेले रिंङ साहुकार बणेंके तरपोन। कनिंङ गिऊ दोरच़ी लेहच़िमी थल्जी छंङसी खमज़ेर ला च़ुमज़ि जूंशी तोह ताकि कनु फुक कपषा बंङज़तो दंङ काह शर्मिन्दा शुहबी मेस। दंङ कनिंङ केनोह टिरो इलाज लहज़िमी थल्जी गिऊ दोरच़ी अव्षत ला च़ुमज़ि जूंशी तोह ताकि केई खंड्री तरपोन।