प्रकाशित वाक्य 16:11 - लाहौली बाइबिल

¹¹ दंङ एनातु टेहषी ए फोल्हो वहज़ा ज़ि स्वर्गो परमेश्वरो बुराई लहरिर; पर दि हालातरिंङ ला दोच़ी पक्‍का रूपारिंङ पश्चाताप माह लहरिर दंङ माह ए दुह मदम कम ब्याड़ा लहरिर अंऊ दोच़ी लहज़ातेर।

प्रकाशित वाक्य 16:11 Iomraidhean Croise

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

प्रकाशित वाक्य 11:13

दंङ दुह ए मुक्का यरूशलेम शहरा रिंङ इच्च़ा मोह्ड़े भुयंल इलि, दंङ शहरो इमारतो दसवां हिस्सा द्चिह इलि; दंङ दुह भुयंलरिङ निह्ज हज़ार मीहरे सिए इलिर, दंङ अंऊ मीहरे बचेकी इलिर, दोरे वेवा ते क्रपि लेहतिर दंङ दुह मोह्ड़े परमेश्वरो महिमा लहज़ी लेहतिर अंऊ सर्गंङ तोहई।

प्रकाशित वाक्य 16:2

दिऊ थल्जी पहला स्वर्गदूते अंऊ कोलीरिंङ तोहई दोबि धरतीऊ टोईच़ी फुचंङ लेह च़रति। अंऊ दोऊ कोलीरिंङ तोहई। दंङ दुह मीहतिंङ अंऊ दोतु टोईच़ी घ्वंणो छाप तोहई या अंऊ दोच़ी दोऊ मुर्ति ऊ पूजा लहज़ातेर, दुह मीहतु टोईच़ी टेहषी ए बेह्द अंज़े फोह्ल हुंच़िरी।

प्रकाशित वाक्य 16:21

दंङ सर्गो दोरच़ी मीहतु टोईच़ी मोह्ड़े-मोह्ड़े ओले दहरिर, अंऊर हर इच्च़ा ओला ओ वजन लगभग निंजो सा (50) किलोग्राम तोहई। दोच़ी परमेश्वरो निन्दा लहरिर छना कुचे दोतिंङ परमेश्वरो दोरच़ी चरच़ि मुसीबतो दोरच़ी महस दुख सहन लहज़ी लेहती।

प्रकाशित वाक्य 16:9

मीहरे दि महस ट्रोते रोह्षा इलिर, दंङ दोच़ी परमेश्वरो मिन्दु निन्दा लहरिर, छना कुचे दुह ए तोहई, अतु टोईच़ी दुह सज़ा ओ अधिकार तोहई। दोच़ी हेंतेग ला एनोह पापो दोरच़ी पश्चाताप माह लहरिर, दोच़ी हेंतेग ला परमेश्वरो महानता बि ग्रहण माह लहरिर।

प्रकाशित वाक्य 2:21

गेह दोबि दोऊ पापो दोरच़ी पश्चाताप लहज़िमी मौका रेंईगा, पर दोई दुह कुकम ब्याड़ा लहज़िमी रंङ साते इंकार लहज़ा।