प्रकाशित वाक्य 16:1 - लाहौली बाइबिल

¹ दोऊ थल गेह मंदिरो दोरच़ी इच्च़ा तेज सग बि निह्ज स्वर्गदूता तंङ साते दि कुट्री रेड्रीगा, “इलांई धरतीऊ मीहतु टोईच़ी परमेश्वरो तरफे दि सज़ा रें च़रतुंई अंऊ दि निह्ज कोली रिंङ तोह।”

प्रकाशित वाक्य 16:1 Iomraidhean Croise

प्रकाशित वाक्य 11:19

दंङ परमेश्वरो अंऊ मंदिर स्वर्गारिंङ तोह, दुह अलसा इलि, दंङ दोऊ मंदिरंङ दोऊ वाईदा ओ बक्सा तंङसा इलि, बिजली, सग, गर्जन ए भुयंल शुई, दंङ सर्गंङ ज़ि ओलो मोह्ड़े संदाण शुई।

प्रकाशित वाक्य 14:15

दोहपल अई इच्च़ा स्वर्गदूत अंऊ कि चौथा स्वर्गदूत तोह परमेश्वरो खबर रैंज़ा स्वर्गो मंदिरो धकतेखा अति। दोई डुह टोईच़ी बंङज़ा मीहू हखा जोर रें कुई, “धरतीऊ फसल मिन्ज़ी इलजी तोह। फसलो ट्रिकट्रिमी टेम पिचे इलजी तोह। झांह लेह केनोह जड़मो चलाएतु दंङ फसल वलदु।”

प्रकाशित वाक्य 14:18

दोहथल अई इच्च़ा स्वर्गदूत अंऊ कि छठवां स्वर्गदूत तोह। दंङ अंऊ वेदी ओ टोईच़ी मेहू दोरच़ी धूप जलाच़िमी ज़िम्मेवारी निभाएच़ा। दोई हाऊष रें दुह स्वर्गदूतो हखा अतु दोर तेज जड़मो तोह, “धरतीऊ टोईच़ी दाखो गुच्छा मिन्ज़े इलजी तोह! दोतिंङ केनोह जड़मो रें ट्रिके च़रतु।”

प्रकाशित वाक्य 15:1

अपेहल दुह योह्सा इलि, दंङ गेह सर्गारिंङ इच्च़ा अई इच्च़ा मोह्ड़े चिन्ह तंङरिगा अंऊ कि महस अद्धभुत ए बेह्द अपिमी जोगे तोहई। दोर्तिंङ निह्ज स्वर्गदूत तोईरे अंऊ निह्ज शत्‌ह-शत्‌ह ठ्रोह बीमारी कुरच़ा तोईरे दुह मुसीबत थल मुखो तोह छना कुचे अपेहल दुह योह्सा योतो दोहपल परमेश्वरो रोहष योह्सा योतो।

प्रकाशित वाक्य 16:17

सातवें स्वर्गदूते अंऊ दोऊ कोली रिंङ तोहई दोबि लन्न दि थोरच़ी च़रति, दंङ गेह स्वर्गो मंदिरो अंदरेग च़ि परमेश्वरो सिंहासनो दोरच़ी अतिंङ आ जोरे कुट्री रेड्रीगा, “पूरा शुहचे इलि!”