प्रकाशित वाक्य 15:6 - लाहौली बाइबिल

^6-7 दंङ निह्ज स्वर्गदूत अंऊ दोतिंङ थल मुखो निह्ज मुसीबत शिलज़ी तोहई, दुह मंदिरो धकतेखा हुंच़िर। दोरे चमकदार छंङसे खमज़ेर लहज़ा तोईरे दंङ दोतु काह ओ पिला हासी ज़ङों पट्टी ला तोहई। दंङ पि श्रींङी प्राणी तु बिचंङ इच्चे हर इच्च़ा स्वर्गदूता बि अंऊ परमेश्वरो तरफे हमेशा श्रींङे तोह, भयानक सज़ा ओ दोरच़ी पिंङषा इच्च़ा-इच्च़ा ज़ङों कोली रांई।

प्रकाशित वाक्य 15:6 Iomraidhean Croise

लूको 24:4

दंङ दोरे दिह गप्पा ज़ि ठट् शुहचे इलिर, दंङ खांई, झुह्ट गंङमीहरे छंङी खमज़े लहज़ा दोतु तुईज़ी अंज़े खड़े शुईरे।

प्रकाशित वाक्य 1:13

दंङ दुह संजवा तु बिचंङ इच्च़ा मीह खंणीर, अंऊ इच्च़ा गंङमी ओ ठ्रोह तंङफाते, दोई इच्च़ा बागा इच्च़ा लम्हें धकते कि खमज़ेर लेहसी अंऊ दोऊ कोंज़ो ओ कछंङ तचेक तोहई, दंङ एनोह काह् रिंङ छंङसी रंगो कमरबन्द छ़ुह्च़ी तहरे।

प्रकाशित वाक्य 14:15

दोहपल अई इच्च़ा स्वर्गदूत अंऊ कि चौथा स्वर्गदूत तोह परमेश्वरो खबर रैंज़ा स्वर्गो मंदिरो धकतेखा अति। दोई डुह टोईच़ी बंङज़ा मीहू हखा जोर रें कुई, “धरतीऊ फसल मिन्ज़ी इलजी तोह। फसलो ट्रिकट्रिमी टेम पिचे इलजी तोह। झांह लेह केनोह जड़मो चलाएतु दंङ फसल वलदु।”

प्रकाशित वाक्य 14:17

दोहथल अई इच्च़ा स्वर्गदूत दुह मंदिरो दोरच़ी हुंच़िरी, अंऊ स्वर्गारिंङ तोह, दंङ दोऊ कछंङ ला चंज़े जड़मो तोह।

प्रकाशित वाक्य 15:1

अपेहल दुह योह्सा इलि, दंङ गेह सर्गारिंङ इच्च़ा अई इच्च़ा मोह्ड़े चिन्ह तंङरिगा अंऊ कि महस अद्धभुत ए बेह्द अपिमी जोगे तोहई। दोर्तिंङ निह्ज स्वर्गदूत तोईरे अंऊ निह्ज शत्‌ह-शत्‌ह ठ्रोह बीमारी कुरच़ा तोईरे दुह मुसीबत थल मुखो तोह छना कुचे अपेहल दुह योह्सा योतो दोहपल परमेश्वरो रोहष योह्सा योतो।

प्रकाशित वाक्य 19:8

“परमेश्वरे दोबि साफ चमकदार मलमलो खमज़ेर लेहच़िमी थल्जी रें च़रति। मलमल दुह रूठे कमा बि दर्शाएच़ा अंऊ परमेश्वरो मीहच़ी लहज़ातोर।”