प्रकाशित वाक्य 15:4 - लाहौली बाइबिल

⁴ “हे प्रभु, भत्ते मीहतु दोरच़ी कनु आदर शवाह, दंङ दोरे भत्तेर कनु मिन्दु आदर लहज़ातोर, छना कुचे सिर्फ काह ए पवित्र परमेश्वर शुनाह। हर इच्च़ा ठहरि ओ भत्ते मीहरे कनु कछंङ अपतोर, दंङ दोरे कनु अराधना लहज़ातोर छना कुचे कनु धर्मो कम भत्ते तिंङ रूठे रंङ हिद तोतोर।”

प्रकाशित वाक्य 15:4 Iomraidhean Croise

रोमियो 15:9

दंङ ऊई जाति ला परमेश्वरो दया ओ वहज़ा ज़ि परमेश्वरो स्तुति लंहि, छना पवित्रशास्त्र रिंङ च़ेहसी तोह, “झांह लेह गेह ऊईजाति तु तुईज़ी, कांह स्तुति लोहग, दंङ कांह मिन्दु भजन कोहग।”

1 पतरस 1:16

छना कुचे पवित्र शास्त्रारिंङ दि च़ेहसी तोह, कि “केतिंङ पवित्र शुहबी जूंशी तोह छना कुचे गेह पवित्र तोतोग।”

प्रकाशित वाक्य 11:15

अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”

प्रकाशित वाक्य 14:7

दोई मोह्ड़े सग रंङ साते कुई, “परमेश्वरा रंङ साते बैईन, दंङ दोऊ हिसाबे दोऊ महिमा लंहि, छना कुचे हेंतेग दोऊ मीहतु फेंसला लहज़िमी टेम पिचे इलजी तोह। दोऊ अराधना लंहि छना कुचे दुह ए तोह, अच़ि स्वर्ग ए धरती, समुंद्र ए तिऊ झरना ओ रचना लहसी शुह।”

प्रकाशित वाक्य 16:5

दंङ गेह दुह स्वर्गदूता बि अतिंङ भत्ते तिऊ टोईच़ी अधिकार तोह, परमेश्वरो हखा दि कुट्री रेड्रीगा, “हे पवित्र परमेश्वर, अंऊ तोह, दंङ अंऊ तोहई, कनिंङ झांह ठ्रोह न्याय लहज़िमी अधिकार तोह।

प्रकाशित वाक्य 16:7

दंङ गेह यह्च़ा अतिंङ आ वेदी ओ दोरच़ी कुट्री रेड्रीगा, “वोई, हे सर्वशक्तिमान प्रभु परमेश्वर, हेले, मीहू जाति टोईच़ी कांह सज़ा सच्चा ए ठीक तोह।”

प्रकाशित वाक्य 19:2

दोऊ स्तुति लंहि, छना कुचे दोऊ भत्ते फेंसला ठीक ए सच्चा तोह। दोई दुह कुकम लहज़ार मेच़िमी ऊ फेंसला लहरी छना कुचे दोई संसारो मीहतिंङ पाप लहज़िमी थल्जी उकसाएसी तहरे। परमेश्वरे दोऊ भुगतान लहरी परमेश्वरो दास कुकम लहज़ा ओ दोरच़ी सिए इलिर।”

प्रकाशित वाक्य 19:8

“परमेश्वरे दोबि साफ चमकदार मलमलो खमज़ेर लेहच़िमी थल्जी रें च़रति। मलमल दुह रूठे कमा बि दर्शाएच़ा अंऊ परमेश्वरो मीहच़ी लहज़ातोर।”

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,

प्रकाशित वाक्य 4:8

दंङ पिला प्राणी तु त्रुई-त्रुई पाखरे तोतोरे, दंङ पाखो पोयंङ टिरा ए टिरा तोतोर; दंङ दोरे रात-दीन नहच़ा मेह दि कुट्रातोर, “पवित्र, पवित्र, पवित्र प्रभु परमेश्वर, सर्वशक्तिमान, अंऊ तोहई, दंङ अंऊ तोह, दंङ अंऊ अपिमी तोह।”

प्रकाशित वाक्य 6:10

दंङ दोच़ी मोह्ड़े सग रंङ हाऊष रें परमेश्वरो हखा कुईरे, “हे पवित्र ए सच्चा प्रभु; काह धरतीऊ टोईच़ी बंङज़ा दुह मदम मीहतिंङ सज़ा रंड्रीमी थल्जी धोंण लम्हें टेम छिल्ले लेहपच़ातन? ञेंहच़ी विनती लहज़ातंई कि केई दुह मीहतु व्यवहारो बदला लेहप्तु अच़ि ञेंरे सच़ी च़रति।”