प्रकाशित वाक्य 15:3 - लाहौली बाइबिल

³ दोरे इच्च़ा झांह ठ्रोह गीत कुट्री लेहकी तोईरे छना परमेश्वरो दास मूसा ज़ि महस तुहई कुहषी तहरे। दोच़ी यीशु महिमा लहज़िमी थल्जी, अंऊ कि इच्च़ा कुरच़ो ठ्रोह तोह, झांह ठ्रोह कुई: सर्वशक्तिमान प्रभु परमेश्वर, छिल्ला केई लहसी तातन दुह मोह्ड़े ए अद्धभुत तोह। काह भत्ते देशो रज्ज़ा शुनाह, केई छिल्ला लहज़ातन दुह सच्चा ए धर्मी तोह।

प्रकाशित वाक्य 15:3 Iomraidhean Croise

यहून्नो 1:17

दिऊ थल्जी कि कानून ता मूसा ओ दोरच़ी रांहषी शुह, पर परमेश्वरे मोह्ड़े दाह ए सच्चाई यीशु मसीहू दोरच़ी कंङातो।

1 तीमुथियुस 1:17

दंङ हेंतेग अनंतकालो रज्ज़ा अंऊ हमेशा ओ थल्जी श्रींङी तोह अपि अच़िला खांई मरपोर, इच्च़ा ए सच्चा परमेश्वरो आदर ए महिमा युगानयुग शुहवा लोहतो। अमीन।

इब्रानियों 3:5

मूसा ता परमेश्वरो भत्ते घरबारो मीहतु सेवा लहज़िमी थल्जी विशवासो जोगे बंङज़िरी, अंऊ कम मूसा ए लहरी, दू सिर्फ दू गप्पातु सच्चा उदाहरण तोहई अंऊ परमेश्वरे तुंखा ओ थल्जी कोहतो।

प्रकाशित वाक्य 1:8

प्रभु परमेश्वरे कुट्रा, “गेह अल्फा ए ओमेगा शुगाह, मतलब, शुरूआत ए अंत शुगाह। गेह ए शुगाह अंऊ तोतोग, अंऊ तोईगा, दंङ अंऊ एंतेग अपिमी तोह दंङ सर्वशक्तिमान तोह।”

प्रकाशित वाक्य 11:17

दि कुट्री लेहतिर, “हे सर्वशक्तिमान प्रभु परमेश्वर, अंऊ तोह, दंङ अंऊ तोहई, ञेंहच़ी हेले कनु धन्यवाद लहज़ातंई छना कुचे केई हेंतेग केनोह मोह्ड़े सामर्थ कंड्रातन दंङ हेंतेग केई धरतीऊ टोईच़ी केनोह राज शुरू लेह चरच़ातन।

प्रकाशित वाक्य 14:3

इच्चा लाख निंज़ो पी हजार मीहरे 144,000 सिंहासनो तुईज़ी, दंङ पि श्रींङे प्राणीर ए सेंहणा तु तुईज़ी तोईरे; दोच़ी इच्च़ा खरकोई गीत कुट्रातेर, अतिंङ सिर्फ दोच़ी ए सिखेच़ी तरच़ातेर। सिर्फ दोरे अतिंङ परमेश्वरे धरतीऊ टोईच़ी बंङज़ा मीहतु बिचंङ ज़ि छुड़ाके चरच़ाते।

प्रकाशित वाक्य 14:8

दंङ दिऊ थल अई इच्च़ा स्वर्गदूत दि कुट्रा अति, “हेंतेग दि नाश शुहचे इलि। बेबीलोन शहर बुरी तरह नाश शुहचे इलि। दोई भत्ते मीहतु जाति बि एनोह सरो नशा रिंङ धुत लेह च़रति, अंऊ दि कुट्रीमी थल्जी कि दोऊ महसे मदम व्यवहार दि तोह कि दोई भत्ते मीहतु जाति बि दि सिखाएक्तो छना कुचे दोई दोतिंङ मुर्ति तु पूजा लहज़ी सिखाएक्तो।”

प्रकाशित वाक्य 17:14

दोरे कुरच़ो खिलाप लड़ेपोर, पर कुरच़ा दोतिंङ यहरच़े च़रपोतो, छना कुचे दुह प्रभु तु प्रभु ए रज्ज़ा तु रज्ज़ा शुह। कुरच़े एनोह बुलासी दोरे, अंङषी दोरे दंङ विशवासो जोगे साथी तंङ दोतु टोईच़ी द्रक्शे योतो।

प्रकाशित वाक्य 19:16

दंङ दोऊ चोगा ए पुष्टू टोईच़ी दि मिन च़ेहसी तोह: “रज्ज़ा तु रज्ज़ा ए प्रभु तु प्रभु।”

प्रकाशित वाक्य 19:2

दोऊ स्तुति लंहि, छना कुचे दोऊ भत्ते फेंसला ठीक ए सच्चा तोह। दोई दुह कुकम लहज़ार मेच़िमी ऊ फेंसला लहरी छना कुचे दोई संसारो मीहतिंङ पाप लहज़िमी थल्जी उकसाएसी तहरे। परमेश्वरे दोऊ भुगतान लहरी परमेश्वरो दास कुकम लहज़ा ओ दोरच़ी सिए इलिर।”

प्रकाशित वाक्य 4:8

दंङ पिला प्राणी तु त्रुई-त्रुई पाखरे तोतोरे, दंङ पाखो पोयंङ टिरा ए टिरा तोतोर; दंङ दोरे रात-दीन नहच़ा मेह दि कुट्रातोर, “पवित्र, पवित्र, पवित्र प्रभु परमेश्वर, सर्वशक्तिमान, अंऊ तोहई, दंङ अंऊ तोह, दंङ अंऊ अपिमी तोह।”