प्रकाशित वाक्य 15:1 - लाहौली बाइबिल

¹ अपेहल दुह योह्सा इलि, दंङ गेह सर्गारिंङ इच्च़ा अई इच्च़ा मोह्ड़े चिन्ह तंङरिगा अंऊ कि महस अद्धभुत ए बेह्द अपिमी जोगे तोहई। दोर्तिंङ निह्ज स्वर्गदूत तोईरे अंऊ निह्ज शत्‌ह-शत्‌ह ठ्रोह बीमारी कुरच़ा तोईरे दुह मुसीबत थल मुखो तोह छना कुचे अपेहल दुह योह्सा योतो दोहपल परमेश्वरो रोहष योह्सा योतो।

प्रकाशित वाक्य 15:1 Iomraidhean Croise

प्रकाशित वाक्य 10:3

दुह स्वर्गदूते जोरे हाऊष रें कुई दंङ दोऊ सग ब्राघो सगो बराबर तोहई। अपेहल दोई हाऊष रेंई, दंङ निह्ज़ी षुमु सगे दोबि जबाब रेंईर, अंऊ गड़गड़ो सगो ठ्रोह तोहई।

प्रकाशित वाक्य 11:14

दि दूसरी मुसीबतो अंत तोहई; पर तीसरा मुसीबत युरनाह अपिमी तोह।

प्रकाशित वाक्य 14:10

दंङ दुह परमेश्वरो रोहषो बट्रडा केहच़ी अंऊ मिलावट रंङ, दोऊ रोहषो कोली रिंङ केहच़ी च़रति, तुंङमोतो दंङ पवित्र स्वर्गदूतो तुईज़ी कुरच़ो तुईज़ी मेह ए गन्धको टेहषीरिंङ पढ़ेक्पोतो।

प्रकाशित वाक्य 14:19

दोहथर दुह स्वर्गदूते दुह अंगूर ट्रिके च़रति अंऊ धरतीऊ टोईच़ी तोह दंङ दोतिंङ ठ्रोका लहरी। दोई दाखा बि इच्च़ा मोह्ड़े नंदे ऊ अंदरेग केहच़ी च़रति। दिऊ मतलब दि तोह कि परमेश्वर महस भयंकर सज़ा रमोतो।

प्रकाशित वाक्य 16:1

दोऊ थल गेह मंदिरो दोरच़ी इच्च़ा तेज सग बि निह्ज स्वर्गदूता तंङ साते दि कुट्री रेड्रीगा, “इलांई धरतीऊ मीहतु टोईच़ी परमेश्वरो तरफे दि सज़ा रें च़रतुंई अंऊ दि निह्ज कोली रिंङ तोह।”

प्रकाशित वाक्य 17:1

अंऊ निह्ज स्वर्गदूता तु कछंङ दुह निह्ज कोली तोहई, दोतु बिचंङ इच्चे अंज़े कुई, “देर अता, गेह कनिंङ कमोग कि परमेश्वर छना दुह मोह्ड़े कुकम लहज़ा मेच़िमी बि सज़ा रमतो, अंऊ इच्च़ा झांह ठ्रोह ठाहरीरिंङ बंङज़ा, अंऊर महस बेंडी तोतोर।”

प्रकाशित वाक्य 19:15

दोऊ आहच़ि इच्च़ा तेज तलवार हुंच़िरी अंऊ दोरच़ी दोई देश यहरच़े च़रपोतो। अरिला दोऊ अधिकारा बि स्वीकार माह लहज़ा दुह दोतिंङ भत्ते रिति रंङ सज़ा रमतो। दुह सर्वशक्तिमान परमेश्वरो भयंकर प्रकोपा बि ध्वांए केहच़ी च़रपोतो, छना इच्च़ा रसकुण्डो दोरच़ी दाखो रस बहाएक्च़ा।

प्रकाशित वाक्य 21:9

दोहथर दुह निह्ज स्वर्गदूता ज़ि, अंऊ दोच़ी मीहतु जातिऊ बिचंङ निह्ज थल मुक्को मुसीबता रंङ साते पिंङषी निह्ज कोली थोहरच़ते, दोतु बिचंङ ज़ि इदि गिऊ कछंङ अंज़े कुई, गिऊ हखा गप्पा लहरी, दोई कुई, “देर अता, गेह कनिंङ ब्याहुत्री मतलब कुरच़ो मेच़ा कमोग।”

प्रकाशित वाक्य 8:13

अपेहल गेह यह्च़ा खंईगा, दंङ गेह इच्च़ा उकाब बि सर्गा रिंङ फंज़ि ए जोरे सग रंङ साते दि कुट्री रेड्रीगा, “दुह मदम मीहतु टोईच़ी मुसीबत अपतो अंऊ धरतीऊ टोईच़ी बंङज़ातोर, छना कुचे अपेहल थल मुक्को षुमु ला स्वर्गदूत एनोह तुरही रिंङ फुह लोहर, दोहपल षुम मुसीबत ऊई शोतो अंऊ दोतिंङ सच़ी च़रपोतो। धरतीऊ टोईच़ी बंङज़ा दोतु टोईच़ी, हाय, हाय, हाय!”

प्रकाशित वाक्य 8:2

दंङ गेह दुह निह्ज़ी स्वर्गदूता तिंङ दोहथर निह्जो स्वर्गदूतार परमेश्वरो तुईज़ी खड़े बंङज़ातोर, खंईरे, दंङ दोतिंङ षुमु तुरही रें च़रतिर।

प्रकाशित वाक्य 8:6

दोहपल दुह निह्ज स्वर्गदूत अंऊ दोतु कछंङ तुरही तोहई, फुह लहज़िमी थल्जी तेयार शुहचे इलिर।

प्रकाशित वाक्य 9:20

पर ऊई मीहरे अंऊ दुह मुसीबत बे तुहई सच़ी माहतिर, दोच़ी हेंतेग ला एनोह मदम कमो दोरच़ी पश्चाताप माह लहरिर। दोच़ी हत्या लहज़ी, जादू टोना, कुकम ए चोरी लहज़िमी दोरच़ी पश्चाताप माह लहरिर। दोच़ी मांजी आत्माओ ए एनोह गुह्ट्र बणाएषी दोऊ पूजा लहज़ी माह छोड़ेक्तिर, छना कि ज़ंङ या मुल या रह्घ या सिङों बणाषी मुर्ति। दोरे मुर्ति, माह दोरे खंड्रातोर, माह रेड्रातोर, दंङ माह ए जोज़ातोर।