प्रकाशित वाक्य 14:7 - लाहौली बाइबिल

⁷ दोई मोह्ड़े सग रंङ साते कुई, “परमेश्वरा रंङ साते बैईन, दंङ दोऊ हिसाबे दोऊ महिमा लंहि, छना कुचे हेंतेग दोऊ मीहतु फेंसला लहज़िमी टेम पिचे इलजी तोह। दोऊ अराधना लंहि छना कुचे दुह ए तोह, अच़ि स्वर्ग ए धरती, समुंद्र ए तिऊ झरना ओ रचना लहसी शुह।”

प्रकाशित वाक्य 14:7 Iomraidhean Croise

मत्ती 25:13

दिऊ थल्जी चेहके तोंई, छना कुंई साते ता केहच़ी गिऊ वापिस अपिमी ध्याड़ा माह ञेंहई, माह दुह टेम अपेहल अपतो।

लूको 17:18

छि परमेश्वरो तारीफ लहज़िमी थल्जी इच्च़ा ए गैर यहुदी अंजा?

प्रेरित 14:15

“हे मीहरे, केहरे छि लहज़ी लेहकी तोतोन? ञेंहरे ला केहतु ठ्रोह दुख सुख सहन लहज़ा मीहरे शुई, दंङ केतिंङ रूठे खबर सुनाचातोनि, कि केहरे दिह फालतु चीज़ा तु दोरच़ी शत्‌ह शुहचे श्रींङी परमेश्वरो हखा अतंई, अंऊ दोई स्वर्ग, धरती, समुन्द्र दंङ छिला धिर दोर्तिंङ तोह दुह बणाएती।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

प्रकाशित वाक्य 11:13

दंङ दुह ए मुक्का यरूशलेम शहरा रिंङ इच्च़ा मोह्ड़े भुयंल इलि, दंङ शहरो इमारतो दसवां हिस्सा द्चिह इलि; दंङ दुह भुयंलरिङ निह्ज हज़ार मीहरे सिए इलिर, दंङ अंऊ मीहरे बचेकी इलिर, दोरे वेवा ते क्रपि लेहतिर दंङ दुह मोह्ड़े परमेश्वरो महिमा लहज़ी लेहतिर अंऊ सर्गंङ तोहई।

प्रकाशित वाक्य 11:18

ऊई जाति ज़ि रोहष लहरिर, छना कुचे हेंतेग दुह ध्याड़ा पिचे इलजे तोहई कि कनु रोहष दोतु टोईच़ी अपतो, दंङ दुह ध्याड़ा कि काह सिए दोतु फेंसला लोहन हेंतेग दुह टेम ला तोह अपेहल काह दुह भविष्यवक्ता तिंङ ईनाम रमोंन अंऊ कनु सेवा लहज़ातोर दंङ दुह भत्ते मीहतिंङ अंऊ कनु आदर लहज़ातोर, दंङ दोतिंङ अंऊ दोरे खास तोतोर दंङ अंऊ दोरे खास माह तोहर, अपेहल कि काह दोतिंङ दुह ए मुक्का नाश लेह च़रपोन अच़ि धरतीऊ टोईच़ी नाश लहज़ातोर।”

प्रकाशित वाक्य 15:4

“हे प्रभु, भत्ते मीहतु दोरच़ी कनु आदर शवाह, दंङ दोरे भत्तेर कनु मिन्दु आदर लहज़ातोर, छना कुचे सिर्फ काह ए पवित्र परमेश्वर शुनाह। हर इच्च़ा ठहरि ओ भत्ते मीहरे कनु कछंङ अपतोर, दंङ दोरे कनु अराधना लहज़ातोर छना कुचे कनु धर्मो कम भत्ते तिंङ रूठे रंङ हिद तोतोर।”

प्रकाशित वाक्य 16:9

मीहरे दि महस ट्रोते रोह्षा इलिर, दंङ दोच़ी परमेश्वरो मिन्दु निन्दा लहरिर, छना कुचे दुह ए तोहई, अतु टोईच़ी दुह सज़ा ओ अधिकार तोहई। दोच़ी हेंतेग ला एनोह पापो दोरच़ी पश्चाताप माह लहरिर, दोच़ी हेंतेग ला परमेश्वरो महानता बि ग्रहण माह लहरिर।

प्रकाशित वाक्य 18:10

दंङ दोऊ टेहषी ओ बेह्द रंङ साते शुहचे ते ऊईतार खड़े शुहचे कोहर, हे मोह्ड़े नगर, बेबीलोन! हे पक्‍का नगर, केहतु टोईच़ी हाय! हाय! “थोड़े अरे टेमारिंङ परमेश्वरे कनिंङ नाश लेह च़रति।”

प्रकाशित वाक्य 18:17

थोड़े ए टेमारिंङ परमेश्वरे दोऊ भत्ते टंगा-ढबाह नाश लेह च़रति। तिऊ जहाज़ो भत्ते कप्तान, दंङ भत्ते यात्री, दंङ जहाज़ा रिंङ कम लहज़ा, दंङ दोरे भत्तेर अंऊ समुंद्रो दोरच़ी एनोह कमाई लहज़ातोर, बाबेल शहरो महस ऊईतार खड़े बंङज़ा खंड्री लेहतिर।

प्रकाशित वाक्य 18:19

दोच़ी एनोह दुख कंड्रिमी थल्जी एनोह पुंज़ारिंङ धुह्‌ड़ केईर। दंङ क्रापच़ा ते दंङ हऊषेक्च़ा ते कोहर, “हाय! हाय! दि मोह्ड़े नगर अतु सम्पति दोरच़ी समुंद्रो भत्ते जहाज़ो दोरे साहुकार शुहचे इलिर, थोड़े अरे टेमारिंङ दोई एनोह भत्ते टंगा-ढबाह योह्च़े च़रति।”

प्रकाशित वाक्य 19:5

दंङ गेह अपि आ कुट्री रेड्रीगा, दंङ झांह चेहसिरी छना दि सग परमेश्वरो सिंहासनो दोरच़ी अंज़े शुह। दोई कुई, “हे ञेंहतु परमेश्वरो सेवकारे दंङ केरे अंऊ दोऊ बेह्द चेहच़ातंई, चाहे मोह्ड़े तोतोंई या कवचि परमेश्वरो स्तुति लंहि!”

प्रकाशित वाक्य 4:11

“हे ञेंहतु प्रभु परमेश्वर, कांह महिमा खोकच़िमी जोगे तोतोन। कांह आदर खोकच़िमी जोगे तोतोन। काह सामर्थशाली तोतोन छना कुचे केई भत्ते चीज़ो रचना लहसी शुह। केई जुंज़ातन कि दुह अस्तित्वा रिंङ अपतो दंङ दिऊ थल्जी दोतु रचना शुई।”

प्रकाशित वाक्य 4:9

अंऊ सिंहासनो टोईच़ी बंङज़ा तोह, दुह ए तोह अंऊ हमेशा-हमेशा तचेक श्रींङे बंङज़ोतो। अपेहल ला श्रींङे दोच़ी दोबि महिमा, आदर ए धन्यवाद रंड्रातोर, दोहपल निंज़ो पि सेंहणार दोऊ तुईज़ी द्चिह यवातोर, दंङ दोऊ अराधना लहज़ातोर। दंङ दि कुट्रा सिंहासनो तुईज़ी एनातु मुकुट केह्चे केट्रातोर,

प्रकाशित वाक्य 8:10

तीसरा स्वर्गदूते तीसरी तुरहीबि फुह लहरी, दंङ मशालो बराबर मेह हुंच़ाते इच्च़ा मोह्ड़े कर, स्वर्गंङ ज़ि दहचे इलि, झांह लेह बेंडी तु इच्च़ा तिहाई हिस्सा ओ टोईच़ी ए दंङ तिऊ सोतो टोईच़ी दहचे इलि।