प्रकाशित वाक्य 14:5 - लाहौली बाइबिल

⁵ दोच़ी अपेहल ला हप्सी माह कुईर। दोतु अंदरेग छल्ले गलती माह।

प्रकाशित वाक्य 14:5 Iomraidhean Croise

मत्ती 12:34

केहरे बिषज़ड़े ओमड्रो कटुतु ठ्रोह तोतोंई! केरे मांजी शुहचे छना रूठे गप्पा कुट्री तरच़ातंई? छना कुचे छि सेहमरिंङ पिंङषी तोह, दुहए आहरिंङ अपि।

लूको 23:4

दंङ पिलातुसे यहुदी मोह्ड़े पुरोहितरे ए मीहतंङ साते कुहतो, “गिह्बी दिह मीहू अंद्रेग छले गलती माह खोकसिरी।”

यहून्नो 1:47

यीशु ज़ि नतनएल बि एनोह हखा अपि खंणी रंङ साते दोऊ पाहठी कुहतो, “खंणुई, दी इस्राएलो भरोसेमंद खानदानो शुह: अरी पुरे ठ्रोह ईमानदार तोह।”

इफिसियों 5:27

दू एनोह कलीसिया ओ थल्जी ला सिए इलि ताकि दू एनोह भत्ते मीहतिंङ सिद्ध बणाके तरपोतो दंङ हेंदिंङ एनोह हाज़िर रिंङ हपि तरपोतो, अतु दोर छा दोष या पाप या मदम गप्पा शुहबी मेस; पर दोरे पवित्र ए सिद्ध शुहबी जूंस।

कुलुस्सियों 1:22

पर परमेश्वरे हेंतेग एनोह योह बि मीह बणाके दंङ दोऊ क्रूसो टोहकठे सिमी दोरच़ी केहतु ला मेल लहच़ी च़रति ताकि केतिंङ एनोह तुईज़ी पवित्र ए निष्कलंक, दंङ निर्दोष लहज़ा हाज़िर लोहतो।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।

1 पतरस 1:19

दिऊ वहज़ाज़ि, परमेश्वरे केतिंङ मसीहू अनमोल शुहई दोरच़ी च़ुमने च़रति अंऊ हेंदु पापो थल्जी बलि ऊ रूपा रिंङ सिए इलि। दोऊ मौत हेंदु थल्जी परमेश्वरो इच्च़ा कुरच़ो रूपा रिंङ सिद्ध बलि तोहई, छना कि यहुदी पुरोहिता तु दोरच़ी बलि चढ़ाएच़ा सिद्ध ए छल्ले दाग मेह तोहईरे।

1 पतरस 2:22

पवित्र शास्त्रे कुट्रा, “दोई अपेहला पाप माह लहरी।” दंङ दोई अपेहला छा हप्सी माह कुई।

1 पतरस 3:10

छना कुचे पवित्रशास्त्रा रिंङ च़ेहसी तोह, कि “अगर अरिया मीह एनोह जीवनो लेहपच़ी जुंज़ा दंङ रूठे ध्याड़ा खंड्री जुंज़ा, दंङ दोबि खबरदार बंङज़ी जूंशी तोह कि दोई मदम गप्पा कुट्री मरपोतो।” दंङ दोबि झांह ठ्रोह गप्पा लहज़ी बन्द लेह जूंशी तोह अंऊ हेले माह।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।