प्रकाशित वाक्य 14:3 - लाहौली बाइबिल

³ इच्चा लाख निंज़ो पी हजार मीहरे 144,000 सिंहासनो तुईज़ी, दंङ पि श्रींङे प्राणीर ए सेंहणा तु तुईज़ी तोईरे; दोच़ी इच्च़ा खरकोई गीत कुट्रातेर, अतिंङ सिर्फ दोच़ी ए सिखेच़ी तरच़ातेर। सिर्फ दोरे अतिंङ परमेश्वरे धरतीऊ टोईच़ी बंङज़ा मीहतु बिचंङ ज़ि छुड़ाके चरच़ाते।

प्रकाशित वाक्य 14:3 Iomraidhean Croise

1 कुरिन्थियों 1:18

अपेहल मीहरे दि रूठे खबर रेड्रातोर कि मसीह क्रूसो टोईच़ी सिए इलि दंङ दोतु बिचंङ रें मीहरे दि सोचेक्च़ातोर कि दि खबर शुहके शुह। अंऊ मीहरे झांह ठ्रोह सोचेक्च़ातोर दोरे नरको हखा इबि लेहकी तोतोर। पर हेंदु थल्जी अंऊ दू रूठे खबरो टोईच़ी विशवास लहज़ातोर, दि परमेश्वरो मीहतिंङ एनोह सामर्थो दोरच़ी बचाच़िमी तरीका शुह।

1 कुरिन्थियों 2:14

पर फुको मीह परमेश्वरो आत्माओ सच्चाई ग्रहण माह लहज़ा, छना कुचे दोऊ नज़रा रिंङ मूर्खताओ गप्पो तोह इच्च़ा मीह पवित्र आत्माओ सिखासी गप्पो जांच परख लेह तरच़ा, अपेहल दोऊ अन्द्रेग परमेश्वरो पवित्र आत्मा बंङज़ा।

प्रकाशित वाक्य 14:1

दिऊ थल्जी गेह ऊई छा तंङरिगा, गेह सिय्योन गोह टोईच़ी कुरच़ा बि खड़े शुहबी तंङरिगा। दोरंङ साते इच्च़ा लाख निंज़ो पि हज़ार मीहरे तोईरे, दोतु फ्याहरिंङ कुरच़ो मिन ए दोऊ बाह ओ मिन च़ेहसी तोहई।

प्रकाशित वाक्य 15:3

दोरे इच्च़ा झांह ठ्रोह गीत कुट्री लेहकी तोईरे छना परमेश्वरो दास मूसा ज़ि महस तुहई कुहषी तहरे। दोच़ी यीशु महिमा लहज़िमी थल्जी, अंऊ कि इच्च़ा कुरच़ो ठ्रोह तोह, झांह ठ्रोह कुई: सर्वशक्तिमान प्रभु परमेश्वर, छिल्ला केई लहसी तातन दुह मोह्ड़े ए अद्धभुत तोह। काह भत्ते देशो रज्ज़ा शुनाह, केई छिल्ला लहज़ातन दुह सच्चा ए धर्मी तोह।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”

प्रकाशित वाक्य 7:4

अपेहल स्वर्गदूता ज़ि निशान लगाएच़ी पूरा लहज़ी च़रतिर, दंङ अच़िया गिह्बी कंड्रीर कि दोरे मीहरे अतु फ्याहरिंङ स्वर्गदूता ज़ि परमेश्वरो मुहरे निशान लगाएकातोर, दोतु गिनती इच्च़ा लाख निह्जो पी हज़ार तोहई। दिरे मीहरे इस्राएलो भत्ते सनी गोत्रो बिचंङ ज़ि तोईरे।”