प्रकाशित वाक्य 14:2 - लाहौली बाइबिल

² दंङ गेह स्वर्गंङ अतुआ सग रेड्रीगा अंऊ कि तिऊ ठ्रोह मोह्ड़े गर्जन ठ्रोह सग तोहई, या गड़गड़ाहटो सगो ठ्रोह महस जोरे तोहई। दि बेंज़ कुलड्रा दोऊ बेंज़ो दोरच़ी हुंच़ी सगो ठ्रोह चेहसाते।

प्रकाशित वाक्य 14:2 Iomraidhean Croise

1 कुरिन्थियों 13:1

गेह भले मीहतु ए स्वर्गदूतातु बोली कोहग पर अगर गेह मीहतंङ साते दाह माह लहज़ातग, दंङ दू भाषा ला कुट्री धोंण ए बेकार शोतो अंयों कि इच्च़ा रिओ नंदे बि कुलड्री या झांझ बि इच्च़ा मुंद्दे कुलड्री।

प्रकाशित वाक्य 1:10

गिह्बी आरामो ध्याड़ारिंङ अईतवारे अंऊ परमेश्वरो ध्याड़ा तोह गेह परमेश्वरो आत्मा च़ि एनोह वशारिंङ लहरी, दंङ गेह घेंङौ थल्जी ऊईतिंङ दि कुट्री रेड्रीगा, अंऊ सुरमेऊ ठ्रोह जोरे संङा सगरंङ साते दि कुट्राते,

प्रकाशित वाक्य 1:15

दोऊ कोंज़र रिओह ठ्रोह चमक्केपी लेहकी तोईरे अंऊ भटीरिंङ चाह्पि लहसी तोहई, अपेहल दोई कुट्री लेहती दोऊ सग झांह ठ्रोह तोहई छना इच्च़ा मोह्ड़े बेंडी ऊ शवात।

प्रकाशित वाक्य 11:12

दोऊ थल, दुह झुह्ट मीहच़ी सर्गो दोरच़ी इच्च़ा सग रेड्रीर, अच़ि दोकु तिंङ जोरे हाऊष रेंई दंङ कुई, “देर खेका अतंई!” अपेहल दोतु बैरी खंड्रा तोईरे, दोहथर दोरे इच्च़ा डुह चोक्सा खेका स्वर्गो हखा अच़ा इलिर।

प्रकाशित वाक्य 11:15

अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”

प्रकाशित वाक्य 15:2

दंङ गेह छा तंङरिगा अतु चौड़ाई समुंद्रो ठ्रोह तोहई, दि मेह च्वासी अरशीहू ठ्रोह तंङफाते। दंङ दुह समुंद्रो मुखंङ अंऊ अरशीहू ठ्रोह तोहई, गेह महस मीहतिंङ खड़े शुहबी तंङरिगा। दोरे, दुह मीहरे तोईरे अच़ि दुह घ्वंणा बि याहरच़ा तेर, छना कुचे दोच़ी दोऊ अराधना लहज़िमी रंङ साते इंकार लेह च़रतिर, दोच़ी दोऊ मुर्ति ऊ अराधना लहज़िमी रंङ साते दंङ दुह गिनती ओ चिन्ह खोकच़िमी दोरच़ी इंकार लेह च़रति अतु मतलब दोऊ मिन शुह। दोरे यहरच़ा दुह समुंद्रो मुखंङ खड़े तोईरे अंऊ अरशीहू ठ्रोह तोहई, दोच़ी दुह तारो ठ्रोह कुलड्रिमी यंत्र च़ुमसी तरेर अंऊ दोतिंङ परमेश्वरो तरफे रांहषी तोहई।

प्रकाशित वाक्य 18:22

हे बाबेल शहर, कनिंङ यह्च़ा अपेहल ला बेंज़ बचाएच़िमी ए गीत कुट्रीमी सग माह थाक्पोतो। दोर्तिंङ बेंज़ ए तुरही बज़ाच़ी माह थक्शतो। झांह ठ्रोह अरिला रूठे कारीगर माह शोतो, दंङ चक्की किरच़िमी सग यह्च़ा अपेहला माह शोतो।

प्रकाशित वाक्य 5:8

अंऊ मुक्का दोई कताब रैंज़ा शिली ता दुह पि ला प्राणी ए निह्जो पि सेंहणार दुह कुरच़ो तुईज़ी द्चिह इलिरे; दंङ हर इच्च़ा सेंहणा ज़ि इच्च़ा बेंज़ ए ज़ङों बणेषी कोली च़ुमसी ताहरेर। कोली धूपे पिंङषी तोहई अंऊ परमेश्वरो पवित्र मीहतु प्रार्थना बि कंड्रा।

प्रकाशित वाक्य 6:1

दोहथल गेह खंईगा कि कुरच़ा दुह निह्ज मुहरो बिचंङ इच्च़ा युप्ति; दंङ गेह पि श्रींङे प्राणी तु बिचंङ इच्च़ा बि हाऊष रंड्री रेड्रीगा। दोऊ सग गर्जनो ठ्रोह महसे तोहई। दोई कुई, “हेंतेग ईला तुखा बणेक्तु।”

प्रकाशित वाक्य 8:7

मुण्डो स्वर्गदूते तुरही फुह लहरी, दंङ ध्वांए शुहई रंङ साते च्वसी मुघ ए मेह धरतीऊ टोईच़ी केहच़ी च़रति। झांह लेह धरतीऊ इच्च़ा तिहाई हिस्सा रोह्षा इलि, दंङ इच्च़ा तिहाई बुटर रोह्षा इलिर, दंङ भत्ते तिंङीं श्रांङ ला रोह्षा इलि।