प्रकाशित वाक्य 14:16 - लाहौली बाइबिल

¹⁶ झांह लेह, दोई दुह जड़मो किरच़े च़रति, अतिंङ दोई च़ुमसी तहरे, दंङ संसारो भत्ते फसल दोऊ दोरच़ी ट्रिके च़रति।

प्रकाशित वाक्य 14:16 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

प्रकाशित वाक्य 14:14

दंङ गेह इच्च़ा छंङसी डुह तंङरिगा, दंङ गेह ऊईतिंङ तंङरिगा अंऊ इच्च़ा मीहू ठ्रोह तोहई, दंङ डुह टोईच़ी बंङज़ा तोहई। दोऊ पुंज़ंङ ज़ङों मुकुट तोहई दंङ गुह्ट्ररिंङ इच्च़ा चंज़े जड़मो तोई।

प्रकाशित वाक्य 14:15

दोहपल अई इच्च़ा स्वर्गदूत अंऊ कि चौथा स्वर्गदूत तोह परमेश्वरो खबर रैंज़ा स्वर्गो मंदिरो धकतेखा अति। दोई डुह टोईच़ी बंङज़ा मीहू हखा जोर रें कुई, “धरतीऊ फसल मिन्ज़ी इलजी तोह। फसलो ट्रिकट्रिमी टेम पिचे इलजी तोह। झांह लेह केनोह जड़मो चलाएतु दंङ फसल वलदु।”

प्रकाशित वाक्य 14:17

दोहथल अई इच्च़ा स्वर्गदूत दुह मंदिरो दोरच़ी हुंच़िरी, अंऊ स्वर्गारिंङ तोह, दंङ दोऊ कछंङ ला चंज़े जड़मो तोह।

प्रकाशित वाक्य 14:19

दोहथर दुह स्वर्गदूते दुह अंगूर ट्रिके च़रति अंऊ धरतीऊ टोईच़ी तोह दंङ दोतिंङ ठ्रोका लहरी। दोई दाखा बि इच्च़ा मोह्ड़े नंदे ऊ अंदरेग केहच़ी च़रति। दिऊ मतलब दि तोह कि परमेश्वर महस भयंकर सज़ा रमोतो।