प्रकाशित वाक्य 14:14 - लाहौली बाइबिल

¹⁴ दंङ गेह इच्च़ा छंङसी डुह तंङरिगा, दंङ गेह ऊईतिंङ तंङरिगा अंऊ इच्च़ा मीहू ठ्रोह तोहई, दंङ डुह टोईच़ी बंङज़ा तोहई। दोऊ पुंज़ंङ ज़ङों मुकुट तोहई दंङ गुह्ट्ररिंङ इच्च़ा चंज़े जड़मो तोई।

प्रकाशित वाक्य 14:14 Iomraidhean Croise

मत्ती 13:30

व्लज़िमी ध्याड़ा तचेक झुल्लाकुतिंङ साते मोह्ड़े शुहबी रांई दंङ वलज़िमी मुक्का गेह वलज़ातिंङ कोग कि हेगा जंगली बेईज़ा तु पोधारे ठ्रोहका लेह रोहट्रीमी थल्जी दोतु कुर लांई, दंङ छ्वा गिऊ भंडारंङ ठ्रोहका लांई।”

मत्ती 17:5

पतरस अईता कुट्री ए लेहकी तोहई इच्च़ा छंङसे डुह दोतु टोईच़ी अच्च़ा अति, दुह डुए दोरे कपची च़रति दंङ दोतु हखा डुह बिचंङज़ि परमेश्वरे कुंहई, “दिह गिऊ प्यारे योह शुह अतंङ साते गेह राजी तोतोग; दिऊ रेड्रुंई।”

मरकुसो 4:29

छना ए फसल तेयार शुहचे योतो दंङ ध्वांए ज़िमदारे मीहरे, दुह फसल ट्रिकट्रिमी थल्जी च़चे च़रति, छना कुचे ट्रिकट्रिमी ध्याड़ा अच़ा अन्दे।”

लूको 21:27

दंङ दोरे मीहरे गेह मीहू योह बि सामर्थ ए मोह्ड़े महिमारंङ बद्ड़ातु टोईच़ी अपि तंङमोर।

इब्रानियों 2:9

पर हेले दि तोह कि थोड़े टेमो थल्जी, यीशु दर्जा स्वर्गदूता बे थोड़े कम शुई। ताकि परमेश्वरो मोह्ड़े दाह रंङ साते यीशु भत्ते मीहतु थल्जी सिए योतो। दंङ छना यीशु ज़ि दुख उठाएती ए सिए इलि, परमेश्वरे दोबि महिमा ए आदर रांई।

प्रकाशित वाक्य 1:13

दंङ दुह संजवा तु बिचंङ इच्च़ा मीह खंणीर, अंऊ इच्च़ा गंङमी ओ ठ्रोह तंङफाते, दोई इच्च़ा बागा इच्च़ा लम्हें धकते कि खमज़ेर लेहसी अंऊ दोऊ कोंज़ो ओ कछंङ तचेक तोहई, दंङ एनोह काह् रिंङ छंङसी रंगो कमरबन्द छ़ुह्च़ी तहरे।

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।

प्रकाशित वाक्य 10:1

दंङ गेह इच्च़ा ऊई शक्तिशाली स्वर्गदूताबि इच्च़ा डुह चोकसा ते सर्गंङ ज़ि तक्सी खंईगा; दंङ दोऊ पुंज़ो पिला हासी इच्च़ा मुघतु धनुष तोह, दोऊ मोद ऐकेऊ ठ्रोह चमकेक्पाते दंङ दोऊ कोंज़ा मेहू थम्मो बराबर तोईरे;

प्रकाशित वाक्य 11:17

दि कुट्री लेहतिर, “हे सर्वशक्तिमान प्रभु परमेश्वर, अंऊ तोह, दंङ अंऊ तोहई, ञेंहच़ी हेले कनु धन्यवाद लहज़ातंई छना कुचे केई हेंतेग केनोह मोह्ड़े सामर्थ कंड्रातन दंङ हेंतेग केई धरतीऊ टोईच़ी केनोह राज शुरू लेह चरच़ातन।

प्रकाशित वाक्य 19:12

दोऊ टिरा मेहू ठ्रोह चमकेक्पतोर, दंङ दुह महस मुकुट लहज़ा तोह दंङ दोऊ इच्च़ा मिन दोर्तिंङ च़ेहसी तोह, पर सिर्फ दोई ए दुह मिन ओ मतलब ञेंहच़ा।

प्रकाशित वाक्य 20:11

दंङ गेह इच्च़ा छंङी सिंहासन तंङरिगा अतु टोईच़ी परमेश्वर विराजमान तोहई। पर दुह ठहरि अंऊर परमेश्वर विराजमान तोहई, धरती ए स्वर्ग भत्ते योंहंषा शुहचे इलि, दंङ अच़िला दोतिंङ यह्च़ा खंड्री मरतिर।

प्रकाशित वाक्य 6:2

दोहपल गेह इच्च़ा छंङसी रहंङ तंङरिगा। दंङ अंऊ दोऊ टोईच़ी सवार तोहई दोई धनुष कुरच़ा ततो: दुह स्वर्गो धकते धरती ओ टोईच़ी अच़ा इलि, दोऊ ठ्रोह अंऊ तुहई ए द्रक्शे इलजी तोह, दंङ यह्च़ा द्रक्शे योतो।