Biblia Todo Logo
Bìoball air-loidhne

- Sanasan -




प्रकाशित वाक्य 14:13 - लाहौली बाइबिल

13 दोऊ थल गेह यह्च़ा स्वर्गो दोरच़ी अतिंङ कुट्री रेड्रीगा दंङ दोई गिऊ हखा कुई: “दि गप्पारे देर्तिंङ च़ेऊ। हेंतेग बे, दुह मीहरे धन्य तोतोर अंऊ परमेश्वरो टोईच़ी विशवास लहज़ा सिए इलिर।” दोहपल पवित्र आत्मा दिऊ थल्जी सहमत शुहचे इलि, दोई कुई, “दि हेले तोह दोरे धन्य शुरे छना कुचे दोरे एनोह खरे मेहनतो दोरच़ी आराम खोकपोरे दंङ अंऊ कम दोच़ी लहज़ातोर दोऊ थल्जी दोतिंङ ईनाम खोकसोतो।”

Faic an caibideil Dèan lethbhreac




प्रकाशित वाक्य 14:13
41 Iomraidhean Croise  

दंङ स्वर्गंङज़ि परमेश्वरो सग अति: “दिह गिऊ प्यारे योह शुह अतंङ साते गेह महस खुश तोतोग।”


पर अब्राहमे कुहतो, हे योह, हिद लोहऊ कि केई केनोह ज़िन्दगीरिंङ रूठे चीज़ा रंङ साते आराम लहतन। दंङ दिह लाज़रे ला महसे दुख उठाके चरच़तो, दा हेंतेग दिह देर्तिंङ सुख शांतिरंङ साते तोह दंङ कांह टेहषीरिंङ तंड़पेक्पी लेहकी तोतन।


दंङ गेह केतंङ कुट्रातग कि संसारो ढबोह दोरच़ी केन्दु थल्जी झांह ठ्रोह साथीरे बणाके च़रतुंई; कि अपेहल दुह ढबाह योह्सा योतो ता दुह साथी केहरे अनंतकालो चुंङ रेंज़ा शोतो।


छना कुचे अगर हेनर श्रींङे तोहई ता प्रभु थल्जी श्रींङे तोतोंई, दंङ अगर सिवातंई ता प्रभु थल्जी सिवातंई; दंङ हेनर श्रींङमोंई या सियोंई, हेनर प्रभुऊ ए शुई।


धोंण ए मशत, अंऊ मीहरे मसीहू टोईच़ी विशवास लहज़ा सिए इलोर, दोतु ला नाश शुचे इलज़ा।


पर सच्चाई दि तोह कि परमेश्वरे हेले रिंङ मसीह बि सिए दोतु बिचंङ ज़ि श्रींङमी लहरी, दंङ दोई हेंदिंङ दि गप्पो थल्जी हिम्मत रंड्रा कि दोई दुह मीहतिंङ ला श्रींङमी लोहतो अंऊ सिए इलजी तोतोर।


झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।


हेंदिंङ ता परमेश्वरो टोहकठे विशवास तोह, हेंदिंङ सिमी थल प्रभु कछंङ बसेपी महस पसन्द तोह।


प्रभु रिंङ केहतु विशवास ए केहतु सेवा परमेश्वर बि चढ़ासी बलिदानो ठ्रोह तोह। अगर दोच़ी गेह सच़ी च़रपोर, तांला गेह खुश तोतोग दंङ केरे भत्ते तंङ साते खुशी मानाएक्च़ातग।


अगर हेंज़ी विशवास लहज़ातंई, कि यीशु सिए इलि, दंङ श्रींङी ला इलि, दंङ ध्वांए परमेश्वर दोतिंङ ला अंऊ यीशु मसीहू टोहकठे विशवास लहज़ा सिए इलिर, यीशु रंङ साते स्वर्गंङ च़ि वापिस हपतो।


छना कुचे प्रभु यीशु एनोह ए स्वर्गो दोरच़ी तकसोतो; दोई मोह्ड़े सगरंङ साते हुकुम रमतो, दंङ इच्च़ा प्रधान स्वर्गदूत जोरे हाऊष रें कोहतो दंङ परमेश्वरो तुरही ओ ला संग थक्पोंई, दोहपल भत्ते बे तुहई अंऊ मसीहरिंङ विशवास लहज़ा सिए इलजी तोतोर, दोरे मुन्डारिंङ श्रींङे योर।


यीशु मसीह हेंदु थल्जी झांह लेह सि इलि, कि हेनर चाहे श्रींङमोंई या सिए योंई, अपेहल प्रभु यीशु मसीह वापिस अपतो दंङ दुह मुक्का हेनर हमेशा दोरंङ साते बंङज़ी तरपोंई।


गेह करंङ साते कुट्रातग कि कलीसिया ओ सेंहणा अंङड्रीमी थल्जी जल्दबाज़ी था लोह, छना कुचे रें मीहच़ी खुले आम पाप लहज़ातोर देर तचेक कि न्याय शुहबिमी तुहई ए दोरे विशवासी तु तुईज़ी दोषी तोईरे। पर रें मीहतु पाप महस टेम तचेक तुईज़ी माह अपा।


ध्वांए ठ्रोह, अपेहल मीहच़ी रूठे कम लहज़ातोर, दंङ दुह ऊई विशवासी तु तुईज़ी प्रगट शवाह, अगर माह तोर, दंङ दोरे महसे तचेक ब्याके ला मरच़ि।


कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”


अपेहल निह्ज़ी सग थक्शतो, दंङ गेह चेहच़िमी थल्जी तेयार तोईगा, पर गेह स्वर्गो दोरच़ी दि सग रेड्रीगा, “अंऊ गप्पारे गर्जनो सगे कुहतो दोबि प्याके तोह दंङ था चेऊ।”


अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”


दंङ परमेश्वरो अंऊ मंदिर स्वर्गारिंङ तोह, दुह अलसा इलि, दंङ दोऊ मंदिरंङ दोऊ वाईदा ओ बक्सा तंङसा इलि, बिजली, सग, गर्जन ए भुयंल शुई, दंङ सर्गंङ ज़ि ओलो मोह्ड़े संदाण शुई।


सातवें स्वर्गदूते अंऊ दोऊ कोली रिंङ तोहई दोबि लन्न दि थोरच़ी च़रति, दंङ गेह स्वर्गो मंदिरो अंदरेग च़ि परमेश्वरो सिंहासनो दोरच़ी अतिंङ आ जोरे कुट्री रेड्रीगा, “पूरा शुहचे इलि!”


स्वर्गदूते गिऊ हखा कुई, “दि चेऊ, कि धन्य तोतोर दोरे, अंऊ कुरच़ो ब्याहू बगतारिंङ बुलासी तोतोर।” दंङ दोई गिऊ हखा कुई, “दि बचन परमेश्वरो तरफे तोह, दि भत्ते पक्‍का रूपारिंङ हेले तोह।”


दोई गिऊ हखा दि ला कुई, “इफिसुस शहरो कलीसिया ओ स्वर्गदूता बि दि ला खबर चेहई च़रतु: गेह दुह ए शुगाह अंऊ एनोह सुचंङ गुहड़रिंङ निह्ज कर लेहपसी ततो, दंङ अंऊ ज़ङों निह्जो दिवटो बिचंङ ज़ोजा।” गेह केतंङ साते दि कुट्रातग,


हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।


दंङ अंऊ सिंहासनो टोईच़ी बंङज़ा तोहई, दोई कुई, “गेह भत्तेधिर खरकोई लेह केहऊगा।” दंङ यह्च़ा दोई कुई, “चेहई च़रतु, छना कुचे छि गेह कुट्रातग केई दोऊ टोईच़ी विशवास लेह तरपोन, दि गप्पारे ज़रूर पूरा शोर।”


परमेश्वरो आत्मा ए ब्याहुत्री जबाब रेंई, “अता!” अरिला दि सग रेड्रा, दोबि ला कुट्री जूंशी तोह, “अता!” अरिला तिस्करे तोह, दुह देर अपतो। दुह ती तुंङरेंई अंऊ दोई जीवन रंड्रा, अंऊ कि दुह भत्ते तिंङ मुफ्ता रिंङ खोकसा अंऊ दिबी तुंङमी तातोर।


दोतु बिचंङ हर इच्च़ा बि छंङसी खमज़ेर रेंई। दंङ परमेश्वरे दोतु हखा कुई, “हेंतेग कि थल्जी आराम लंहि, छना कुचे हेंतेग ला केहतु रेह साथी ए केहतु साथी विशवासी तोतोर अतिंङ केहतु ठ्रोह सच़ी च़रपोर। अपेहल सच़ी केट्रिमी दोतु गिनती पूरे शुहचे योतो, दोहपल ए गेह बदला लेहपोग।”


Lean sinn:

Sanasan


Sanasan